أضف سؤال أو موضوع جديد          

هل الذهاب للبنوك او ماشبه وشراء الجديد ارحم من نار المستخدم

up 5 down 2
امير الاصيل 1623
قبل 5 شهر و 4 أسبوع



السلام عليكم ورحمة الله وبركاته
طرح احد الاعظاء الكرام بعض خشش المستخدم والحراجات
وهي التي جعلت بعض الناس يلجأ للوكاله ولو عن طريق البنك
ولا يسقط بنار المستخدم والغشش وتبيع السياره بربع القيمه
...............
اثار الموضوع مشاعري وحببت ان اطرح مافي جعبتي
لعل احد يستفيد ... ويفيد
1)كان معي موتر نظيف قدر الله اني ابيعه تغيير .لقافه .
وانكبت ماحصلت موتر اخر شي حصلت اكسنت12 حرج مكرفون
قلت ابتعبر بها مع ابو بكستن
وتحايل علي وتحايلت عليه واخذتها
وبعد فتره جتها نتعه وفيها طقطقه
تقصيت امرها طلعت تبع اكبر مكتب تأجير
زيت القير اسود غيرته لاكن ماش يقلب لونه لازم تنظيف مخ القير
عن الزيت الاول المهم مانظفته وبعتها بكلب سرق اهله
....
مع اخوي قرشين قلت اشتر فورتشنر شبه عائلي بتحصل شبه وكاله
ورفض
وحصل جكسار هنا بالموقع
وعندنا بنفس المنطقه
المهم طلعنا للوكاله قالو لازم تنزله الان قبل الظهر ويخلص العصر
وصحب الجيب رفض وطلع يعرف ناس بنفس ديرتنا وطلعنا نعرف بعضنا وسلمنا ع بعضنا من جديد
قلنا خلاص مانبي فحص
ومرينا فحص بسيط فقط يشيك
وحصل الدبل مفكوك منا ومنا قال عادي شغال
النهايه شرينا وكنا في البرد
ومن الصباح ودخنته بيضاء تقول سيارة فليت
وريحته قار
واتصل به اخوي والصوت تغير والمعرفه راحت
وجحد اخوي اخر شي قال خذ 1000 واسكت
طلع شريطي وله سيارات عارضها بالموقع
فحصه اخوي وكاله قررو عليه توظيب
لانه والله اعلم كان زيت يسود ويخضر مايغيييره شغل امحطه حتى كربنت المكينه
فحصه ايضا عندمحل كمبيوتر قالو سليم ولا بين الدخنه لانه مايدخن الا اذا بارد
وطبعا فحص كمبيوتر ماهو ثقه خربطي لان اللي يكشف هذا الميكانيكي الفاهم يشم ريحة الحرق بالشكمان يشم الزيت يعرف الصوت ماهو شغل لف على السياره وخذ250 قيمة فحص
وظمان 24 ساعه اصلا مايبين
اخرها باعه اخوي خلال اسبوع خساره 13 الف ريال
واللي اخذه شريطي باعه بمكسب7000 ريال ولزقه بظهر واحد
........
بعدها اخذ وكاله بيك اب ....

...
بختصار
سياره ماتعرف راعيها وسعرها غالي هذي مجازفه
معك سياره نظيفه وتعرفها وبتبيع تغيير هنا انتبه
ماتحصل انظف منها . بتخسر الا ان يشاء الله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسعدك على الموضوع الاجمل من حكايه 


up 1 down 0
نواف الحربي4 322
قبل 5 شهر و 4 أسبوع



والله يالغالي اللي مايفهم في السيارات يوصي ناس تفهم ويعطيه سعي افضل من اني ادور وانا مستعجل واطيح بمغشوش لان 75% من سيارات السوق سيارات مقبله يعني بدت تطلب يتخلصون منها اهلها 25% من سيارات السوق نظيفة بس يبون فيها سعر فلكي تبع شريطية ومعارض ومستخدمين فاهمين تتخسر تدفع 3 الاف وتطيح في شي نظيف وتروح للارخص وملعوب فيه نصيحه سيارات المعارف ابعد منها لانه بيقول موتري مع فلان في كل مجلس وان كان غاشك بتقول لابارك الله في فلان لذالك لايبيعني ولا يشتري مني


up 2 down 0
بريق الرياض 255
قبل 5 شهر و 4 أسبوع



الجديد على اسمه جديد ولكن البعض لا يستطيع على تحمل تكاليفه



up 2 down 0
ابوليان1431 225
قبل 5 شهر و 4 أسبوع



بإختصار..
غلطك بشراء الاكسنت هو انك شريتها من الحراج والحراج معروف يطيح قيمة السيارة وبعمنى اخر ماحد بايع سيارته بنقص الا اذا فيها بلاوي متلتلة

شرائكم للجيب دخلت فيها الثقة التي لم تكن بمحلها للأسف


وأعطيك تجربتي مع المستخدم خلال خمس سنوات

هايلكس 2011
فورد 2005
هايلكس 2013
لكزس 2009
كامري 2011

كلها من فضل الله نظيفة ولا عانيت منها اطلاقا ولله الحمد

كل اللي ركبته فيها قطع استهلاكية فقط لاغير ماعدا اللكزس غيرت دائرة التبريد كاملة وخصمت تكلفتها على راعي السيارة قبل لا إشتريها لأنه كان واااضح أن المكيف فيه ضعف وسلامتك


up 3 down 0
دكتوراه في الحب 247
قبل 5 شهر و 4 أسبوع



النظيف المستخدم ارحم بكثير



up 1 down 0
ابو محمد بيشه 96
قبل 5 شهر و 4 أسبوع



المشكلة بالي يبيع السيارة. ويقولك. نظيفة بس تحتاج فريون ب150 واقمشة ب300 وجلدة دركسون او عكس 25ريال. لكن الموتر وكالة. طيب صلحها. واحلف انها نظيفة. ولوتطلبة ينقص 500ريال. عيا.


