أضف سؤال أو موضوع جديد          

ماذا يجب عند شراء سيارة مستعملة

up 7 down 0
amer.salah 54
قبل 3 شهر و 2 أسبوع



بسم الله الرحمن الرحيم

السلام عليكم ورحمة الله وبركاتة

أخواني عندي سؤالين ,

1- أنا مقبل على شراء كامري 2010 او 2011 إن شاء الله وش اللي أفحصه بالضبط و هل محل الفحص يطلّع جميع عيوب السيارة المكانيكية و عيوب البدي ؟


2- عندي كامري 2003 نظيفة و ودي أبيعها بمقصد التجديد ، السؤال وش افضل وقت للبيع ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


لا خاب من استشار واستخار ، نصيحتي ابعد عن المستعمل لانه معروف اذا فتح فمه ما يسكر ..
واذا لا بد اتبعوا النصائح التالية :
* الـسمكرة : وهو موضوع طويل اختصر فيه قدر المستطاع ، قبل كل شيء إفتح الأبواب الأربعة والكبوت والشنطة الخلفية وغطاء الوقود تمام بعدين طال عمرك يبيلك تدقق في الزوايا والتعرجات بشكل دقيق جداً ( تلاحظ عيون الشريطية كيف صايرة) إذا دققت ورأيت معجون الأساس الذي هو بعد الصبغة الخارجية مباشرة لونه أحمر أو قريب منه هذه علامة أن السيارة حصل لها حادث وسمكرة .
** أدخل أصبعك في التعرجات التي عادة ما تكون داخل الأبواب وبحركة دائرية أو نصف دائرية إذا لاحظت منطقة خشنة جداً هذه علامة ثانية (وللمعلومية فإن ورش السمكرة الآن يحاولون إخفاء مثل هذه المعلومات عن أعين الناس ليس غشاً وأنما فناً ، اتقان العمل واجب ، ان الله يحب أحدكم اذا عمل عملا ان يتقنه ) .
*** إذا كانت السمكرة قديمة فإن العين المجردة (أقصد اللي ماهي عين شريطي لان عين الشريطي مجهر) تبصر التغايرفي صبغة السيارة عن بعضها البعض وواضحة جداً.
** تلاحظ بعض الناس أو أغلبهم يدق البدي الخارجي بيدة و يستمع لردة فعل تصدر من هذه الدقة أو تلك هذه حركة تبين وجود السمكرة كيف أنا أخبرك ...أولاً ضع أذنك قريبة من مكتن الصوت فإذا كان الصوت كاتم جداً أو بعضاً فهذا يدل على سمكرة في السيارة (كيف كاتم يعني مثل صوت الجدار إذا طرقتة بيدك يعني مايصدر صدى أو صوت تجويف) أخيراً الطرق كثيرة والموضوع متشعب بشأن السمكرة!! وللمعلومية أن السمكرة تنزل من قيمة السيارة مايقارب 30إلى 40 % من قيمة السيارة .
*** حــرارة السيارة : إذا كانت السيارة باردة (بمعنى أنها متوقفة أكثر من 10 ساعات) فيمكن معرفة ذلك بتشغيل السيارة وفوراً تذهب للعادم (الشكمان) وتضع يدك إذا كانت حرارة الهواء حارة وتشتد بشكل واضح جداً فهذا معناه أن في السيارة خلل في رؤؤس الماكينة وهذا مكلف للذي يريد الشراء. ثانياً: إذا كانت السيارة حامية فتوجه فوراً إلى (الخرطوش) الخارج من (الراديتر) وأكبس عليه بيدك بقوة إذا كان متحجراً جداً فهذا دليل على أن السيارة فيها حرارة شديدة (قد يكون قاسي بشكل بسيط هذا عااااادي ) الأمر الذي دفعني لذالك لأن بعض ضعاف النفوس يعطل ساعة الحرارة ويقول الساعة عطلانة والسيارة توشك أن تنفجر من الحرارة والبعض الآخر يضع دبوس من دآخل الطبلون يوقف أرتفاع مؤشر الحرارة ويجعلها النصف مثلاً وغير ذلك من الأمور التي تدخل في حديث المصطفى عليه الصلاة والسلام في قوله (من غشنا فليس منا )
** تنبيه: كيف تعرف أن السيارة التي أمامك سيارة مكتب إيجار ** وما أكثرها بالسوق ** وقد ترى سيارات فخمة ولا تصدق أنها سيارة إيجار فيجب الحذر !
