الموضوع قديم تم الغاءه

سيارة طيبه ولها سوقها وقويه

ولكن في خيار ثاني اللي هو الباترول الربع من نيسان بعد هو جبار والسعر اقل ايش رايك

الباترول ممتاز .. لكن سمعت انه مايستحمل مثل الربع ..وصرفيته اعلى للبنزين

يا غالي انصحك بصلاة الاستخارة أولا وأخيرا بالإضافة إلى أنه الفرق بين النوع اللي يجيك بدون رفارف والنوع اللي برفرف
بدون رفرف = كفرات سلق + ١١ ريشة
رفرف = كفرات عريضة + ٨ ريش 

بصفة عامة اللي برفرف الناس تاخذه عشانه مطبه أخف وأريح من الـ ١١ ريشة 
والله يكتب اللي فيه الخير

معي فتك ربع قير عايدي وماشاءالله عليه عزمه قوي وطلعت به انا والوالد القدية بالخامس ومعنا حمولة تمر 100 كيلو ومع وزنا انا وياه تقريبا فوق ال200 كيلو والمكيف شغال مامثله الوكالة ركبت مكينة الفتك على جميع موديلات السفاري والربع طلع قوي وبالنسبة للصرفية فل 91 ب 62 ريال 83 لتر يمشيني 400-450 وترا الصرف على حسب الدعسة وقيره العايدي خفيف والموتر راسي ومريح وناعم ووسيع مرة مقارنة بالافجي والباجيرو الربع

نسيت اذكرلك سلبياته اللي اخذته سياحي بوليسي يعني كنه مرور سري وعزله سيئ الارضي والهواء والنمرة الخامسة محشورة عشان العزم العزل تقدر تعزله وتفرشه والبيبان تدبل الربلات حقاتهن والنمرة الخامسة ياتغير الترس نفسه بترس 4500 ولا 4200 على كلام بعض الاعضاء بموقع مكشات