أضف سؤال أو موضوع جديد          

التجاري موووت يا اخوان

up 21 down 0
المعاوي١٩٩١ 425
قبل 8 شهر و 2 أسبوع



السلا عليكم ومالكم بالطويله انا معي لاندكروزر 8 سلندر 2007 ومحافظ عليه مثل عيوني يعني اروح ماخلي مكان بس بادب واصلحه اول باول وجاء مره قلت خلني اشيك عليه وحصلت عواميد السحب الاربعه اللي تمسك الدفرنس الخلفي بالشاص وجيت ابغيرها وحصلتها غاليه قالي اليماني صاحب الورشه خذلك جلد للعواميد فقط وبنكبسها لك وماراح تكلفك الا 200 ريال وصراحه فرق كبير بالسعر، المهم خذيت الجلد وكبسها لي ومشت السياره مضبوط وجت الصيفيه ومشينا حنا والاهل وكنت بالخط سرعتي من 120 الى 145 واحس ان السياره تعوم زي السفينه قلت يمكن من العفش وزي كذا وتركتها لان توني مغير الجلد مالي شهر المهم وصلت الديره وكنت ماشي ومسرع فجأة زادت العومه لدرجة باقي حبتين وانقلب وكفاني ربي سبحانه واروح لميكانيكي مصري امين دايم اتعامل معه وشغله حلو وشاف عواميد السحب الخلفيه مسك راسه قال لو حملت عليه اثنين بس راح عليك الدفرنس وبعدها غيرت اصلي وكاله ومهما كانت غاليه لاتغليها ع نفسك واهلك وبرضوه فيه حاجه ثانيه كنت استفسر عنها اللي هي رجة بالبودي من 40 الى 80 وتختفي بعدها طبعا مريت ورش الرياض كلها اللي يقول كارونه اماميه واللييقول القير عندك يبيله توضيب لانه تماتيك وووو وجا المصري جربها قال كراسي مكينه وركبتها برضوه وكاله وفرق التجاري عن الوكاله 700 ريال لكن يفداه اهم شي السلامه وانصحكم بالاصلي والروح غاليه ودمتم بود.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمد لله على سلامتك ىسلامة من معك
والله يجزاك خير على النصيحة الطيبة 
فعلاً القطع التجارية موووت خصوصاً بالاشباء 
الاستهلاكية الميكانيكية وكذلك لا نغفل عن الكهربائية 
ربك ستر عليكم وهذا فضل ورحمة ودفعة بلاء عنك وعن من معكم 


up 4 down 0
nasser1430 841
قبل 8 شهر و 2 أسبوع



الأصلي دايم غالي وفيه ياباني درجة أولى تحت الأصلي والتجاري يجي درجات ودول مصنعه لنفس القطعه عن نفسي اركب ياباني تحت الأصلي والحمد الله ماشفت منه الى كل خير


up 3 down 0
المتوكل 777 432
قبل 8 شهر و 2 أسبوع



الحمدلله. اللي الله فكك.   والشي بالشي يذكر.    اخو زميلي طالب في جامعة البترول معه اكورد.    غير ركب او شي من هذا القبيل
تجاري    ويوم وهو راجع مسرع طاحت السياره وصدم او انقلب  ناسي والله.   وانكسر فيه رجل مدري يد.  وتكلفت السياره مبلغ وقدره
بارضه ناسي.   المهم الرجل اصيب وخسر ماديا اكثر بكثير من قيمة الاصلي
ممكن اركب صدام تايواني.  ممكن اصطب ممكن شمعه.  لكن شي له علاقه بالسلامه.  غير الاصلي لاتدور.  


up 2 down 0
عبدالله الشفيعي 1450
قبل 8 شهر و 2 أسبوع



اي والله صادق ما في بعد الأصلي.

العام الماضي بعد عيد الفطر مريت العضيب علشان اسوي فحص لبطن السيارة و طلع عندي جلد مقصات و المساعد الأمامي يمين.