1 / إذا كانت السيارة غالية الثمن فما عليك إلا أن تأخذ رقمها وتستفسر من إدارة المرور بطريقتك ويتبين صاحبها أن كانت شركة أو مؤسسة أو فرد .
2 / إذا كانت السيارة رخيصة الثمن فما عليك إلا النظر بأسفل الطبلون ( ترى غراء أو تشميع على مسمار الطبلون الداخلي) ودليلٌ آخر إذا السيارة قطعت مسافة أكثر من 500 ألف هذا دليل آخر( وليس غالباً) على أن هذه السيارة سيارة إيجار . وطريقة الاستفسار من المرور أحسن وأصدق .....
*** تنبيه: كيف تعرف أن ماكينة (المحرك) السيارة قد سبق فكها (وتوضيبها ) هي كالتالي :.
1- عليك ملاحظة مسامير الماكينة وتحسسها بيدك قد تلاحظ آثار مفاتيح الفك واضحة عليها هذا من أكبر الدلائل على توضيبها وقد تلا حظ السيارات الجديدة أو التي لم تفك ترى بعينك طلاء أحمر على كل مسمار ولا يستطيع أحد تقليده لأنك لو رأيت الصبغة على مسمار عليه آثار ضرب المفكات هذا يدلك على أن هناك لعبة فأحذر !
2- إذا كانت الماكينة مستبدلة فيتبين لك في أمر واحد وهو النظر في( كراسي) الماكينة قد تلاحظ آثار فك عليها هذا من الدلائل على فكها ولو أن هذا مجرد احتمال حيث أن السيارة محتاجة لتركيب (جلب ) أو ( ربلات ) كراسي الماكينة للصيانة وليس ضروري بأنها مستبدلة .... ويبقى على أنه احتمال فقط والحذر! مطلوب
** * السيارات تنقسم إلى ثلاث أقسام :
النوع الاول :الدفع الرباعي وهي سيارات القوة كما يقال منها ماهو صغير الحجم مثل :الفورد - الجمس) وحجم كبير مثل الجيوب بأنواعها وسيارات النقل الثقيل مثل بعض رؤوس التريلات وغيرها...
النوع الثاني : الدفع الخلفي وهي جملة من السيارات الموجودة بيننا وأورد مثالين ( الداسن _ الهايلكس ) وغيرها .... النوع الثالث:الدفع الأمامي وهي كثيرة ومستعملة بيننا في الوقت الحاضر منها ماهو رديء ومنها ماهو جيد ومنها ماهو وسط أورد مثالين للنوع وليس للجوده ( الكورلا _ الأكسنت )
* الدفــع الرباعي / لا تتعب نفسك أبداً بفحصه على أرض مستوية ..... يجب عليك الآتي :
1- أخرج أنت والبائع إلى أرض رملية ( نفود ) وقم بتشغيل المكيف و(نسم) من الكفرات حتى تكون قرابة 18 بمقياس الهواء ( لأن أي جيب لا يستطيع المشي على الرمل بدون (تنسيم ) الاطارات مهما كانت قوته وجدته)
2- ضع محرك الدفع الامامي(الدبل) بالخفيف ثم شد حيلك على أطول طعس بس بشويش (لا تقلب ) المدة 10 دقائق فقط كافيه تعطيك الخارطة الكااااااملة عن الجيب .
