أضف سؤال أو موضوع جديد          

تجربة كورولا 2015 2.0 CC

up 18 down 3
كورولا111 153
قبل سنه و 3 شهر



السلام عليكم

بتكلم عن تجربتي في الكورولا 2015
فل كامل 2.0 CC بعد  تجربة سنتين
وممشى حول 150 الف

طبعا بتكلم بكل صدق وحياديه وقبل هذا
كله انا قبل الكورولا كانت سياراتي كلها لكزس

خلال استخدامي ماغيرت إلا اقمشة امامية مرتين
واقمشة خلفية مرة وبواجي مرة وزيت القير مرة
والوكالة جيتها ع صيانة 1000 كم ولا عاد شافوا وجهي

تقييم السيارة

سعر السيارة
7من 10

السيارة من ناحية العملانية
اعطيها 10 من 10

تكيف السيارة
اعطيها 8 من 10
صراحة توقعت تكييف الكورولا افضل من كذا
وانت واقف او ماشي التكييف ممتاز
لكن وانت في زحمة يعني تمشي شوي وتهدي شوي
تحس البرودة تخف

جودة المواد الداخلية
6 من 10
سيئة

سواقة السيارة داخل المدينة
9 من 10

سواقة السيارة ع الخطوط
6 من 10
ممكن لان قبلها كان معي لكزس

عزم السيارة داخل المدينة
8.5 من 10

إضاءة السيارة
10 من 10

المساحة الداخلية
9 من 10

اقتصاد البنزين
10 من 10
بس ع الخطوط السريعة بعد 140 السيارة تشرب
بنزين واجد


وأخيرا

لما شريت السيارة كنت مجبور ع تويوتا
لان المنطقة اللي كنت فيها هي اللي أجبرتني
ع السيارة

وصراحة كتت ناوي ع المازدا 6
لكن عدم وجود وكيل وشح قطع الغيار
 في المنطقة هو اللي خلاني ابعد عن المازدا

ماندمت اني شريت كورولا لان اعجبتني فيها
العملانية وتكد معك ولا لقيت فيها عيوب ولا احتجت
الوكيل


وشكرا للجميع











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


قبل كم يوم بستأجر سيارة و اخذت رينو قلت رخيصة بالنهايه ما بشتري بستخدمها عندي مشاوير
و مسافر بطيارة طلعت بالسيارة و بعد ساعه رجعتها المكتب و اخذت كورولا
ما صبرت على الرينو كانت جدا سيئة و الكورولا افضل منها بكثير


up 8 down 3
ابو تركي1401 -195
قبل سنه و 3 شهر



حياااك ابو تركي
فيه حاجة نسيت اضيفها
انا قبل اشتري السيارة
استأجرت النترا وكورولا
وناسبتني الكورولا

لكن للامانة جربت النترا حقت خوي
طلعت افضل من اللي استأجرتها



up 4 down 0
كورولا111 153
قبل سنه و 3 شهر



المقارنة بسيارات التأجير غير صحيحة فسيارات التأجير حتى لو كانت جديدة تجدها اكلة ارصفة وحفر ومطبات بدون رحمة


up 2 down 0
الجوابر1 386
قبل سنه و 3 شهر



جزاك الله خير على نقل المعلومه

انا احيي اللي ينزل تجربه لسياره معينه

والله يكسب أجر ناس تجهل بالسياره



كتب الله اجرك ورفع قدرك


اشكرك ع الموضوع


up 3 down 0
حكيم المعاني 10336
قبل سنه و 3 شهر



الجوابر
كلامك مضبوط


حكيم المعاني
حنا اخوان نعيين ونعاون


up 3 down 0
كورولا111 153
قبل سنه و 3 شهر



الله يرفع قدرك

موضوع جميل وتستاهل لايك


up 0 down 0
حكيم المعاني 10336
قبل سنه و 3 شهر



الكورولا انتهت في 2006


up 2 down 0
بريق الرياض 260
قبل سنه و 3 شهر



بريق الرياض
وجهة نظرك احترمها
بس وضح انتهت في ايش بالضبط


up 2 down 0
كورولا111 153
قبل سنه و 3 شهر



كورولا111 الله يعطيك العافية ياخوي +١


up 1 down 0
نواف الحربي4 328
قبل سنه و 3 شهر



لو مجرب المديلات السابقه عرفت فرق الكورولا الجديدة والقديمه لعلمك جربت 2008 الى 2014 مافيه مقارنه وكان معي 2001 فرق
الثبات الراحة التكييف العزم الجديده افضل بشي بسيط حتى الاعطال


up 0 down 0
بريق الرياض 260
قبل سنه و 2 شهر



انا معي اختها فل كامل بريمي 2015 ممشاها الى الان تقريبا 48 الف km.
اختلف معك في السعر واشوفه  10/10  اشتريتها جديده ب 60 الف ريال من المعارض، "عبداللطيف جميل" كان يبيعها ب 79 الف ريال جديده.
وانا عندي كم ملاحظه على السياره حاب ازيدها على كلامك:
١- عزل السياره سيء.
٢- اهتزاز كرسي راكب الامامي. " يمكن ها المشكله عندي فقط ".
٣- تسمع اصوات الديكور اذا كنت تمشي بطريق تعبان.


up 0 down 0
ابو سعود الحمود 5
قبل سنه و 2 شهر



رد على ابو سعود الحمود 
انا من الوكيل عبداللطيف 
ونفس مشاكلك بالظبط 
وهذي المشاكل الي خلتني ابيعها وهي ما شيه ٥٥ الف 
الي كانت معي ٢٠١٥ --2.0 cc



up 0 down 0
fadhl alamry 1
قبل 10 شهر و 2 أسبوع