أضف سؤال أو موضوع جديد          

محتار بشكل كبير بين افالون 16 أو 17

up 1 down 3



السلام عليكم ..

كنت في المعارض وسألت عن الافالون 17 جديده فئك تورنق قالي سعرها ١١٧ ألف ريال .. وبعد ما اخذت لفه على أكثر من معرض حصلت افالون 16 جديده أصفاااار فئة تورنق أيضاً سعرها ١٠٧٠٠٠ يعني الفرق بينهم ١٠ آلاف ريال .. لكن في المواصفات مافيه الا فرق واحد فقط وهو (( حساس الكفرات )) وأشوفه ماهو ذاك الفرق اللي يستاهل
.. فرق ١٠ آلاف حلوه والله 


حبيت آخذ رايكم لأن التفكير ذبحني بصراحه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ممتاز وحساس الكفرات تقدر تركبه 


up 1 down 0



اذ تبي تنظر للمواصفات صحيحه الفرق بس حساس
لاكن المديل خذه بالحسبان للبيع بعد مده والخيار لك


خذ 16 وانا اخوك ووفر الباقي بجيبك


up 0 down 0
wget 21
قبل سنه



يارجال كلها شكل واحد
والبيع لاحقا تعتمد على مشي الموتر والنظافه
حصلت مره هايلكس دبل بينهن مديلين تقريبا
12 .14
والاغلى 12 مع انها ماشيه اكثر من 14 بكثير ونظيفه جدا جدا
و14 جالدها صحاري والشمس قالبه لون الطبلون والمراتيه مشهبه



up 0 down 0



اكثر مايغبني فالافالون XL والتورنق الجنوط المكحلة احسها مضيعة هيبة السيارة وعدم وجود الزينون ، الافالون ٢٠١٢ الاستاندر كان فيها...


up 0 down 0
ابو محمد 4 265
قبل سنه



ال ١٠ حلوه.  بس.     شوف تاريخ الكفرات.  الصوف من الوقفه.  كم لها واقفه ال ١٦
اما حساس الكفرات.  انا ملغيه.   خرب واحد كفر.     وشلته.  بالعكس ترتاح من اللمبه اللي في الطبلون. مبهذلتني
ال ١٠ تقدر تظلل وتلبس وتهشك وتبشك السياره بنصفها.    


خذ الموديل الجديد صحيح فرق بالسعر 
بس ترا السيارة معرضه اي وقت للحكات 
والحوادث لاقدر الله ويكون وقتها موديلها قديم
ومايقدرونها تقدير معارض وقطع وكاله
وانت شف اللي يناسبك 


up 0 down 0
w.asa 2056
قبل سنه



الحربي فهد تقول خذ بالحسبان الموديل لو بغيت تبيع فرضا واحد شرا افالون 17 ب 117 وراعي الموضوع شرا افالون 16 ب 107 الاف بعد سنه قررو الاثنين يبيعون سياراتهم الي سيارته 17 قيمه سيارته 70 الف وراعي الموضوع قيمه سيارته 60 الف نفس السالفه الافضل انه ياخذ ال16 دام مافيه فرق عن 17 الا الحساس


up 0 down 0
كارينو 543
قبل سنه



انصحك لا هذا ولا ذاك .
الشكل بيتغير قريب جدا .
وذيك الساعه بتقول ياليتني صبرت.

للمعلوميه الافالون كل سبع سنوات يتغير شكلها.
ولو اخذت الشكل الجديد بتم معاك 7 سنوات لقدام نفس الشكل.


انتشرت صور مسربه للافالون ٢٠١٨
على مواقع أخبار السيارات و اكبر تغيير قير ال٨ نمر
بينزل على الكامري و الافالون و اللكزس ES
و المكينة 3.5 بيرتفع قوتها لل٣٠٠ حصان
تاخذ استاندر الشكل الجديد افضل

مع الافالون مبالغ بسعرها في بدائل كثيرة ما عاد لها تميز خاص


up 0 down 0
أبو نجوى 2443
قبل سنه



موديل 2017 أضافو فيها نظام الثبات الإكتروني في المنعطفات .. حسب كلام مندوب المبيعات في عبداللطيف جميل والله أعلم


والله مادام الأفالون 2018 تبي تنزل بـ 8 سرعات فنصيحة انتظر . . . . .


ال 10الاف انت اولى بها سافر انبسط فرح اهلك راس مالها سيارة توديك وتجيبك وجديدة ماوقفت على حساس كفر ترى قبل عشر سنين كنا نسأل قزاز كهرب ولا يدوي وقبل 20 سنه الطارة هوى ولا عادي والحين تغيرت وصارت مواصفات اساسية توكل على الله والله يعطيك خيرها ويكفيك شرها


up 1 down 0



الله يعطيكم ألف عافيه جميعاً وماقصرتوا .. لكن أنا مامعي سيارة حالياً وجالس أدفع على التأجير .. عشان مذا أنا مستعجل على السيارة وبالنسبة لموديل ١٨ حسب كلام موظفين عبداللطيف جميل ان الشكل راح يتغير في ٢٠١٩ يعني باقي واجد


up 1 down 0



توكل على الله وخذ اللي بخاطرك


up 0 down 0
wget 21
قبل 12 شهر



الله يعطيك خيرها ويكفيك شرها
في أي معرض حصلت 16 تورنق؟


up 0 down 0
bu3losh
قبل 11 شهر و 3 أسبوع