أضف سؤال أو موضوع جديد          

وش الحل صدمني باكستاني تامينه منتهي مع افيو

up 4 down 2
mishal717 6
قبل شهر و أسبوع



السلام عليكم 




اليوم حصلي حادث مع واحد باكستاني كان عاكس السير والحمدالله الضرر ماكان كبير  تامينه منتهي او حتى يمكن مامعه كلمت المرور قالي كلم نجم جاء نجم وحط نسبه ميه في الميه عليه وخذت التقرير ورحت المرور وقدرت السياره وقالوا بعد يومين تعال استلك التقدير لكن الباكستاني ماحجزوه قلت كيف باخذ حقي منه قالوا لي توقف خدماته ؟ وبيجيك. حقك 




الي بعرفه لو توقف خدماته الكفيل له دخل ؟؟ يعني بنتظر لين يجدد اقامته او يسافر وبجلس شيل وحط معه ؟؟ 




انا اذكر النظام ينحجز  




ممكن احد صار له نفس الموقف او التجربه لاني احس حقي ضاع وبجلس شيل وحط مع الباكستاني 
وش ذنبي انا مامن فوق ٢٠٠٠ وسياره مامشت ١٠٠٠٠ يجيني واحد مستهتر عاكس شارع بكل بجاحه وتامينه منتهي واخر شي ايقاف خدمات ؟؟؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كان الله في عونك


up 1 down 0
قطع غيار 2002 30
قبل شهر و أسبوع



حتى لو تأمينه ساري 
عكس اتجاه السير مايشمله التأمين 
الله يعينك 


up 3 down 1
hussain4 580
قبل شهر و أسبوع



المفروض ينحجز أو يطلع كفاله 


up 1 down 0
m12221 21
قبل شهر و أسبوع



قبل كم شهر صاراحتكاك بيني وبين سيارة ثانية والاضرار بسيطة وهو الغلطان وما عنده تامين
وكان في عسكري عند التقاطع جانا على طول وسوى تخطيط للحادث ورحنا المرور سوا وتقابلنا هناك
المرور حط الخطأ عليه 100%
العسكري قاله هات مفتاح السيارة ووداها للحجز
وقال لي انت روح قدر الحادث وخذ الرجال معاه (الطرف الثاني)
رحت قدرت وجيت العسكري وقال للطرف الثاني ادفع
بعد ما دفع اعطاه ورقة وقال له روح الحجز طلعها
هذا الذي حصل معي قبل ممكن 8 شهور بجدة


up 5 down 2
ابو اسيل 111 190
قبل شهر و أسبوع



لما تكلم نجم عطهم لوحته ويعرفون صلاحية تأمينه ويعلمونك ويقولك كلم المرور


up 0 down 1
abo3edh 240
قبل شهر و أسبوع



بعد ما تقدر السياره وتتصل عليه ويجي راح يتبكبك عندك عشان تسامحه او تخصم له وراح يعطيك هاذيك الأسطوانة انا مافي فلوس انا مسكين ومن هذا الكلام وبنفس الوقت بيجيب جماعته معه لجل يحاولون معك ويضغطون عليك المهم انا لو بمحلك بخليه يدفع المبلغ كامل لاجل يحترم النظام  ما هو بلاده يعكس السير ولا همه ولا ضرب لانظمة البلد والمرور حساب !! 


up 11 down 6
088mansour 767
قبل شهر و أسبوع



اللي اعرفه الطرف اللي عليه الخطاء 
لازم كفيل اذا عنده تأمين التأمين كفيله 
اذا ماعنده تأمين مايطلع الا بكفاله 


up 1 down 0
w.asa 2169
قبل شهر و أسبوع



اول كان يحجز الحين ايقاف خدمات ومتى ما توفرت الفلوس يسلمها ويفك الحجز عن الخدمات يعني لو مكانك وعندي استطاعة اضبط سيارتي ومتى ماجاء جاء


up 0 down 1
yahya alajlani 366
قبل شهر و أسبوع



المفروض مايجي نجم من الاساس لان الطرف الثاني مامعه تأمين






يجي المرور يكتب التقرير ويحجز الشقيق الباكستاني حتى يسدد الكفيل حقك




لكن النظام احيانا بالمزاج





الله يعينك يالحبيب


up 6 down 0
مليحي 159
قبل شهر و أسبوع



بغض النظر عن الحادث الباكستاني عاكس السير المفروض حجز ومخالفه


up 1 down 0
كارينو 470
قبل شهر و أسبوع



عكس السير هذه مخالفة و يصلح سيارتك زي الكلب.  تعبنا من ذي العينات يجي يسوي الغلطة وبعدين يتمسكن.

