رش وتغيير اللون .. أيهما أفضل

انصحك اخوي انك ترش الحكات فقط ولا تغير لون السيارة لان هذا الشي بنقص من قيمتها كثير عند البيع

الافضل ترش الخدوش فقط. اذا باقي البويه سليمه 

اما تغيير اللون. انا معك اللون الابيض لؤلؤي جميل جداً 

على سيارات كثيره من وجهة نظري لون مميز. ومنتشر 

لاكن شي اكيد ان عند البيع راح ينزل سعرها. اذا عرفو 
انها مرشوشه او مغير لون المصنع. 

اذا بالمعارض السياره الي فيها رش كبوت ورفرف. 
ينزلون سعرها للإرض فمابالك بسياره مغير لونها كامل 
او مرشوشه كامله. راح ينزلون من قيمتها عند البيع 

لاكن اذا انت. مالك اي نيه بالبيع. وعاجبك اللون. 
غير للون الي بمزاجك. 

انا سيارتي كان لونها اسود. وغيرت لونها فضي. 
لاني ماافكر ابيعها وهي كذا اوكذا اسعارها ماهي 
مرتفعه اسعارها عاديه. وانا ماافكر ابيع. عشان كذا 
غيرت لونها. قبل ثلاث سنوات تقريباً 


اما بخصوص المحلات الي تقول بالغرابي ماعندي علم عنها

بيفرق عليك السعر طبعا اذا بتغير لون كاملل واذا بتستخدم ولا تفكر تبيع غيرها وبخصوص البويه اول رشيت سوناتا بويه هولندي منتازه اسأل عليها وبالتوفيق  

افضل بوية المانيه Decson بس احرص ان يكون اللكر والتنر والمنشف اصلي

مااظن ان فيه فرق بين الرش على لون البلد او تغيير اللون وانا رأيي انك تغير اللون منها لتجديد السياره وتجديد نفسيتك لها

الله يسعدكم يا شباب وبانتظار آراء المزيد ..

اذا بتستخدم اقلب لونها اذا بتبيع خلها ماهي عليه 

لو بتستخدم بترتاح من الغسيل كل ٣ ايام 
لانه ابيض 

سيارتك ﻻتفكر كم تبيعها شف النظيف منها كم سعره
اسعارها طايحه فنا بالك اذا رشيتها اشوف انك ترشها
وتستانس فيها ﻻن كذا وﻻكذا قيمة النظيف طايح

تبي ترشها نفس لونها او تغيره براحتك

اهم شئ اذا بتغير لونها انك تكون من النوع
الي مايهمه ان السياره تكون شد بلد
واذا من النوع الي تحبها شد بلد
يمكن تندم انك غيرت لونها

رش الحكات أحسن 

لأنه لو بتغير لونها ما هي سهلة يبيلك إجرائات مع المرور و بتطول بتأخذ وقت لأنه السالفة فيها تغيير لون 

الأفضل رش الحكات و بس 

بالنسبه لي

راح ارشها لاكثر من سبب موتر موجديد ثانيآ اسعارها نازله ماراح تفرق معي اللي بيطيح عشان تغيير اللون
ثالثآ ياخي بكره لانعلم عنه اتمسك بلون ماحبه ولارتاح له عشان كم الف بعد كم سنه !!

رشها اللون اللي بالك واستمتع بسيارتك بس احرص على ورشة شغل نظييييف وصراحه اللؤلوي على هالموديلات
اذا جاء يلق ماشاء الله سكبه

شوف عزيزي اذا بتغير لون من الأسود للأبيض  كيفك عاد ما بقول لك لأ ,سيارتك و من حقك تنبسط بها.

بس المرور بياخذ وقت في الاجرائات لأنه السالفة بيكون لون مختلف عن اللي مسجل في الاستمارة  اقول لك ليش.  لو انك بترش اسود

تجميلي نفس لون المصنع ساعتها مو مشكلة بس تاخذ ورقة إصلاح من المرور وتطلع الورشة اللي تبي.  بس سالفة انك تحول من الأسود

للأبيض هذه فيها وجع راس شوية لأنه المرور يبي يتحرى عن السيارة من حيث الشبهات الجنائية مثل القتل و السرقة و غيرها صدقني هذا

اللي بيصير.  وكلام منطقي لا فيها مبالغة ولا شي تقدر تتأكد بنفسك ولا تنسى الاستمارة بعدد بتتغير لأنك غيرت اللون غير عن المصنع.

انا ما قاعد اقول لك لا ترش.  بالعكس سوو اللي تبيه بس احسب حساب إجرائات المرور و طول بالك عليهم.  انا بالنسبة لي برش الخدوش

و بس ولا لي في عور الراس مع المرور.  قلت لك اللي ابيه وانت بكيفك القرار لك تبي ترش الخدوش بس تبي تغير اللون اللي تبيه.

  

راح يطيح من قيمة سيارتك يمكن للنصف ( فأنتبه ) . . . . .

يارجال رشها ولا عليك لاتخلي شي بالخاطر الا تسويه 
والسعر طايح طايح لان لونها اسود 

انا اشوف تغيير اللون افضل بس انتبه لدرجة اللون لايحطون لؤلؤي 
اللي يجيك مصفر 

وتعتبر مرشوشة غير اللون والا ماغير 

انا من اسلوب كلامك اللون الاسود مطفشك وجايب لك الهم احرق لونها ورشها أبيض لؤلؤي رشة فرن ومنها تتجدد الاستماره وتزين نفسيتك  
اجابة السؤال الثاني شي اكيد بنزل من سعرها الرش التجميلي 
اجابة السؤال الثالث ماعندي خبره بحكم ماني من اهل منطقة الرياض 

السؤال الرابع ماعندي خبره وسلامتك 

يعطيكم ألف عافية شباب
وجارِ البدء بإجراء إستخراج ورقة المرور لعمل تغيير جذري للون
شكراً بحق ..

اخذت ديسلايك مع انه كلامي صحيح 

الله يسامح اللي عطاني ديسلايك 

إلا قول الله لا يسامحه
مدري وش يحس فيه وهو قاعد يسوي للناس ديسلايك
حتى أنا ما سلمت منه لا في الموضوع ولا الردود ..

ابو لؤي لاتزعل حتى انا ردي ممتاز على طول ديس لايك ولا تزعل +1

اهم شي الله يسعدكم لاتفكرون فيها علشان ماتتعبون طنشو وعيشوا الحياة