كمبرسر اليارس عندي خربان

معروفه اليارس مشكلتها الكومبرسر 

تقدر تركب عليها كومبرسر كورولا ٢٠٠٤ وتيرسل 
وعندك في شركه اسمها دنسو مطابقه لكمبرسر الوكاله وقيمته قريب ٦٠٠ 
يمدحونه لاكن انا للامانه ماجربته موفق 

عزيزي مريت غيرت وكاله

والمره الثانيه غيرت درجه ثانيه

والمره الثالثه ركبت له حق كورلا وماكمل ست اشهر وانعطب

الله يلعن من صنعها

وشفها مع ااخوي بدون مكيف يروح ويجي فيها بنت الكلب

مع العلم موديلها 2007

انا مركب حق اليارس مديل 2013من التشليح والحمدلله الامور طيبة

شوف هذا واحد بالموقع يبيع اغلب كمبرسرات تويوتا
هذا رقم اعلانه 23866197
اتوقع الي يبيعه صناعته ماليزي وناس كثير مقيمينه ايجابي الي شرو منه عاد انت كلمه انا ماقد تعاملت معه ابد بس حبينا نفيدك

ركب كومبرسر دينسو هو نفسه حق والوكالة الأصلي بس بدون شعار الشركة او شوفه في التشليح

يا رجال الدينسو يقولون انه ١٣٠٠ مع التركيب... شفولي شي معقول
١٣٠٠ مستحيل اصرفها في مكيف

التركيب العاده مع الفريون 300 ريال
قيمة الكمبروسر مستعمل ممكن تحصله على 400 ريال ممكن وليس متأكد يعني 700 ريال
ماهو شرط تركب جديد

طيب فين الاقي مستعمل مضمون وما يكون من التشليح

مستعمل مضمون عند الورش مختصين المكيفات تحصل عندهم مستعمل
و يضمنه لك اكثر من التشليح
التشليح العاده يعطي ضمان 3 ايام اما الورشه تعطي حوالي اسبوعين
و يركبه و ينظف الدورة بذمه لانه لو خرب راح يركب لك كمبروسر ثاني بدون ما تدفع شيء
ويطلع هو الخسران لذلك يعطيك كمبروسر نظيف و يشتغل بذمه
اما لو تجيب من التشليح حتى لو نظيف يركبه لك ولا عليه اشتغل او ما اشتغل حق التركيب ياخذه منك

ركب ماليزي بدون حساس 

لا تركب مستعمل عندي يارس و غيرت مستعمل مرتين ما نفع اشتريت دينسو حق كورولا ب 1200 و غيرت  رديتر المكيف لأن حق اليارس ما يركب عليه كلفني تقريبا مع شغل اليد تقريبا 2200 لكن أفضل من كمبروسر اليارس 

وحبيت انبهك من شي عشان لايصير لك مثلي 

انا عندي يارس٢٠٠٨ وفجأة التبريد صار ضعيف وديتها ورشه وقالي كومبرسر المهم اني
اعتمدت على كلامه ومريت الوكاله وسالتهم عن سعره قالولي ١٧٥٠ قلت مستحيل احط فيها هالمبلغ
والله وتركتها تولي اروح واجي فيها لمده ٨ شهور والتبريد ضعيف المهم تالي مع هالحر قررت اصلحه 
قلت خل امر ورشه اتاكد اذا صحيح الكومبرسر يبغيله تغيير المهم شيك عليها وتوقع وش قالي قال الفريون عندك ناقص 
تخيل امشي عليها ٨ شهور ف هالحر واخر شي يطلع فريون المهم عبيت فريون وطلع فل الفل 
خلاصة الموضوع ابدا لاتعتمد علا كلام ورشه وحده رح شيك اكثر من ورشه 

أنا خرب وغيرته بكمبروسر كامري 2003 اخذته من التشليح وماشاء الله تبارك الله ثلج