لقد قام العضو بحذف الموضوع

فيه عرض شفته ممتاز عالسيراتو قسطها 999 بدون دفعة اولى

وعليكم السلام ورحمه الله وبركاته
عرض السيراتو الي ذكره عمر حلووو وال400 انت اولى بهاوالسيراتو مرغوبة ومنتشرة

ياليت ترجع للحكم الشرعي للايجار المنتهى بالتمليك والراي لك طبعا

احسن شي تسويه اذا عندك سيارة او وسيلة مواصلات خلك مثل ماانت
واذا توظفت طلعلك سياره
او خذ قرض بدال ماتطلع سيارة جديدة خذ مستعمله تمشيك هالفترة وانت تطبق
وخلال سنه تكون انتهيت منه مع البنك يعني بحدود من 20 الى 30 الف وتسددها
خلال سنه وباقي الفلوس توفرها يكون عندك سيارة تمشية حاا
ومنها خلصت قرضك
ترا العبرة مو بكثرة الفلوس في فترة قصيرة لكن العبرة في هالزمن الامان الوظيفي
والله يوفقك
وجهة نظري طبعا

والايجار منتهي بالتمليك مو بكيف اي احد فينا يقدر يتنازل عن السيارة
وبالوقت اللي يبغاه
فيها شروط وتعقيدات وممكن خساير اكثر اذا فيه حوادث لاسمح الله وتدفع رسوم وشغلة هذا القصد من الفكره
وانا مااشجع احد يطلع ايجار منتهي بالتمليك لانه البركة ماش فيها وغير الشروط والسيارة نفسيا تسوقها وما تحس انها
ملك لك اي ظرف يكرشون الواحد ويسحبوها ويوقفوا خدمات البشر والله اشوفها صعبة وقهر نفسي
الله يفرجها علينا وعليك

والله انك صاادق 
تعجبني مثل هالتعليقات اللي تخليني افكر زين قبل اقرر 

نعم صحيح مو بالسهولة التنازل وعندهم شروط وتعقيدات
وهمهم الاخير سحب ما في جيبك 

يا اخوان انا صاحب الاعلان 

بعد بحث في اليوتيوب وسوال - اتضح لي ان الاجار المتتهي بالتمليك 
اقسم بجلال الله وعظمته انه حررررراااااام وربا 
ولا يجوز 
ومحرم جملة وتفصيل 
وان الله سبحانه يمحق الربا ويربي الصدقات 

صح اني محتاج سيارة لكن في المقابل ماني قادر اتحمل محق البركة 
والحرام وعقوبته لا في الدنيا ولا في الاخرة 

وبالتالي : كنسلت فكرة سيارة اجار منتهي بالتمليك والله انها تحرم علي اركبها ما دمت حي 
وحسبنا الله على من يأكلون أموال الناس بالباطل 

حياك
تبي الراي خذ قرض لايتجاوز عشرين الف 
وش لك سيارة صني اكسنت هالفئة وبتحصل موديل حديث 
بحول الله بتمشيك كم سنه ماهو سنه ونص
يكفي اقساط وبهدله ياعالم ترا السيارة وسيله ماهي غايه

نصيحتي لك بشكل عام اذا معك سيارة ماشية معك خلك عليها 
واذا مظطر تبي سيارة خذ سيارة نظيفة صغيرة بحدود 20 الى 25 الف

وأنصحك تبتعد كل البعد عن القروض الا للضرورة مثل الزواج وماشاء الله على كلامك اعتقد انك بكلية الطب والطبيب او مربوط حول 20 ماشاء الله تبارك الله

اذا تحليلي صحيح يبيك شوية تركيز وابتعاد عن التبذير وبعد كم سنة بإذن الله تقدر تشتري افخم السيارات وانت مرتاح ومرفه عن نفسك وعن اهلك

بالتوفيق

حاول تسلف وتاخذ اكسنت كاش , وخذها جديده ان شاء الله تعيش معاك وقت طويل

وسالفة تركك لاجار بالتملك
اعرف ان من ترك شي لله عوضه الله خير منها
وحاليا مد رجلينك على قد لحافك الاكسنت حلوه تراها وحقت كرف على كلام الي جربوها والا انا ما جربتها الصدق

ما شاء الله لسه فى بداية حياتك وجالس تفكر بقرض ضخم وسيارة ايجار واقساط واصلا لسه ما توظفت
هل ضمنت الوظيفة ؟
هل ضمنت انك تقدر تتنازل عن السيارة وقتما شئت ؟
هل التزاماتك ما راح تزيد بعد سنة ونصف ؟
نسيت اقلك ان السيارات المعروضة للتنازل ملياااااان ومافى احد بيتقبلها

انت تبي سياره على قولتك تمشيك سنه او سنه ونص 
تسلف ٢٠ الف من اقاربك او اخوانك واشتري اكسنت ٢٠١٥ او ٢٠١٦
ولا تستعجل على القروض وكسرت الظهر 
تر لو قعدت ٤ شهور بخصوص البنك ماتسدد بيسون عليك ايقاف خدمات 
اما لو تبي سياره اقساط كذا ٤ شهور كثير يعممون عليك واقرب نقطه تقتيش او مرور وخصوصا الحين منتشر مرور سري بكثره 
مسرع مايوققك ويسحب السياره منك 

خذ سيارة ملك افضل تبيعها متى بغيت
ابحث في موقع حراج تحصل صني 2016 اصفار نص فل ب28 الف تمشيك بالراحة وموتر جديد

نصيحه لك ولغيرك لاتاخذ ايجار منتهي بالتفليس
حرام سيارة قيمتها 50 تاخذها ب90...حرااام يارجل

خلك ع سيارتك لو هي كريسيدا....ومتى ماقدرت تاخذ قرض من البنك..او ادبره وخذلك كورلا
انت باول حياتك لاتروح للكماليات ع طول فيه اشياء اساسية..زواج بيت ...الخ
بعدها اذا تيسرت امورك..ان شاء الله لو تاخذلك روز رايس

إذا عندك سيارة لو مقربعه خلك عليها لأنها فتره مؤقته

اذا ماعندك سيارة تمشي الحال
خذلك سيارة مثل ماقلت حسب الشروط الاتيه
تكون مرغوبة فالسوق
تكون أقل قسط
ولا تبحث عن المواصفات فل كامل عشان تحصل على أقل قسط
القسط الخفيف والسيارة المرغوبة تساعد على انك تلقى احد يتقبلها منك
تأكد أن شروط البنك للتنازل سهله عشان تساعد الي يتقبلها ومايطفش من الشروط أو تكوون تعجيزية
يعني انا مثلا سيارتي من بنك الإمارات
بنك الإمارات مايسمح للتنازل الا لشخص يكون راتبه مايقل عن 8 الف
حافظ على السيارة وخل صيانتها فالوكالة عشان تقنع إلى بياخذها انها نظيفه وتزيد من رغبة السيارة عند الناس

يعني فالنهاية كئنك استأجرت سيارة. ورجعتها لهم وتطلع بعد أرخص من الإيجار

اخوي اذا مامعك سيارة خذلك صني نظيف وموديل 16 بحدود 20. افضل لك بكثير

تاكد من الراتب لامتياز تراهم نزلوه الى 2500 لاتتخوبر  

نصيحة خذ مستعمل
النترا أو كورولا، وراتبك جيد يمكنك توفر منه كم شهر وتشتري مستعمل نظيف
ابعد عن الديون والأقساط نصيحة

كلامي من كلام شويخ