السيارة تعطلت فجأه وعيت تشتغل

اعتقد الدينمو ما يعبي البطاريه

مشكلة في الكهربا ومكتوب عندك الكويلات تأكد منهم

معك مشكلة فالكويلات او الاسلاك حقها تأكد من التوصيل اول شي 

الرموز الي عندي واعرفها. بوبين الاشعال الرئيسي والثانوي شكلها الكويلات

ي شباب جاء مهندس ميكانيكي وحاولنا في السيارة عيت تشتغل والمهندس صاحبي كشفنا عالكويلات كلها سليمة والبخاخات كلها سليمة والبطارية والدينمو سليمة وكشف على حساس الكرنك سليم
وباخد واعطي معاه في الكلام قلتله عبيت بنزين وبعد مشوار كيلو السيارة طفت وتعطلت ومن هنا المهندس شك في الموضوع ان المحطة اللي عبيت من عندها البنزين يكون مختلط معاه موية لان مر بتجربة مثل كذا من قبل
هالحين وقفت السيارة على جنب وبوديها بكرة الورشة بالسطحة

لكن سؤالي فعلا لو الموية اختلط بالبنزين تعمل هالحركة؟؟؟؟
مع المحطة كانت مزدحمة بالسيارات ان كان البنزين مخلوط معاه موية فالله يعوضني ويعوضهم جميعا

احتمال عندك طرمبة البنزين قافله 
تاكد منها سارت معي قبل ماشي في الخط وقفلة علي طرمبة البنزين 
وشلتها سطة وكل مارديها مهندس يقول مخبطة ابن طبيت في مهندس ممتاز قالي طرمبة وغيرتها واشتغلت 

اذا كانت الطرمبة . قبل لا تغييرها فك تانكي البنزين و نظفه من اثار الماء . عشان لا تخرب عليك الجديدة

افحص الكويلات والبواجي يمكن منها

خذ العلم مني تحتاج برمجة مفتاح اذا انها كذا صارت معي قريب وبرمجها الكهربائي واشتغلت اخذ علي 300 ريال شغل ربع ساعه

الله يعينك باين عين ماصلت على النبي 
عموما وش صار معك اللحين

والله باقي السيارة عطلانة حصلنا التانكي بنزين مع موية المحطة اللي عبيت منها الظاهر بنزينهم مخلوط معاه موية
غيرت طرمبة البنزين وفضيت التانكي من البنزين القديم مافي فايدة
ركبت كويلات مستعملة شغالة مافيها شي مافي فايدة
نظفت البخاخات، فكيتها كلها ونظفتها مافي فايدة
السيارة م تشتغل ابد
مافي حل الا يكون الكمبيوتر ضرب شكله من كثر التشغيل والتجربة والله اعلم ان طرمبة البنزين او الكويلات عملت التماس وضرب الكمبيوتر
باقي اروح للورشة بكرة والله يستر بس
رجعت للمحطة وكلمت واحد من العمال يقول ما يدري عن شي
لكن حسبي الله ونعم الوكيل عليهم قلبي محروق كل هالهجولة بسببهم وباقي ما خلصنا

الله يعوضك.. ولازم تشتكي المحطة على وزارة التجارة وان شاء الله حقك مايضيع

اشتك على المحطه وبلغ وزارة التجاره انا صارت معي عبو سيارتي ديزل وخسرتهم 3000 قيمة اصلاح بس هددتهم بالشكوى

الحمدلله استلمت السيارة اليوم الصبح والموضوع ان الموية اختلطت مع البنزين وتعطلت السيارة
وبفحص ال OBD النتيجة كويلات لكن الكويلات سليمة
المشكلة من الطرمبة صار لها التماس من كثر تشغيل السيارة وهي متعطلة والكمبيوتر ضرب والبطارية صارت تالف كثر تجربة تشغيل السيارة ، على كلام الكهربائي
الكمبيوتر م غيرته صلحته في داخل الجهاز دوائر كهربائية اللي اسمها I, C
الكهربائي غير اللي خرب والحمدلله السيارة اشتغلت وأخذ على شغل يده 500﷼ بالمناحلة لان كان طالب 700 او 650﷼
،،،،،،،،،،،،،
صاحبي الميكانيكي ساعدني كثير الله يستر عليه ويرزقه لان الكويلات والبخاخات اخذت من عنده وركبتها على سيارتي من باب التجربة عشان يبين اذا كويلات القديمة عطلانة فعلا او لا
لو ما اعطاني كنت رح اخسر قيمة كويلات جديدة
المهم الخسارة الكلية من تعطلت السيارة إلى استلامها الف وعشرة ريال

حسبي الله ونعم الوكيل على المحطة الله ينتقم منهم خسروني عالفاضي وانا عاطل

الله يعوضك ويعوضنا خير يارب