المهم المقصات المشكلة الشركات بعضها ما تبيع الا كامل وانا بس ابي الجلدة.  فعلا خذيت طقم جلد مقصات الماني و ركبتهم على

مقصات السيارة الشد بلد كبس.  و المساعدات خذيتهم KYB مع كراسيهم طبعا اصلية الكراسي من نيسان.

و مِؤخرا صارت عندي مشكلة الحرارة و حليتها برديتر جديد وكالة  مع الغطا اصلي و ثيرموستات اصلية.

الشي الوحيد اللي في سيارتي تجاري الصدام الأمامي نيسان بس صناعة تايوان لوما الحادث والا كان ما غيرته و الحمد لله على

كل حال.  له سنتين راكب و ما منه الا العافيه.

الرديتر ينصحون بالصيني بس لأنه رخيص بس مشكلتي احب الأصلي اي نعم غالي بس يعيش و يخدم ولا تنسى قطعة داخلية

يعني حول المكينة.  اما لو رفرف او صدام ما يهم تجاري او اصلي.

بالنسبة للصدام التايواني انا حسيته نفس الياباني حتى يمكن احسن يعني ما اشتكيت منه بالرغم من مرور سنتين على تركيبه.

سعر المقصات سعرتهم بالحمراني 840 ريال الحبة طبعا, بينما طقم الجلد اربع حبات ب 450 ريال من محل اسمه المركبات

المتقدمة.


up 2 down 0
بدر الباثفايندري 892
قبل 8 شهر و 2 أسبوع



عندنا مثل يقول يا مسترخص يا مستنغص


up 2 down 0
الشريف بدر 273
قبل 8 شهر و 2 أسبوع



كانت معي كرسيدا 93 الله يسقي ايامها 
بعد الكرف والكد جاء ذاك اليوم اذا مسكت فرامل ترج كان الكفر الامامي بيطلع من مكانه 
المهم رحت لورشة متعامل معهم ويشوفها فلبيني جديد علي ويفحص  بطن السيارة قال لازم تغير المقص مع الذراع
مع الجلب وقطع ثانية جهة الراكب كم التكلفه يا ابو فلبن قال ( ٩٠٠ ريال ) قطع وشغل يد .. ما اتقتنعت بكلامه ابداً .
مريت ورشة فيها هندي حبيب وابن حلال فحص السيارة وخلال دقايق فك جلدة عمود السحب اللي يمسك المقص بشاص السيارة 
وقال تلقى الجلدة الاصلية بـ 40 ريال والتجاري بـ 15 ريال .

طبعاً مثل هالقطع ما يبيلها تجاري ابداً .. جبت الجلدة الاصلية وركبها في دقايق .. قلت كم شغل يدك يالحبيب قال اللي تعطيني 
انا من طيب خاطر وعلشان امانته عطيته بلا مِنه 50 ريال .

لاحظوا الفرق من 900 ريال الى 90 ريال .. والقطعة انا جبتها أصلية وكالة .. يعني الشغلة آمان بعد الله .. وبعد انك 
تفك عمرك من الغش والنصب والاحتيال وتوفر فلوسك في الصيانة الصحيحة والقطع المطلوبة .



up 3 down 0
nasser1430 841
قبل 8 شهر و 2 أسبوع



مثل ألماني يقول

أذا كنت فقيرا فلا تشتري الرخيص




up 2 down 1
دكتوراه في الحب 148
قبل 8 شهر و 2 أسبوع



بعض الناس مسوي فيها شطارة وانه الكسبان بتوفير كم ريال ، لا يا أخي الحسبة ما هي كذا ، أصلي مهما كان غالي يعيش معك ويتحمل
وأمان ويصنع على أساس توافقه مع باقي القطع وتناسق المنظومة التي تكون القطعة جزء منها ، في المقابل التجاري يختلف خامة
التصنيع عن باقي القطع الأخرى فيعمل اختلاف في الحركة الميكانيكية غير رداءة الصنع وعمر افتراضي قصير ، وعند تعطل القطعة
أو انتهاء عمرها الافتراضي فإن الأصلي يعطيك مؤشرات وأصوات على قرب انتهاءه ومع هذا يمشي معك أطول فترة ممكنة
أما التجاري فإن تعطله يأتي فجأة ولا تشعر به في بعض الأحيان وتوقف الحركة بشكل تام ويسبب لك مشاكل لا تحمد عقباها


