متحير افالون 2017 - مازدا CX 9 2018

بإذن لله بتكبر العائله
وطبعا الان تجد الموتر ماياخذ الاغراض والعائله خاصه بالسفر
والجيب مافيه احلى منه ويكفيك رفيع لاقدر الله تقرش لك مطب بصدفه بستر الله ياكل المطب
عكس الصغيره يروح وجههههها

....
شوف لك جيب متوسط عملي جدا لو تزود قرشين يخدمك
طيب البرادو مافكرت فيه

... بيزعلون علي الربع
كل واحد اقوله برادو وش اقوله الجيب هذاك ابو نتعة قير يخسى ماهو جيب
سعرها 6 سرندل دبل دفلوووك وكاله اعتقد140
وهذا اهم شي بالمواصفات

ياامير الاصيل الله يغفر لك مب المسأله مسأله كوري او تويوتا ؟ مسببين لك عقده حقين الهونداي ههههههههههه

السالفه ومافيها ان الجيوب نوعين الاول اسمه كروس اوفر وذا يجمع بين راحه السيدان وقوه وارتفاع الجيوب وتقدر تستخدمه استخدام يومي وتكرفه مثل السيارات الصغار وصرفيته للبنزين معقوله .. مثل عندك اكستريل النيسان ( وليس الاكستيرا ) والراف فور التويوتا واوديسي هوندا والسنتافي والسورينتو والتوسان والكريتا بالكوري وبرضه لاننسى CX9 من مازدا وفيه اصغر منه بحجم التوسان تقريبا

النوع الثاني يسمى جيوب الاوف رود وهي الجيوب اللي نعرفها فيها قساوة وصرفيه واقل راحه وتعتبر اقوى بالبر من الكروس اوفر بالتأكيد لانها مصممه للطرق الوعره على اسمها اوف رود .. هذي جيوب التويوتا بدايه من الفورتنشر وانت طالع وجيوب النسيان الربع والفتك والبلاتينيوم ....... الخ

اما صاحب الموضوع والله شوف هالجيب سابقا كانو يشتكون من صرفيته للبنزين يوم كان ٦ سلندر الحين صار ٤ سلندر تيربو وزودو عدد الاحصنه والتورك صار اعلى بكثيررر ف لا تخاف من هذي السالفه شف عندك الاكسبديشن اللي وزنه اكثر من وزن هالجيب مرتين وكان ٨ سلندر وتحول ٦ توين تيربو وتخوفو الناس منه بالبدايه والحين شوف كيف منتشر

للعلم شركه فورد ومازدا بينهم شراكه قويه وعلى حد علمي ان قطع الفورد الفيوجن هي نفسها قطع المازدا ٦ ف دامه نجح بالفورد اكيد بينجح ب المازدا اللي كل شي فيها ممتاز الا الوكيل .. على قولتهم الزين مايكمل لكن ماضر راعين التشاجر والكرايسلر مع ان وكيلهم اسوأ وكيل بالسعوديه تقريبا

صحيح كلام آبو هيثم الجيل السابق ل cx9 محركه نفس محرك الفورد ايدج وكذلك القير
 بس ف الجيل الجديد تغير المحرك للمازدا  وما اعلم هل تغير برضو ف الايدج او ممكن يكون في السنوات القادمة

افالون والله يحفظ لك عائلتك

الجيب حلو احسن من السيارات السيدان بشكل عام

وفئه cx9 حلوه تجمع بين السيدان والجيب

بحيث ماتصنف كجيب مثل الاندكروزر

لكن تعطيك ارتفاع وحلوه

عيبها ان الصف الثالث بدون فتحات تكيف

اتمنى يضيفو فتحات تكيف في المستقبل

شف اكسبلور خليجي استاندر دفع رباعي
او بدون دبل اذا ما تحتاج على ١١٠ بالمعارض سعر افالون استاندر
نفس مكينة التوروس معروفه و مجربه

بشكل عام ابعد عن سيارات السيدان الV6
بنفس سعر جيب كروس اوفر لك و للزمن

دام عندك عيال 2 وام العيال ومعاهم شغالة الله يحفظكم جميع يعني معاك 4 اشخاص عشان كذا المازدا افضل لك
لو شخصين بقول لك الافالون
بعدين مع اني افضل الافالون لكن ما انصحك تدفع مبلغ فوق الـ100 الف على ستاندرد

وهذا مجرد رأي شخصي ويحق لأي احد يختلف معي فيه

عيب المازدا بشكل عام ان اول موديل يكون ناقص مواصفات والموديل الي بعده يتذكروها هههههههههه
فلو تقدر تنتظر للموديل الي بعده يكون افضل لكن تخاف سعره يختلف ولا شي
بالنسبة للوكيل الوكيل ممتاز بنظري افضل من الناغي وسعر الصيانة مقبول نوعا ما والقطع الاستهلاكية رخيصة
اخويا معاه مازدا 6 وانا النترا وقطع الالنترا اغلى من المازدا بالرغم انها فئة اصغر (( اسعار الوكالة طبعا ))
ونصيحتي ابعد عن السيدان خصوصا ان عندك عائلة الان وخليك على الكروس اوفر
والـ CX9 اختيار موفق ان شاء الله

cx-9 نزل في كل الدول بمحرك تيربو وكلهم عاجبتهم الفكره وفورد نزلت ايكوبوست اللي هو 4 سلندر وتيربو او توين م اتذكر
يعني مستقبل السيارات التيربو ليه الخوف منه

