رايكم سوناتا 2008 v6 امريكي او كامري 2008 خليجي

ارشحلك السوناتا بعد الفحص قويه وخدومه لكن يبغالك تعطيها حقها
بالعنايه
اما الكامري تكرف ولاتقول شي بس ممله بحكم انها غير استخدام امريكي
ولك القرار بعد فحص السيارتين مكانيكيا وكهربا وبودي
موفق..

انصحك ف السوناتا 

عندي ٢٠١٠ امريكي ٦ سلندر ليميتد تسخين شاشه فتحه
جدا ممتازه وخدومه

قطعها قطع ازيرا

السوناتا 3300 سي سي نفس مكينة الازيرا 2006-2010 والسنتافي. قير 5 سرعات مواصفاتها حلوة خصوصا الامريكية. لو حصلت 2009 أفضل لأنها فيس لفت و الداخلية مختلفة تماما. قاعدة عجلاتها مختلفة عن 2011 ثباتها ممتاز وفيها كل انظمة السلامة طبعا ال6 سلندر وقفت هنا في 2008 واستمرت في أمريكا ودول اخرى. مكيف الجيل هذا ممتاز وقطع غيارها متوفرة واسعارها اقل من الجيل الجديد.
الكامري مكينة 2400 سي سي اقل استهلاك للبنزين, يمكن فيها مواصفات افضل من السعودية.

ارشحلك السوناتا 

- قوة 
- مواصفات
- قطع ارخص
- سعر ارخص
يكفيك كلمة استخدام امريكي

اما الكامري تتميز باقتصادية البنزين بحكم لنها 4v والسوناتا 6v
- مواصفات سيئة
- المكينة اكيد تنقص
-قيادة مملة

انصحك بالكامري قطع غيار متوفر وإقتصاد 

كان عندي سوناتا 2007

اخذتها وكالة اربعه سلندر بعتها وندمان الان اني بعتها

نصيحتي لك لاتقرب السوناتا صح عمليه الشهاده لله خصوصًا بالعضلات لكن عندك عيوب مصنعيه زي تهريب الزيت من المكينه وخصوصًا وجه المكينه مهما غيرت وجه جديد او غطاء مكينه ماراح ينفع وبتظل تهرب زيت وينزل على الدينمو ويخرب هذا من باب تجربه ل٢٠٠٧ ٦ سلندر لمدة ٥ سنين تقريبًا وكمان عزلها تعبان بس تحملها ومكيفها وعزمها مره بطل فإذا تبي خذ ٤ سلندر  سوناتا او كامري ٦ سلندر وعيب الكامري المكيف وكمان متعبه للظهر