أضف سؤال أو موضوع جديد          

رش وتغيير اللون .. أيهما أفضل

up 5 down 1
ابو لؤي 55 60
قبل 3 شهر و 3 أسبوع



مرحبا شباب .. صباح/مساء الخير للجميع
سيارتي كامري 2008 لونها أسود وفيها شوية خدوش وحكّات تجيب الهم (تعرفو جيّداً حساسيّة هذا اللّون) وقررت أرشّها تجميلي وجت في راسي فكرة إنّي أغير اللّون للأبيض اللؤلؤي اللي على 2010 و 2011 لأنه حقيقة عاجبني وانطلاقاً من هذه الفكرة عندي كذا استفسار :
أولاً
أيهما أفضل أرشها لونها ولا أغيّر اللون؟
ثانياً
هل هناك فرق في قيمة السيارة عند رشّها بلون المصنع وتغيير اللون جذريّاً؟
ثالثاً
وش رأيكم بالمحلاّت اللي ترش في الغرابي ؟ لأن أحدهم قال لي دهان ألماني وضمان 3 سنوات
رابعاً
مين منكم سمع عن دهان بيس الأردني؟ ودهانات باسمير؟
خامساً وأخيراً
أرجو أن يتم طرح الإجابات بشكل مرتّب بناءاً على صيغة الأسئلة ليستفيد الجميع ..

مع التحيّة ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انصحك اخوي انك ترش الحكات فقط ولا تغير لون السيارة لان هذا الشي بنقص من قيمتها كثير عند البيع


up 2 down 1
ahmad akk 424
قبل 3 شهر و 3 أسبوع



الافضل ترش الخدوش فقط. اذا باقي البويه سليمه 

اما تغيير اللون. انا معك اللون الابيض لؤلؤي جميل جداً 

على سيارات كثيره من وجهة نظري لون مميز. ومنتشر 

لاكن شي اكيد ان عند البيع راح ينزل سعرها. اذا عرفو 
انها مرشوشه او مغير لون المصنع. 

اذا بالمعارض السياره الي فيها رش كبوت ورفرف. 
ينزلون سعرها للإرض فمابالك بسياره مغير لونها كامل 
او مرشوشه كامله. راح ينزلون من قيمتها عند البيع 

لاكن اذا انت. مالك اي نيه بالبيع. وعاجبك اللون. 
غير للون الي بمزاجك. 

انا سيارتي كان لونها اسود. وغيرت لونها فضي. 
لاني ماافكر ابيعها وهي كذا اوكذا اسعارها ماهي 
مرتفعه اسعارها عاديه. وانا ماافكر ابيع. عشان كذا 
غيرت لونها. قبل ثلاث سنوات تقريباً 


اما بخصوص المحلات الي تقول بالغرابي ماعندي علم عنها


up 1 down 1
سبحان الرازق سبحانه 2374
قبل 3 شهر و 3 أسبوع



بيفرق عليك السعر طبعا اذا بتغير لون كاملل واذا بتستخدم ولا تفكر تبيع غيرها وبخصوص البويه اول رشيت سوناتا بويه هولندي منتازه اسأل عليها وبالتوفيق  


up 1 down 0
جنتل 07 71
قبل 3 شهر و 3 أسبوع



افضل بوية المانيه Decson بس احرص ان يكون اللكر والتنر والمنشف اصلي


up 1 down 0
احمد ال الشيخ 1992
قبل 3 شهر و 3 أسبوع



مااظن ان فيه فرق بين الرش على لون البلد او تغيير اللون وانا رأيي انك تغير اللون منها لتجديد السياره وتجديد نفسيتك لها


up 4 down 0
كارينو 507
قبل 3 شهر و 3 أسبوع



الله يسعدكم يا شباب وبانتظار آراء المزيد ..


up 1 down 1
ابو لؤي 55 60
قبل 3 شهر و 3 أسبوع



اذا بتستخدم اقلب لونها اذا بتبيع خلها ماهي عليه 

لو بتستخدم بترتاح من الغسيل كل ٣ ايام 
لانه ابيض 


up 1 down 1
احمد ال الشيخ 1992
قبل 3 شهر و 3 أسبوع



سيارتك ﻻتفكر كم تبيعها شف النظيف منها كم سعره
اسعارها طايحه فنا بالك اذا رشيتها اشوف انك ترشها
وتستانس فيها ﻻن كذا وﻻكذا قيمة النظيف طايح

تبي ترشها نفس لونها او تغيره براحتك

اهم شئ اذا بتغير لونها انك تكون من النوع
الي مايهمه ان السياره تكون شد بلد
واذا من النوع الي تحبها شد بلد
يمكن تندم انك غيرت لونها


up 0 down 1
d7ooom777 901
قبل 3 شهر و 3 أسبوع



رش الحكات أحسن 

لأنه لو بتغير لونها ما هي سهلة يبيلك إجرائات مع المرور و بتطول بتأخذ وقت لأنه السالفة فيها تغيير لون 

الأفضل رش الحكات و بس 


up 0 down 0
بدر الباثفايندري 793
قبل 3 شهر و 3 أسبوع



بالنسبه لي

راح ارشها لاكثر من سبب موتر موجديد ثانيآ اسعارها نازله ماراح تفرق معي اللي بيطيح عشان تغيير اللون
ثالثآ ياخي بكره لانعلم عنه اتمسك بلون ماحبه ولارتاح له عشان كم الف بعد كم سنه !!