up 3 down 0
رعد 4 3185
قبل 8 شهر و 2 أسبوع



والله من جد الروح غاليه الله يكفينا شر الحوادث


up 0 down 0
يزيد الشمالي1 56
قبل 8 شهر و 2 أسبوع



نعم الله يكفينا شر الحوادث .. آمين يا رب العالمين 


up 0 down 0
nasser1430 841
قبل 8 شهر و 2 أسبوع



الله يكفينا شر الحوادث 


up 0 down 0
س ع م 505
قبل 8 شهر و 2 أسبوع



الله يجزاكم بالخير على تفاعلكم وفعلا اي شي متحرك بالسياره لاينصح الا بالاصلي وبالنسبه لي يوم غيرتها والله مو عشان اوفر يعني كان بوقتها معي فلوس لكن اليماني قال هذي نفسها ومدري وشو وقلت تم وانا توبهه ماعاد اركب جلده او شي ماسك في السياره تجاري يعني ع قولةعبدالله الشفيعي اذا ع اصطبات او شمعات فاتوقع عادي مع اني اغير فحمات تحت الاصلي وماشيه تمام الحمدلله ومرة اخرى اشكركم لتفاعلكم الانيق والاكثر من رائع، تحياتي.


up 0 down 0
المعاوي١٩٩١ 425
قبل 8 شهر و 2 أسبوع



الحمدلله على سلامتك وسلامة الأهل ومشكور على النصيحة والله يكفينا شر النصابين


up 0 down 0
mamdoh2011 40
قبل 8 شهر و 2 أسبوع



انا معاي جمس سوبربان موديل ٢٠٠٠ ما اشتري إلا تجاري وماشي معاي تمام


ايش اسوي؟


الاصلي غالي :(


up 2 down 0
الثامنه مع داوود 255
قبل 8 شهر و 2 أسبوع



يا الثامنه مع داوود فيه حاجات عادي اخذها تجاري او تحت الوكاله بدرجه مثل الشمعات والاصطبات والاقمشه بعضها حتى احسن من الوكاله وايضا الهوبات اخذها انا ياباني درجه اولى وماشاء الله ماشية معي تمام لكن اي شي فيه جلدة لاتاخذ الا وكاله وماهي غاليه الا عشانها تتحمل الحراره وعوامل الزمن لكن التجاري تتقطع يعني مثلا مجموعة الدركسون وجلد العكوس ومثلا زي اللي عندي جلد عواميد السحب مايصلح الا اصلي وفيه شركات مثل مايز قطعهم حلوه بعد بس انا بعد هذي ماني مغير الا وكاله واحسن مافي الوكاله ركب وانسى بس عيبها غاليه جدا ولاهنت ع مرورك


up 2 down 0
المعاوي١٩٩١ 425
قبل 8 شهر و 2 أسبوع



الله يسلمك ياممدوح والله يحمينا ويحميكم يارب


up 0 down 0
المعاوي١٩٩١ 425
قبل 8 شهر و 2 أسبوع



تذكرو ياشباب ان التجاري يمشيك لحد الراتب وبعدها غيره اصلي لاتستمرون على التجاري هو مجرد مساعده للمستهلك


up 0 down 0
سكودر 14878
قبل 8 شهر و 2 أسبوع



اول شي حمدلله عالسلامة وثاني شي مافي زي الاصلي انا ماخذها قاعدة قطع ميكانيكية او كهربائية ما اركب الا اصلي مهما كلفت اما اكسسوارات واشياء خارجية مثل صدام او شمعة اخذها تجاري


up 0 down 0
عاشق الليل 2100 170
قبل 8 شهر و أسبوع