هل النانو سيراميك يؤدي الغرض

وعليكم السلام 
لا تركب حماية للواجهية في محلات الزينه ابداً ولو يعطيك اياها ببلاش 
خلك على المحلات المعروفة . وانصحك تركبها عشان تحافظ على موترك 

يارجال تركبها بمبلغ وقدره في الاخير يجيك واحده يحكه لها ولل استفدت شي الصدامات صارت قطع استهلاكيه في الوقت ذا تبي نصيحتي حط حمايه ع الشمعات والكشافات والمرايات انا سويتها ف 3m ب 300 ريال وضمان سنه
والحمد لله لها سنتين على السياره

ركب لك الصدرية اللي تجي قدام السيارة وتغطي كامل الصدام

اذا بتركبه في محلات موثوقه ولها سمعتها
فهو يؤدي الغرض وزياده واحد من اقربي مركبه على اكسبلور من يوم طلعه وكاله قبل خمس سنوات ولليوم ماشاء الله تبارك الله
وجهية السياره وكالة
انا شهر 8 طلعت سيارتي وكالة وسافرت عليها اخر رمضان وقابلت سافي أعدم وجهية السياره عدااااااام
الوجهيه شهبت والزجاج الأمامي رمل والشمعات والنياكل وديتها كذا محل تلميع مافيهم إللي قال ترجع مثل ماكانت 100%
في الاخير لمعتها وماااش مهي مثل أول اعطيها 50% والحمد لله على كل حال
لو كنت أعلم كنت سويت حمايه للوجهيه من أول يوم طلعتها ولكن قدرالله وماشاء فعل
عشــان كذا أنصحك تسوي حماية وجهيه مع حماية للزجاج الأمامي .

ايه يفي بالغرض ، عليه ضمان ١٠ سنوات بعض الشركات
وكل ٦ شهور تمرهم يلمعون لك الموتر ببلاش ، 
والحكات والعج والسافي كلها ماتوصل لطبقه البودي فيه طبقه عازله
نصيحه اخ ، ركب دامك رايح جاي وماتدري وش يصادفك من اجواء

اللي كل شوي ماسك خط رايح جاي يومياً يركب له حماية اما اللي بين وقت ووقت يمسك خط واغلب وقته بالمدينة فحرام يركب حماية

حط حمايه ع الشمعات والبدي خله ف حاله 

وتضليل شفاف عشان القزاز وصل الله وبارك

انا مركب حماية وجهيه ضمان خمس سنين وتلميع كل ست شهور مجانا
ب1400ريال
وبالنسبه للزجاج الامامي ركب عليه تضليل شفاف تحميه من السافي والغبار تقريبا مايكلفك مية ريال