انا افضل cx9 على الافالون بس فيه عيب وحيد مافيه تكييف خلفي 
والاجواء عندنا خورافيه مايمديها 
أنا أشوف انه عيب كبير بالنسبة لي 

وعليكم السلام

رأيي اكسبلورر افضل من الاثنيين والسعر مو غالي

لكن إذا فقط هالموترين ارشح المازدا

اذا الخيارات محصورة بين الأفلون والمازدا CX9
أرشح لك (( الأفلون )) بالرغم إن سيارتي مازدا 6 :) وماانكر إن CX9 عاجبتني ولكن التيربو خلاني اصرف النظر عنها
تيربو إبعد عنه خصوصاً اذا كان أول مره ينزل على السيارة
ولاتنسى تشوف هالفيديو ( إنسخ الرابط والصقه بالمتصفح )
https://www.youtube.com/watch?v=AhacSO7uMys
ارسلته لحسن كتبي في تويتر وكان تعليقه:
( سيدنا السيارة الدفع الرباعي اللي فيها مع وزنها مع صغر حجم المحرك فقط للثبات على طرق مطر او ثلج وليس لتجاوز عوائق للاسف والتركيز على توفير صرفية البنزين بشكل مبالغ فيه خلاها تخسر أو تتنازل عن بعض الأمور التانية لتحقيق هذا الهدف)

يحكم أن صاحب الموضوع حدد خياراته بين اثنين
فأقول الماذدا بحكم عندك عائلة حتى لو الافلون واسعة ماراح تكون بمثل وسع المازدا


Original
حسن كتبي لاتسمع كلامه لأنه متحيز ضد الشركات والشي الي عاجبة راح يمدحه
ابسط مثال وتبي تتأكد
روح شوف تجربته للاكسبدشن التيربو اول مانزل فالامارات
جلس ينتقد فيه ويقول التيربوا مايتحمل الحرارة ومن هذا الكلام

ارجع لتجربته المرسيدس gle 400
جلس يمدح فالتيربوا ويقول انتو فاهمين غلط
لأن التيربوا له مبردات و و و و وخذ من كلام المديح
فقط لأن السياره الي قدامه المانيه

اما سالفة صغر حجم المكينه وهاذا الكلام الي قاله حسن كتبي
شوف تجربة قومة الاكسبدشن ال 8 سلندر وال 6 سلندر توين تيربوا
ال 6 سلندر تيربوا راح عال8 سلندر
وأما مشاكل التيربوا تقدر تسئل ملاك الاكسبدشن ويفيدونك
ومدري كيف يقول انه الشركات خسرت قوة السيارة بمكينة صغيرة تيربوا
طيب كيف تمدح فالمرسيدس التيربوا قوة واقتصادية!

التيربو هو المستقبل لانو قوة + توفير بنزين
صح المكينة تصغر لكن القوة تزداد والصرفية تقل
فالتيربو ماهو عيب فالسيارة بالعكس هي ميزة
واظن التيربو يسخن في حالة كنت تقاوم بالسيارة وشاد عليها اما اذا ماشي طبيعي ما حتشتكي منه
والله اعلم

بما ان عندك عائلة ابعد من الافالون cx9 او السنتافي وبمجرد تزيد عائلتك او بيروح احد معك من اهلك راح تكرة الافالون ووقتها بتبيعها وتبدا من جديد

كيف تقارن الثرى بالثريا

الافالون سياره تشبه الى حد كبير اللكزسس ( فخامه - قوه-عمليه)
بالمازد الفاسد ( سنتين وتتوقف ولا تنفع )

او مجرد تشبيح وتطبيل لاسوء سياره ممكن تندم عليها

ولا تقول السبب الوكيل ( غير صحيح )

ليش ماهي منتشره في دول الخليج مثل الامارات مع انهم يستخدمون الرينو والبيجو
ليش ماهي منتشره في الدول العربيه والوكيل مختلف
ليش ماهي منتشره في امريكا الي حتى السياِرات الصينيه منتشره عندهم

مهما طبلت وشبحت تبقى ( المازدا فاسدا )

نعم صحيح المازدا فاسدا حتى ان تيويوتا اتفقت مع مازدا على انهم يصنعون سياره بمحرك سكاي اكتف حق مازدا وهايبرد حق تيويوتا
لا تشتري سياره اسمع لكلام المهندس الكبير الشرقيه تخصص سباكه ومدح سياره معه
نرجع في موضوع الرجال
السياره نزلت من عام 2016 في الدول اللي برا جربوه وفيه اختبارات له تقدر تبحث في قوقل الافالون نفس فئه الازيرا والتورس
وغيرها اللي هي سيدان كبيره الحجم تصلح للعايله بس مشكله وحده بس صرفيه البنزين مرتفعه

ماودي احيرك اكثر بس شوف الاكسبديشن ٦ سلندر وتيربو بس ماينفع التيرب  اذا انك بتروح الجنوب لفترات طويله او مكان سكنك الجنوب ع حسب كلام الشباب