3- أفتح النافذه ولف بحركة سريعة يمين حتى النهاية ودووووووس بقوووة إذا بالعكوس الأمامية عطل سوف تسمع قعقعة وأصوات غريبة ( مهما قال لك صالحبها بأنها أشياء بسيطة لا تصدقة وتكلفتها من 2500وأنت طالع) وجرب بالجهه اليسار كذلك .
4- لا حظ الحرارة بالمدة اللي ذكرت إذا أرتفعت السيارة ماهي لك ( أنحش)
5- ضع محرك الدفع الأمامي ( بالثقيّل) ثم طبق ماطبقته بالدبل الخفيف لكن هناك نقطة يجب عدم الدوس عليه بقوة لأنه بالغيار الثقيل فأنتبه ...!
6- أفصل الدبل نهائياً ثم عشق بالريوس R إذا كان تماتيك أدعس للخلف وتأكد أن ماخلفك أحد لاحظ الريوس غيارين يعني لو تظبط الدركسون سوف يسير بالريوس بسرعة 120 ( معلومة مذهلة حقاً) إذا لا حظت غيار واحد تأكد من الصانع بالأتصال على الشركة مثلا ومخاطبة الفني إذا كان عادي أي أنه تغيير يدوي لحظ فقط الصوت
7- بعد هذا كله إذا السيارة مأرتفعة حرارتها ولا سمعت أصوات غريبة عليك أن تذهب إلى أرض مستوية ثم تطفيء السيارة وتنتظر لمدة 10 _ 15 دقيقة بعدها شغل وحرك السيارة للأمام وعد إلى مكان السيارة ودقق هل ترى زيتاً أو ماءاً أو أي شيء خلفته السيارة إذا كان بالسيارة تهريب سوف يظهر بدون كشف فني وترى بقعاً على الأرض.
8- درس عملي ( لاحظ مراتب الليموزين كيف صايرة من كثر الأستعمال واطية جداً )
* الدفــع الخلفي /
1- أستعمل الغيارات كلها من 1 _5 _6 والريوس.
2- حاول أن تسرع على السيارة قدر المستطاع ولاحظ الرجة أو حذفة يمين أو شمال وغيرها من اصوات الهواء وأصوات الدفرنس والمحرك وغيرها
3 - بعدها أوقف السيارة على أرض ترابية مستوية وطفىء المحرك وانتظر لمدة 10 -15 دقيقة ولا حظ زيتاً أو ماءاً أو أي شيء يهرب من السيارة
4- شغّل مكيف السيارة وراقب الحرارة
* الدفــع الامــامي /..
1- شغل مكيف السيارة وجعلها لمدة لا تقل عن ربع ساعة ولا حظ حرارة السيارة .
2- لف لليمين للأخر ثم تحرك بحركة قوية جهت اليمين لأحظ صوت قعقعة أو صوت حديد .
3- لف للجهه اليسرى كذلك ولاحظ الصوت أو القعقعة
4- ريوس بالسيارة لمسافة ليس قصيرة بل زّد في الريوس لأن أكثر الدفع الأمامي يفص الريوس معاهم لمسافة الطويلة ( وهذا خلل ومن غير المعقول أن الشخص سيسافر على الريسوس)لكن حتى يتبين أن هناك خلل في القير أم لا
5- الأمر الأخير إذا شككتَ بعداد السيارة أنه ليس بحقيقي ببساطة أذهب إلى مرتبة السائق إذا كانت( وآطية ) من كثر الأستعمال هذا دليل على أن السيارة مستعملة كثيراً ويتبين أن هناك لعبة بالطبلون .
**مـــلاحـــظات ::
1- جميع السيارات دوس على البنزين دوسات متتالية إذا الدخان أبيض ( أنحش) وإذا الدخان أسود هذه بسيطة تصفية فقط ولا يضر
2- إذا شغلت السيارة وهي باردة وخرج من العادم دخّان أبيض ثم أنقطع هذه جلد بلوف ولا يضر أستعماله ( ولك الخيار أن تفك الماكينة وتغيرهم ) لكن إذا كانت السيارة نظيفة لا يٌنصح بفكها وتمشي إلى 5 سنوات أو اكثر ...

