أضف سؤال أو موضوع جديد          

مناقشه بخصوص محلات فحص السيارات

up 7 down 0
ايمن البديوي 21
قبل شهر و 4 أسبوع



السلام عليكم
   
اخواني انا رحت افحص سياره مع خويي فالنسيم وتفاجأت ان محلات الفحص جميعها ما عليها ضمان يعني
   
تفحص السياره وبعدها يختم على ورقه انه ليس عليهم اي مسؤليه لو طلع فيها مشكله بعد الفحص !!!
   
طيب يمكن تكتب البدي سليم وهو مرشوش !!!
  
وقتها من يعطيني حقي !!!
   







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صحيح اخوي وممكن يكون متفق مع البائع.

اذا هو قد المسؤلية يعطيك ورقة مختمة برقم هيكل السيارة وموديلها وايش المشاكل اللي فيها حتى لو اكتشفت فيما بعد أي مشاكل أقدر اعترض على البيعة .


up 0 down 0
fsam 210
قبل شهر و 4 أسبوع



جميع مراكز الفحص تتنصل من المسئولية بكلمة ليسوا مسئولين
بعد خروج السيارة من الفحص..ويكتبونها في الفاتورة
شغلتهم اي كلام..


up 0 down 0
خالد بن محمد 1 472
قبل شهر و 4 أسبوع



فعلآ همهم فقط ياخذون فلوس
لكن الحقيقه كنت بشرقيه وشريت موتر المهم قال لي الي شريت
منه السيارة فيه محل زين للفحص رفضت انا وقلت بختار على
كيفي واتفقت معاه انه اذا طلع بسيارة شي خلاف ما وضحه لي
يتحمل قيمة الفحص وتفقنا اخترت محل وفحصت فحص كامل
طبعا قبل الفحص جربت الموتر وقلبته قبل لاوديه الفحص يوم
جاز لي وقلت بيني وبينك الفحص ان طلع فيه شي يفتح الله
المهم فحصته والي طلع فيه سوداني قلت له امانه معاك تتاكد لي
من كل شي قال بدون ماتوصي هذا شغلنا وامانه بعناقنا
الحمدالله الموتر ماطلع فيه شي فقط يحتاج تغيير فلتر وزيت قير
وقدرنا كم تكلفتها وخصمها لي صاحب السيارة
الفائده من هذا الكلام انت اختار مركز الفحص ولاتخلي صاحب السيارة
هو الي يختار واتفق معاه من قبل لاتجرب السيارة وتفحصها
اذا طلع فيها عيبوب ماذكرها لك مثل سمكره وغيره يتحمل قيمة الفحص



up 3 down 1
ftfr999 266
قبل شهر و 4 أسبوع



عني انا من تجربه شراء كم سيارة ما ارتحت الا للبريدي..حتى سيارتي لابعتها وفحص الشاري عند البريدي يطلع العيوب بلا نقصان اذا فيها


up 0 down 1
ابو عزوز8 324
قبل شهر و 4 أسبوع



والله. تعاملي مع محلات احيانا غلطه بسيطه
زي مره قال تهريب او تنديه في صوفة القير.  وطلعت سليمه والتنديه في ال // يوك// حاجه عند عمود الكردان من امام تتوسع شي بسيط
وتأثيرها مستقبلا.مع اني قعدت سنه  اراقب زيت القير مانقص ثم سويت لحام بارد
عموما.  تجاربي الكثيره ومع محلات محدده      كويسين. اي خلل واضح بيكتشفونه.  والبدي. يكتشفون حتى اذا كان المعجون خفيف او رش فقط
ملاحظتي.  انهم كلهم ممتحنين بيرنج الشداد.     وتقعد معي السيارات سنوات ماغيرته.     طبعا لاني بعدهم اروح للورش ويفرونه ويقولون سليم


up 0 down 0
عبدالله الشفيعي 700
قبل شهر و 4 أسبوع



بصراحه عاجبني كارتك
من كثر مايسجل ملاحظات حتى لو حكه بالبطانه سجلها

لدرجه حتى البايع لما يشوف هالمصايب ينجن وينقص لك 5 الف هههههه
المعارض اكثرهم مايفحصو عنده يقولو يعيب حتى الجديد ماسلم منه


up 0 down 0
tttt35035 793
قبل شهر و 4 أسبوع