مناقشه بخصوص محلات فحص السيارات

صحيح اخوي وممكن يكون متفق مع البائع.

اذا هو قد المسؤلية يعطيك ورقة مختمة برقم هيكل السيارة وموديلها وايش المشاكل اللي فيها حتى لو اكتشفت فيما بعد أي مشاكل أقدر اعترض على البيعة .

جميع مراكز الفحص تتنصل من المسئولية بكلمة ليسوا مسئولين
بعد خروج السيارة من الفحص..ويكتبونها في الفاتورة
شغلتهم اي كلام..

فعلآ همهم فقط ياخذون فلوس
لكن الحقيقه كنت بشرقيه وشريت موتر المهم قال لي الي شريت
منه السيارة فيه محل زين للفحص رفضت انا وقلت بختار على
كيفي واتفقت معاه انه اذا طلع بسيارة شي خلاف ما وضحه لي
يتحمل قيمة الفحص وتفقنا اخترت محل وفحصت فحص كامل
طبعا قبل الفحص جربت الموتر وقلبته قبل لاوديه الفحص يوم
جاز لي وقلت بيني وبينك الفحص ان طلع فيه شي يفتح الله
المهم فحصته والي طلع فيه سوداني قلت له امانه معاك تتاكد لي
من كل شي قال بدون ماتوصي هذا شغلنا وامانه بعناقنا
الحمدالله الموتر ماطلع فيه شي فقط يحتاج تغيير فلتر وزيت قير
وقدرنا كم تكلفتها وخصمها لي صاحب السيارة
الفائده من هذا الكلام انت اختار مركز الفحص ولاتخلي صاحب السيارة
هو الي يختار واتفق معاه من قبل لاتجرب السيارة وتفحصها
اذا طلع فيها عيبوب ماذكرها لك مثل سمكره وغيره يتحمل قيمة الفحص

عني انا من تجربه شراء كم سيارة ما ارتحت الا للبريدي..حتى سيارتي لابعتها وفحص الشاري عند البريدي يطلع العيوب بلا نقصان اذا فيها

والله. تعاملي مع محلات احيانا غلطه بسيطه
زي مره قال تهريب او تنديه في صوفة القير.  وطلعت سليمه والتنديه في ال // يوك// حاجه عند عمود الكردان من امام تتوسع شي بسيط
وتأثيرها مستقبلا.مع اني قعدت سنه  اراقب زيت القير مانقص ثم سويت لحام بارد
عموما.  تجاربي الكثيره ومع محلات محدده      كويسين. اي خلل واضح بيكتشفونه.  والبدي. يكتشفون حتى اذا كان المعجون خفيف او رش فقط
ملاحظتي.  انهم كلهم ممتحنين بيرنج الشداد.     وتقعد معي السيارات سنوات ماغيرته.     طبعا لاني بعدهم اروح للورش ويفرونه ويقولون سليم

بصراحه عاجبني كارتك
من كثر مايسجل ملاحظات حتى لو حكه بالبطانه سجلها

لدرجه حتى البايع لما يشوف هالمصايب ينجن وينقص لك 5 الف هههههه
المعارض اكثرهم مايفحصو عنده يقولو يعيب حتى الجديد ماسلم منه