و مافي تأمين ينطق بالحجز لين يطلع بكفالة وسيارته تنحجز معاه.  عشان يعرف ان الله حق.  وبعدين نجم هذا بس للسيارات اللي

عليها تأمين.  كيف المرور يتدخل؟؟ هذا كان زمان قبل 2008 تدشين نجم.


up 2 down 7
بدر الباثفايندري 704
قبل شهر و أسبوع



الحمدلله على سلامتك اولاً
ثانياً لاقدر الله حصلك حادث وتامين الطرف الثاني منتهي
دق على المرور وقل لايوجد تامين لكلا السيارتين
ويحضر غصب عن خشمه ، 
المرور مستهتر وغير مهتم يبيها فوق ظهر نجم وطز في حقوق الضعاف ..
بس فالقسايم يحضرلك اول واحد ،
اقسم بالله مره دقيت حول ٣٠ مكالمه ولا احد رد علي من المرور
شف هذاني اقسمت ، 
حسبي الله في كل عديم المسؤليه


up 2 down 1
wooow.r 83
قبل شهر و أسبوع



المرور ما يجي الا اذا كان كل الطرفين ما معهم تأمين.. لكن المفروض بعد ما رحت المرور يحجزوه الين ما يسدد

على العموم ما عليك الا الانتظار وخدماته بتتوقف لا تشيل هم.. ويرجع يدق عليك صارت لي قبل.. بس بتعمتد على المدة اللي يحتاج يسوي فيها اي اجراء حكومي





up 0 down 0
king.king 708
قبل شهر و أسبوع



انا صارلي نفس مشكلتك واللي صار اني ما فكيت الباكستاني لما صلح سيارتي والله يعني مشيت معه من موقع الحادث
الى الورشة ودفع قدام عيني وصلح السيارة كامل الاضرار


up 0 down 0
الحنشاوي 39
قبل شهر و أسبوع



الله يعينك اخوي


up 0 down 0
mbc9 1
قبل شهر و أسبوع



ليش ديسلايكات مع اني كلامي صحيح وين الغلط فيه 

لو عندكم كلام غير كلامي ورنوي فلسفتكم يالا 

انا الحق علي اني موجود في منتدى غبي مثل ذَا 


up 0 down 2
بدر الباثفايندري 704
قبل شهر و أسبوع



اشكرك على ردودكم جميعا انا رحت المرور اليوم وقالوا لي نتصل عليه ثلاث مرات لو ماحضر يجيه ايقاف خدمات والعسكري نفسيتها شينه حتى ماكان يبي يتصل يقول صبح ماحد صاحي !! 
المهم اقتنع العسكري و كلم الباكستاني وعلى كلام الباكستاني  بيجي بكره والعسكري يقولي تفاهم مع خصمك !!!
لاحظ انه مامعه تامين وعاكس سير وانا الي جالس اطارده واحراجات مع عملي كل شوي مستاذن 
انا قررت ماجدد تامين سياره اذا صدمت واحد امرمطه لين اجيب المبلغ وبفاوضه ينقصه بعد وانصح كل واحد مايامن لان النظام لصالحه 



up 0 down 1
mishal717 6
قبل شهر و أسبوع



طبعا انا كلمت الباكستاني وجالس يفاوض على المبلغ وواعدته بكره ونشوف


up 0 down 1
mishal717 6
قبل شهر و أسبوع



نقطه ثانيه لاتشتري سياره بمبلغ كبير او خل معك سيارتين 
وحده حقت المشاوير والمشاكل المروريه ووحده حقت دوام وسفر ورسميات
يجيك همجي يصدمك ويضيق صدرك وفوق هذا تتمرمط لين تجيب حقكك 
ولاتامن ابدا النظام معك وتقدر تبهذل الطرف الثاني وتخليه يتنازل عن جرء من البلغ لانه مضطر يصلح سيارته 
وانت عندك الوقت للماطله المرور في صفك 


up 0 down 0
mishal717 6
قبل شهر و أسبوع