آسف جدا للأطالة ...


up 7 down 7
الـتاجر الـكبير 701
قبل 3 شهر و 2 أسبوع



وعليكم السلام ورحمة الله وبركاته 

شوف بالنسبه للفحص 

اول شي اذا وديتها محل فحص كمبيوتر 
راح يبين معهم بالفحص الاشياء الكهربائيه 
وقطع استهلاكيه مثل بواجي واسلاك بواجي 
بيعطونك تقرير الفحص وراح يكتبون فيه 
انها تحتاج تصفيه مكينه. وبيسجلون لك كم نسبه 
المكينة مثل 85% او90% مثل كذا. 

بعدها يجي دور فحص البودي والعضلات يرفعون 
السياره ويشيكون عليها فيها تهريبات والعضلات 

واخر خطوه يطلع واحد من العمال ويسوق السياره 
يجرب القير. ياخذ فيها كم لفه ويرجع. 
وييعطونك ورقه مكتوب فيها كل شي. اي اعطال 
كشفوها يكتبونها لك باالتقرير. 
هذا فحص الكمبيوتر   ،،بكمل برد ثاني. 


up 1 down 0
سبحان الرازق سبحانه 2374
قبل 3 شهر و 2 أسبوع



ههههههههههههه
كلامك اغلبه كلام فاااضي ادري انك ناسخه من قوقل
بس اغلبه كلام فاضي اذا بنطبق كلامك محنا شارين سياره

اول شئ مسامير الكبوت ماهو لازم تنفك عشان توظيب
يمكن عشان صوفه بعض السيارات لازم تنزل المكينه
عشان تغير الصوفه وبذي الحاله بيضطر يفك مسامير الكبوت

طبلون السياره يمكن فاكه عشان ينظفه او شريحة وحده من العدادات
خربانه وفك الطبلون عشان يغيرها

بالنسبه للدفع الرباعي الفحص لازم يكون على نفوذ هههههههه
لو يدق علي يبي يجربه بنفوذ !! ابقوله هونت ماني بايعه
وبعدين فحص العكوس وانت مشغل الدبل غلط لان اغلب الجيوب
تطلع اصوات اذا لفيت الدركسون وانت مشغل الدبل

بالنسبه للريوس هههههههههههههههههه
وش ذي السياره الي لها غيارين بالريوس
لاوتمشي 120كم وبالريوس بعد هههههه
اتخيل شكلي وانا اقول لراعي الموتر
ابمشي 120بالريوس عشان اشوفه غيارين ولالا هههههه

اتمنى ان النقل يكون صح بعد التاكد

بدل مااطق رفرف وكلام فاضي ولا اوقف ربع ساعه اتاكد في تهريب
ولا اريوس 120 ولا اطعس بسيارته ههههههه

افحصها ب500ريال وانتهت المشكله


up 6 down 4
d7ooom777 901
قبل 3 شهر و 2 أسبوع



التكمله ،
شوف اهم شي تدقق على الاشياء المهمه 
مثل الصدمات القويه اذا الموتر جاه صدمه بالمقدمه قويه 
وطلع الارباق انتبه منها يمكن الصدمه تكون واصله للمكينه 
وشيك على زيت القير اذا كان تماتيك. ظروري تشوفه 
اذا كان له عيار اسحب العيار وشوف لون الزيت وريحته 
اذا لونه اسود او مائل للبني وفيه ريحه مثل الحريقه 
انحش عنها لان احتمال القير مايطول معك اذا الزيت 
محترق فااكيد الكلتشات بدت تتئاكل وبيخرب القير مابيتحمل 

اما اذا كان الزيت لونه احمر وردي ومافيه ريحه حريق 
فا ان شاء الله القير تمام. اذا تبديلاته ناعمه ومافيه تاخير 
بالنمر فاان شاء الله تمام. 