رشها اللون اللي بالك واستمتع بسيارتك بس احرص على ورشة شغل نظييييف وصراحه اللؤلوي على هالموديلات
اذا جاء يلق ماشاء الله سكبه


up 0 down 0
المنطق يقول 671
قبل 3 شهر و 3 أسبوع



شوف عزيزي اذا بتغير لون من الأسود للأبيض  كيفك عاد ما بقول لك لأ ,سيارتك و من حقك تنبسط بها.

بس المرور بياخذ وقت في الاجرائات لأنه السالفة بيكون لون مختلف عن اللي مسجل في الاستمارة  اقول لك ليش.  لو انك بترش اسود

تجميلي نفس لون المصنع ساعتها مو مشكلة بس تاخذ ورقة إصلاح من المرور وتطلع الورشة اللي تبي.  بس سالفة انك تحول من الأسود

للأبيض هذه فيها وجع راس شوية لأنه المرور يبي يتحرى عن السيارة من حيث الشبهات الجنائية مثل القتل و السرقة و غيرها صدقني هذا

اللي بيصير.  وكلام منطقي لا فيها مبالغة ولا شي تقدر تتأكد بنفسك ولا تنسى الاستمارة بعدد بتتغير لأنك غيرت اللون غير عن المصنع.

انا ما قاعد اقول لك لا ترش.  بالعكس سوو اللي تبيه بس احسب حساب إجرائات المرور و طول بالك عليهم.  انا بالنسبة لي برش الخدوش

و بس ولا لي في عور الراس مع المرور.  قلت لك اللي ابيه وانت بكيفك القرار لك تبي ترش الخدوش بس تبي تغير اللون اللي تبيه.

  


up 0 down 2
بدر الباثفايندري 793
قبل 3 شهر و 3 أسبوع



راح يطيح من قيمة سيارتك يمكن للنصف ( فأنتبه ) . . . . .


up 0 down 4
خارج الوسط الرياضي -7
قبل 3 شهر و 3 أسبوع



يارجال رشها ولا عليك لاتخلي شي بالخاطر الا تسويه 
والسعر طايح طايح لان لونها اسود 


up 2 down 1
شمهرووش 81
قبل 3 شهر و 3 أسبوع



انا اشوف تغيير اللون افضل بس انتبه لدرجة اللون لايحطون لؤلؤي 
اللي يجيك مصفر 

وتعتبر مرشوشة غير اللون والا ماغير 


up 2 down 1
غريب الدار 079 77
قبل 3 شهر و 3 أسبوع



انا من اسلوب كلامك اللون الاسود مطفشك وجايب لك الهم احرق لونها ورشها أبيض لؤلؤي رشة فرن ومنها تتجدد الاستماره وتزين نفسيتك  
اجابة السؤال الثاني شي اكيد بنزل من سعرها الرش التجميلي 
اجابة السؤال الثالث ماعندي خبره بحكم ماني من اهل منطقة الرياض 

السؤال الرابع ماعندي خبره وسلامتك 


up 0 down 1
نواف الحربي4 330
قبل 3 شهر و 3 أسبوع



يعطيكم ألف عافية شباب
وجارِ البدء بإجراء إستخراج ورقة المرور لعمل تغيير جذري للون
شكراً بحق ..


up 1 down 1
ابو لؤي 55 60
قبل 3 شهر و 3 أسبوع



اخذت ديسلايك مع انه كلامي صحيح 

الله يسامح اللي عطاني ديسلايك 


up 1 down 0
بدر الباثفايندري 793
قبل 3 شهر و 3 أسبوع



إلا قول الله لا يسامحه
مدري وش يحس فيه وهو قاعد يسوي للناس ديسلايك
حتى أنا ما سلمت منه لا في الموضوع ولا الردود ..


up 1 down 0
ابو لؤي 55 60
قبل 3 شهر و 3 أسبوع



ابو لؤي لاتزعل حتى انا ردي ممتاز على طول ديس لايك ولا تزعل +1


up 1 down 0
نواف الحربي4 330
قبل 3 شهر و 3 أسبوع



اهم شي الله يسعدكم لاتفكرون فيها علشان ماتتعبون طنشو وعيشوا الحياة 


up 0 down 0
نواف الحربي4 330
قبل 3 شهر و 3 أسبوع