سؤال عن فحص الكمبيوتر

فحص الكمبيوتر يخبرك بحاله السياره من ناحيه الكهرب 
مكينه وقير لازم ميكانيكي فاهم 

بالنسبه لي انا شخصيا
جربت فحص كمبيوتر عدة مرات وخاصه عند المعارض
تخوبرت واخر مره خوبرت اخوي
فحص الكمبيوتر
البعض وانا ماعمم
واحد ماخذ الشغله مربح
ومتعلمها ومعه جاهز ومشغل له كبس ويمكن بجواله الكشاف
وباخذ لفه على السياره بكبسه وهو يركظ ويجي تحت السياره بسرعه واهم شي عنده
الركب والمساعدات
يارجل حتى عيار زيت القير بعضهم مايرفعه
همه انك تفارق علشان الزبون اللي وراك واقف بيفحص
لا ويختمك بواحد عنده يركبك ويمشي فيك كيلو ويرجع
حتى مايمديه يسمع صوت ولا شي
..... الضمان 24 ساعه مايمدي السياره تنقل الا انتهت 24 ساعه
تصدق مره فحصت واشوف اللي يفحص عربي
يعلم ولده صغير
يعني شغلة تعلم
ولاتخيل يفحص
قير
مكينه
بدي
كلها بدقيقه .......
........
انا جربت مع رفيقي لكزس460
ومع نفسي
افحص بورشه
اي مركز كبير تجد احدث السيارات فيه
ميكانيكيه يشيكون ع الموتر برواقه بهدوء وياخذون وقتهم
يرفهون الموتر يفحصونه من اسفل ويفتحون الكبوت
يطلعون عليها
ابميكانيكي الخبره
يعرف المكينه بصوتها بريحة الشكمان
بعيار الزيت يشم يشوف
خبره دارسها دراسها ومهنته
ماهو واحد يركظ بكبسه ويطل على المكينه ويمكن مايدوس بنزين ماعنده وقت
......
بعدها اطلع لأقرب سمكري ومركز كبيروالسمكري الفاهم المتمرس
يعرف البدي بنظره

وقدامي فلبيني من مركز دووووكس
اخذ لفه قال سليم

...............

اخوي سليم اختصر الكلام
الكمبيوتر يعلمك اعطال الكهرب والحساسات
والبدي يشغل جهازه وياتصيب ياتخيب
مممكن الرفرف مغير تشليح ولاضرب بويه والسمكري شاطر ومطبقه صح
........
لا وب300 فحص ليه يافندم

الله يجزاكم خير و شكرا الي اعطو لايك
يعني فحص الكمبيوتر مامنه فايده

و المشكله اني غشيم في امور الفحص حتى الي حولي و الموتر بشتريه للشايب

بعد اذنك نوع الموتر اللي بتشتري
علشان مممكن حنا والاخوان نفيدك

هايلوكس 2013 غمارتين

الهايلكس ماشاء قليله الكهرباء والتقنيه فيها
وهذا يسهل الفحص
طبعا الهايلكس لايخفى عليك اكثر المستخدمين
فئة شباب سوء استخدام تفحيط .
او تطعيس
او حتى كبار لاكن يستخدمها لما صنعت له التحميل والصحراء
والجلد
فلذالك لازم بعد ماتتأكد من المكينه والقير طبعا بمركز ورشه كبير
ميكانيكي صح يشيك لك عليها ويتأكد
ايضا يشوف بطن الموتر جايته صحاري تطعيس
لحام شي
مشي الموتر ثقيل جامد ولامهربد
ايضا كم ماشي وهل عداد صحيح
تعرفه مسكة القير ممسوح الدركسون الدواسه البنزين والكلتش
تقريبا او المرتبه
اهم شي
ورشه كبيره فيها سيارات تويوتا مواتر جددددد

ماهي ورشه فيها خردات وميكانيكي منسدح عند الصحراوي المكيف

فيه هايلكسات ماشاء الله محافظ عليها
والاخوان يطرحون ان شاء الله ماعندهم


بالتوفيق واي شي ابشر
اتمنى اني وفقت بما طرحت واجتهدت به

بيض الله وجهك ماقصرت

الله يكتب الي فيه الخير

ابسط شي لو المكينه تدخن وحطلها زيت ستوب ماراح يطلع فالكمبيوتر ولا راح تعرف هالنصبه الا بعد تغيير الزيت

عليك السلام شف فيه بعضهم مايفحص كويس بس رح لمركز فحص ممتاز يطلع لك الحساسات المتعطله  

اخوي نواف
الدعوه ماهي حساس ولاسلك كهرب
بسيطه هذي
العلم المكينه
القير الموتر جايه جلد صحاري وتطعيس
هستره
البدي و وضعه

طيب عطنا خبرتك في الرجال بدال الكلام 

فيد  الرجال اذا عندك خبره 

حبيت افيدك الرجال ب اللي اقدر عليه المفروض تشكرني ماهو تكلام  عليه الله يسامحك 

ارجال اسئل عن  فحص الكمبيوتر دقيق ؟! 
وجاوبته 

الحمدلله لقيت رجال بموقع الحراج اسمه ادعم طموحك و الله رجل ثقه و كفو فحص السياره و نصحني بالشراء و السياره ما شاء الله طلعت على كلامه نظيفه و بيض الله وجيهكم كلم من افادني و من دعمني باللايك جزاكم الله خير

اخوي نواف ماقلت شي انا
انت قلت افحص كمبيوتر يطلع لك حساس
وانا جاوبتك وقلت الدعوه مش حساس ولاكهرب
العلم مكينه وامور ثانيه
ثانيا
انا طرحت خبرتي وافادتي باللي اعرف باكثر من رد
وكلام طويل
ارجع لك

واشكرك كثيرا