وشوف حالت المكينه اذا فيها رجه او صوت طقطقه 
تقدر تعرف بنفسك  شوف. اي سياره. سواءً كانت موديل 
قديم او جديد غالباً يكون فيها صدوم خفيفه مثل رفرف 
او كبوت. يعني صدمات بسيطه ورش مكان الصدمه. 

البودي اذا فيه رش وصدمات خفيفه بسيطه جداً 
هذي ماتئثر على السياره. 

اهم شي. ((المكينه والقير ))
هذي اهم شي بالسياره. اذا كان فيها مشكله 
فاانصحك ماتشتريها.  
اتمنى اني افدتك واعتذر على الاطاله. 

والاخ التاجر الكبير ماقصر شرح كل شي بالتفصيل 

والله يوفقك ويسهل امرك 


up 2 down 2
سبحان الرازق سبحانه 2374
قبل 3 شهر و 2 أسبوع



الرد الاول نصيحتي ابعد عن المستعمل لانه معروف اذا فتح فمه ما يسكر ..
اختلف معاك بهالكلام سياراتنا اللي نستخدمها الحين 
يعني كلها ماتصلح للاستخدام وفاتح فمه على قولتك 
ياكثر السيارات المستعمله ونظيفه وتكد سنين 
فرق بين انك تنغش بسياره مكانها التشليح
وبين سياره نظيفه 


up 3 down 0
w.asa 2164
قبل 3 شهر و 2 أسبوع



اخ التاجر 

كلامك هذا منسوخ من النت لأني قاريه قبل هالمرة 


up 2 down 2
بدر الباثفايندري 793
قبل 3 شهر و 2 أسبوع



بخصوص الكامري 2007 الي 2011
فيها بعض المشاكل - لازم تفحصها جيدا
1- صوفه المكينه بتضرب بسرعه ودي بتتكلف 1000 ريال
2- لي الباور بيضرب بسرعه وتكلفه 400 ريال
3- فضاوه الدوده افحصها برده لانها مكلفه
4- التكييييييييييييييف سئ جدا وبيفصل كل شويه - اعمل حسابك علي تصليح التكييف
5- العضلات بتتهربد بسرعه ، افحص عضلات السياره
6- المكينه بتنقص زيت ، حاول تمشي بيها خط
7- احيانا بتظهر رجه بين 40 الي 60 لو انت دعستك خفيفه
8-قشره الطبلون احيانا تقلب زي الصمغ ، افحصها
9- لو السياره فيها رجه مع الدعس ممكن عكوس ،
خد السياره للعضيب خليها يفحصها ب 50 ريال ويطلع كل عيوب العضلات
ونصحيه لو معك سياره نظيفه الزمها وخليها معك ولو بتغير اشتري وكاله تحت الضمان - وربي يرزقك من حيث لا تحتسب


up 3 down 3
عمده33 1324
قبل 3 شهر و 2 أسبوع



^ ياساتر كل هذي عيوب الكامري 
عندي ٢٠١٠ والحمدلله ماشفت شي من اللي قلته ابد
ومكيف ثلاجه بس غير فلتر المكيف 


up 4 down 0
w.asa 2164
قبل 3 شهر و 2 أسبوع



الله يعافيكم جميعًا وافين والله لكم دعاء


اخذنا المعلومات كاملة عن الفحص و الشراء شكرًا
بخصوص بيع السيارة أفضل وقت يجي فيه الشاري متى سئلت قالوا قبل الدراسة يجوون كم هائل الي يبي يشتري لولده والي يبي يشتري له للجامعة

