الي استخدم افالون 11و12 والي ستخدم الاجدد ويش الافضل برايك

الموديلات اللي ذكرتها افضل كشكل خارجي و الداخليه افضل من الموديل السابق و الموديل اللي بعده
يعني هي فعلا افضل موديلين نزلت للأفالون

2012 افضل في الشكل والرساوة
العزم واحد الجديد نفس 12 قير مكينه مافية اختلاف

صدقوا يوم قالوا ( قديمك نديمك ) 

الجديده افضضل 13-17 فخامه واحددث ومواصفات وروح اقراء المواصفات وتعرف الافضل

ي الرفاعي متأكد من معلومه ان العزم واحد ؟؟؟

حسب ماقرأت انها اختلفت بعدد الاحصنه اظنها وصلت ٢٧٥ بعدين رجعت ل ٢٦٨ حصان بالشكل الجديد

2012 عيبه كامبروسر 
وسعره حول ٣ الف 

ابو هيثم حتى لو ناقصه بعدد الاحصنه
الكلام ان ال11وال12
ماعاد بيجي مثلها افضل موديلين نزلت في الافالون
الشكل الجديد لابأس به
لاكن مايوصل مواصيل ال12

نفترض انها افضل موديل نزل على الافالون, صارلها فوق ال5 سنين يعني بتبدأ مشوار التصليحات, عادةَ هذه حركات شريطية علشان يرفعوا سعر القديم. هي تستاهل انك تصلح فيها اذا أختها وكالة وكملت 5 سنين لأنك عارف كل شئ فيها. صحيح في سيارات الاقدم نشوفها افضل بس كل شئ له وقته. انا كان ودي اشتري ازيرا 2009 خليجي مكينة 3800 وملاكها أكيد يعرفوا السبب, و وقتها ماكان عندي امكانية اشتريها, والان اقدر اشتريها لكن راح وقتها. وحاليا أكيد 2018 بتكون افضل.

مافية مقارنة الموديلات الحديثة افضل بكثير من موديل12داخليته تشبة كامري ٢٠٠٩اللي يميز موديل ١٢الشكل الخارجي فقط والانوار الخلفية

شف معاك كشكل وعزم وراحة لكن اركب ال 12 واركب 16 وتشوف الفرق وانا اشوف الجديد افضل كعزل رهيبب ما شاء الله افضل من القديم وداخليه جميله وقوة لكن موديل زمنه اذا كان تقدر على الجديدخذه عز الله موتر

((موديل افالون 2000 إلى 2004))

- شكلها عادي جدا تشبه الكامري من نفس الموديلات
- قطع غيارها رخيصه لمشاركتها مع الكامري v6 في نفس القطع
-محرك 3.0 بقوة 210 حصان
- جير اربع غيارات

((افالون موديل 2005 إلى 2007))

- شكل انسيابي جميل جدا
- مقدمه هجوميه وخلفيه متميزه
- قوة الهيكل الخارجي للسياره في حالة الحوادث
- جير خمس غيارات
- داخليه وسيعه لكن بسيطه ومريحه.
- اقوى محرك نزل على الافالون هي موديل 2005 بقوة 280 حصان .
- موديلات 2006 نزلت تويوتا قوة الاحصنه إلى 268 حصان ومازال هذا المحرك هو المستخدم إلى يومنا هذا


((موديل افالون 2008 إلى 2010 ))

- شكل انسيابي جميل جدا (فيس لفت)
- مقدمه هجوميه وخلفيه متميزه
- قوة البودي الخارجي للسياره
- جير ستة غيارات
- محرك 3.5 ستة سلندر 268 حصان
- داخليه وسيعه لكن بسيطه ومريحه.


(( افالون موديل 2011 - 2012 ))

- تتشارك مع موديلات 2008 إلى 2010 في نفس المحركات
- شكل الخارجي عادي جدا وتشبهه الكامري 2011 لكن طويله
- داخليه جميله جدا واجمل داخليه نزلت على الافالون وسيعه ومتميزه
- نادر ما تلاقي قطع اكسسوارات خارجيه لها لأنها نزلت فقط لسنتين

(( افالون موديل 2013 إلى الآن))

- محركاتها نفس الموديلات السابقه (نفس المكينه والجير)
- شكل خارجي جميل .
- داخليتها اصغر من الموديلات السابقه.
- اخف وزنا من الموديلات السابقه فلذلك تسارعها افضل
- الهيكل الخارجي أضعف من الموديلات السابقه لكن لديها ايرباجات اكثر
- بعض الناس لايفرق بينها وبين كامري 2015 و 2016 لتشابهه الشكل الخارجي بين السياراتين.


اتمنى اني قد افدتك وتقبلوا تحياتي.

وازيد على كلام الاخوة بما اني كنت من ملاكها بانها افضل سيارات تويوتا الحديثة كا استعمال يومي واستخدام طرق طويلة واستهلاكها المعتدل المنخفظ للبنزين بالكاد انها جمعت بين تقنية وصناعة اليابان وفخامة وراحة الامريكي ومنافسينها الان كثير اهم شي لاتشتري اكثر من ممشى 200 الف كم وان قدرت تشتري جديد اشتر مع العلم في السابق كانت قطع غيارها رخيصه اما الان نار