صكوني مخالفه لاني مصدوم

راجع المرور واسألهم يمكن نازله عليك بالغلط قدم اعتراض وشوفهم

راجع إدارة المرور يمكن مايعلمون ان التغيير في الهيكل بسبب حادث

خذها كلمة مني لاتتعب نفسك وادفعها وخلاص .. تكسب راحة مخك وتبعد عنك امراض القلب والضغط وانسداد الشرايين منهم ومن تعاملهم 

بتراجع وبتتعب وبالاخير تسددها للاسف هذه انظمة المرور الاستبداديه

حطو لي مخالفه قبل سنتين قال سدد وتعال اعترض وانا واياه وتهاوشت معه.

سددت قال مخالفه نظاميه

طبعا ساهر وكنت امشي 60 وعطاني 78 السرعه .

بعدها اذا كشح نور ساهر رجعت وسجلت اسم الي بالمركبه وتاريخها ووقتها ورقم سيارته .

حتى اقدم شكوى وصارت لي ثنتين ورجعت لهم وتأسف انها من السستم قلت لا تتأسف بكره تنظل بالمرور انزلك المحكمة اشكيك انت وساهرك.

للاسف والله تصور مرات وتنزل بعد شهر ومدبله وهذه صارت لي .

اذا عندك طولت بال بالمرور بتاخذ حقك.

لكن قبل كلش جب امر الاصلاح وجب ورقه تثبت انك مطلعها من التأمين والتأخير من التأمين ووضح للتأمين انك تبي ورقه اثبات حتى تبرزها للمرور .

زحمات المراجعين ونفسيات الضباط الي بثيابهم يجيب لك المرض.

سيارة اخوي مصدومه وممرمطينه مرمطه ومن قلة حيا الموظف يقول لاخوي الصغير البس ثوب زين وتعال :)

المخالفه هذي لها معاني كثيرة من ضمنها التضليل

يمكن تظليل او زينون انا اخذت نفس المخالفة هذي لاني مركب لمبات ليد على الكشافات اللي تركب تحت عالصدام
المشكله انها ليد عادي ماهي زينون

انظمةالمرور استبدادية 
يعني انظمة تاخذ منك و لا تعطي 
و كذلك يتشدقون اعلامياً بأنك تقدر تعترض وماشابه
و كلها متاهات و عدم وضوح انظمه للمطالبه 
لا اعتراض في المخالفات و لكن الاعتراض في التظلم 
وكذلك صعوبة الاجراءات في الحصول على الحقوق 
ناهيك عن سوء المعاملة وقلة اسلوب العسكري 
وهمجيه في استغلال السلطة 
المرور وهو جزئين 
جزء فرض النظام ( و هذا الكل معه ) 
الجزء الثاني( طريقة الفرض و الاعتراض ) وهذه همجيه

هذي مخالفة تظليل او زنون

و الله لا زنون و لا شي و التضليل اخف شي

بمرهم الصبح و الله يعيننا على المرور و اخلاقهم

و مشكورين على الافاده

لاتمرهم نصيحه اذا القزاز الامامي مضلل لو خفيف ترا عليه مخالفه خذها مني 

الامامي ماهو مضلل بس الجوانب و الخلفي

والله م انصحك ي الغالي تروح لانك بتنفس منهم 

انا جتني مخالفه تضليل وتضليل خفيف مره الجوانب 

والخلفيه الكبيره كتم وعطوني مخالفه عليها سدد وحسبي الله عليهم

هالايام تجيك مخالفات حتى بدون ما تدري .. قد جتني مخالفه قيمتها 100 ريال وقوف في اماكن غير مخصصة
على رقم بطاقة احوالي وهي مخالفة على سيارة ماهي سيارتي ولا سيارة الاهل ولا اعرفها !!
بعضهم ما ادري وش يحس به اظاهر انه من نظام باشر مدري وش اسمه اللي يعطيك مخالفه عن طريق الجوال وهو واقف قدام موترك ..

الظاهر انها تظليل لان قبل فتره جتني صدمه بالصدام الخلفي والكلايزر لوحتها بالصدام وجا نجم وخلص وعطاني تقرير الحادث وكلش طلعت مع الدايري الا ذاك السري واقف ع اليمين كانه ينتظرني يوم تعديته الا قاق وقف ويسال عن اللوحه ويقول الحادث مب عذر حتى مع التقرير عيا يقبله يقول لزقها بلزق اخر شي وقعني ع ورقه اني اراجع الناصريه بعد ٣ ايام وليومك ذا ماطبيت عندهم

^طبعا مستغرب ليه ماجاني ايقاف خدمات يمكن الله هداه وقدر الوضع

الله يعننا على هالمرور حتى سلام الله ما يردونه اخلاقهم شينه و فيهم رفعة خشم و اذا نزل البدله صار دجاجه اعرف كثير في الحاره نفس هالعينات الله يكنسهم