up 0 down 0
ابومزعل 288
قبل 5 شهر و 4 أسبوع



ماعليش ياعزيزي لاتزعل مني على ذا الكلام ويمكن يجيني كوم ديسلايك بس كلمة الحق بقولها وسبق اني قلتها وبعيدها في موضوعك


ترى البلا مهب في المستخدم البلا فيك انت يلي تشتري


يخوي هذانا نشتري مستعمل الحمدلله ماقد ابتلينا بموتر فيه مشكلة عويصة

لكن زيك مع احترامي لك تروح تشتري لي اكسنت من تحت مكرفون وتقول بتعبر من الاساس ليش بعت موترك دامه نظيف والشغل الثانية تبيعه وهو نظيف وتطيح في كسرة من تحت مكرفون وتقول بمشي حالي هل يوم بعت موترك كنت حاط خيار معين ومشيك اسعاره وعارف وش تبي ؟؟؟ هل عملت حسابك في خلال الفترة اللي بتدور فيها موتر وش بتمشي به ؟؟؟


يا غالي في كل شي فيه الزين والشين ما اجي اخذ اشينهم ولا اجامل ذا عشان اعرفه ما افحص وكالة واخرتها هو بكبره جحدك وجحد معرفتك ، اصلن لو انه واثق من موتره واجودي كان قال افحص في الوكالة لو تبي يجلس يومين انا واثق


ماعليش كل المثالين اللي ذكرتها اخطا منكم انت واخوك مهب من ردا المستعمل


وثانيا فيه بعض الناس مايؤمن بكلمة مد رجليك على قد لحافك يجيني واحد معه 25 الف ولا 30 الف ومجمعها وعلى قد حاله وتقوله خذ الالنترا كورلا موديلات حديثة ولا فك وكالة صغيرة تعبر فيها والمشكلة انه عزوبي وماعنده بزران

ينافخ عليك خير اشتري ذا الصغار وش شايفني لايبوي ابي مكينة كبيرة ابي ستة ابي ثمانية يروح ياخذ له تشارجر مبقس ولا كابريس مولي عليه الزمن ويجيك يتشكى طقطقة مكينة خرابيط


انا يا محاكيك لين الحين ربي مارزقني اشتري وكالة عندي اولويات اهم من السيارة وحياتي كلها مستعمل سيارتين شريتها وربعي يشترون ماقد الحمد لله اخلفنا موتر فيه مشكلة عويصة يا فحمات يا مساعدات وهذي اشياء استهلاكية وناخذ فئة كويسة وبسعر يناسبني


الخلاصة ياعزيزي البلا في الاختيار وليس خيار المستعمل والجديد ، فيه ناس تطلع جديد واقصاد بس ما تختار شركة ونوعية سيارة كويسة وكم سنة ويبدا يبهذله لانه ما يتحمل الاستعمال الشاق وهو على يده وكالة طبعاً اتكلم عن الجديد هنا لكن حالتك وحالة اخوك البلا في السيارات اللي اخترتوها وليس في اللاند او الاكسنت بالعكس جميعها سياراتها ممتازة ومشهود لها بالعملية


موفق


up 7 down 1
a.ibrahem 2751
قبل 5 شهر و 4 أسبوع



لا تروح لفحص ب 100 ولا 150 موتر كامل وتقول مابين لي رح لفحص كويس ومعروف مثل الغروب والبريدي وطقتها في معارض النسيم ينفض الموتر نفض لو مسمار طايح يعلمك

يارجل اتفه الاشياء يطلعها ويسجلها لو مخش صغير في نهاية الصدام تحت يسجله والله هذا الحاصل عندهم


شرينا جينسس 2016 لخوينا ماشاء الله تبارك الله مامشت شي 17 الف او 16 فيها خطين صغيرة تحت الصدام من الخط يقول رحت عليها مكة مرة وحدة مسجلينها تخيل وكان الفتحة متربه شوي وتدقر سجلوها قالوا نظفها وبعدين اذا تبينا نفحصها ماعندنا مشكلة وسو لها صيانة 20 ونظفوها ورجعت سليمة ولله الحمد غيرها ماطلع فيها شي


وماشاء الله لها حول سنة وعليها اعتقد من احسن مايكون وغيره وغيره من المواتر واماكن الفحص اللي فحصنا فيها ولله الحمد


up 0 down 0
a.ibrahem 2751
قبل 5 شهر و 4 أسبوع



ماقصرتم اخواني بارك الله فيكم
اخوي الحربي
الاجمل انت ومرورك ع الموضوع تسلم
اخوي بريق الرياض
هذا الكلام النظيف نادر تحصله
اخوي ابو ليان
صحيح لاكن الان البنوك سهلت
يعني ادفع اللي معك والباقي اقساط وموتر جديد
اخوي دكتواره
صدقت بالجيب دخلت الثقه العمياء واندبسنا من شريطي
وبالنسبه غلطت بالاكسنت وغلطت في بيعة موتر نظيف
ونعم ليس كل المستخدم سيء
انا شريت فورتشنر نظيف كد 3 سنوات ماحطيت ريال
ايضا كامري2004 كدت5 سنوات
ايضا شريت لاخوي كامري2007
لها الان ولله الحمد مايقارب 6 سنوات مع اخوي الثاني اخذها
....
لاكن ونا اخوك الان قل ماتحصل النظيف ماحد يحافظ ع موتره
والزيت يبطي مايغيرونه
والنظيف غالي وصالي


up 0 down 1
امير الاصيل 1623
قبل 5 شهر و 4 أسبوع