عمومًا بي


up 1 down 0
amer.salah 54
قبل 3 شهر و 2 أسبوع



بيض الله وجيهكم **


up 1 down 0
amer.salah 54
قبل 3 شهر و 2 أسبوع



بخصوص العيوب اللي ذكرتها ، احيانا جزء منها يظهر واحيانا لا - بس موجوده في بعض السيارات


up 1 down 0
عمده33 1324
قبل 3 شهر و 2 أسبوع



بختصار سريع وبسطرين
افحص افحص افحص عند مراكز مختصه البريدي الغروب كارتك 
لاتاخذ كلام احد مهما حلف لك لاني جربت ونضحك علي باسلوبه وحلفه وانا علي نياتي صدقته 


up 1 down 1
فيصل خلف 23
قبل 3 شهر و 2 أسبوع



عطوني لايكات ابي انزل موضوع ضروري


up 4 down 3
علي باطرفي 57
قبل 3 شهر و 2 أسبوع



العضو التاجر الكبير
مستغرب كيف جاته لايكات على رده و دحومي عطاه الزبده
سلامات امشي 120 بالريوس جعها ما تتعدى 20
و اذا ما مشت 120 اتصل على الصانع اسأله ليش ههههههههههه يا ساتر


up 2 down 1
ابو تركي1401 -28
قبل 3 شهر و 2 أسبوع



والله عند اخوي كامري 2009 ماشاءالله تبارك الله بالبلد وبالخط ممتازه ومريحه وما شفت منها عيوب وفوق كذا رجوله حاره عالسياره (تكرمون)
انت دور النظيف وافحص في محل كويس مثلا عندنا في تبوك الصواط لازم بكل ديره فيها ورش كويسه اسال عنها
اما بيع الكامري اعرضها هنا بالموقع وانزل فيها الحراج والله يسهل عليك وعلينا .


up 1 down 0
يزيد الشمالي1 63
قبل 3 شهر و 2 أسبوع



الفحص المبدئي بالنظر وباللمس وفحص فواصل الكبوت والبيبان
النقطة الثانية ركز على نظافة الموتر الداخلية فهي تبين لك بالعادة طبيعة استخدام الشخص ومدتها على سبيل المثال
شيك على
1 جلد الطارة ومسكة القير
2 ازرار تحكم الطارة
3 فرارات المكيف والمسجل ،
4 دعسة البنص والفرامل
5 تاريخ الفحص الدوري
بعد ماتشييك على هذي النقاط نفحصها فحص شامل
احتياطا ونشرط في حال اختلاف كلام البائع قيمتة علية .. اخيرا لاننسى الاستخارة والتوكل على الله قبل كل شي


up 1 down 0
sma2499 2
قبل 3 شهر و 2 أسبوع



هناك فرص 
هنا في حراج 
بعض السيارات يعرضها أصحابها 
وهي على يدة من الوكالة واي شخص شراء سيارة 
جديدة 100‎%‎ بيكون مهتم فيها بزيادة 
وتكون صيانتها دائماً في الوكالة 
وبدي وكالة 
كل شخص اذا حدتة الظروف ماعندة الا حلالة يتصرف فية 
فيضطر يبيع سيارتة 
اذا أعجبتك السيارة اطلب رقم الشاسية روح والوكالة 
تاكد من صيانتها 
تاكد من المرور كم مالك للسيارة 
بعدين اطلب السيارة وأفصحها كمبيوتر 
وبتظهر لك الأشياء التي تحتاج إصلاح 
اذا كانت استهلاكية تعتبر عادية 
انا اشوف انك تدور الفرض اللي مثل هاذي 

والله يوفقك 


up 1 down 0
masssss 760
قبل 3 شهر و 2 أسبوع



افحص في مركز معتمد .
افحص نظرك وحاول تشوف الاشياء اللي تحس انها مب طبيعيه , امش على السياره 160 الى 180 وشوف الاصوات والاشياء اللي بتطلع لك على هالسرعه لان لو فيه هربده بتوضح لك .


up 1 down 0
f.az 55
قبل 3 شهر و 2 أسبوع