باب السياره انطعج

نشوف الصورة و نحكم بعدها 

وجاء الوالد الله يهديه !!!!!
 كأنك تتكلم عن ولد طايش الله يصلحك  
زعلان انت عشان حك الباب ؟ يارجل فدا رجوله 
على الاقل قول الله يحفظه الله يطول بعمره  

حاسك فيك انا الباب عندي مخروق خرق كبر المسمار والله مالي نفس اسمكر الباب عشانه وتبي صراحه من بعدها ماعاد صرت اهتم لسياره تخيل من شهر٦ماغسلتها ولافكرت اغسلها 


على العموم اذا طقه خفيفه وماراحت البويه تقدر تسحبها في ورش مختصه بس غالبا ماترجع مثل اول ١٠٠٪‏

انت ومالك لأبيك 

يارجال لاتهم نفسك هذا الحديد معرض للحوادث والحكات مستحيل تسلم سيارة
من اقل الخدوش ، بعدين دام الحكة من الوالد فداه والله ولا تحاول تبين له انك مقهور من الحكة
عشان لايلوم نفسه قله بسيطة ياابوي انا وسيارتي لسى ماكملت 1000 كيلو الوالد الله يحفظه رجع على صبة وتمخشت جلدة
الصدام الخلفي وغيرتها والحمدلله

لا والله ابد ماعاتبته ولا قلتله شي ومازعلت وبالنسبه للاخ حسين حفضه الله 
موقصدي اني مقهور منه عادي 

عموما نزلت صوره وشوفوها واحكمو اذا تتعدل ولا اتركها 

حاول تعدلها بنفسك حط اي خرقة او قماش عليها واطرقها بالمطرقة هههههه
بس انا كنت متوقع ان الضربة عافطة الباب لداخل كيف صار كذا

الرجال دعا لبوه بالهداية والكل محتاج الهداية
فما سوف انه غلط عشان هذا الهجوم
المهم شوف هالرابط

https://youtu.be/eRDd7sv-6bA

قول السياره تفداة مو الله يهدية
بخصوص الطعج يتصلح بنسبه كبيرة بدون رش علي البارد

الله يهدي امي وابي فيه احد مايحب الهدايه للابوه وامه

حط باغه ولا كرتون وعدلها

عدل في التعديل.  قل.    والوالد حفظه الله وفديته انا ومالي وحالي.  حك عليها   الخ.    ولك لايك مقدما

جب زارادية وقماش حط القماش و امسك فوقه الباب بالزرادية علشان ما ينحك 
و اعكفه لين يضبط 

تبغاها تضبط لاتسويها انت ودها عند سمكري ب 20 ريال يسويها لك
افضل لان يبغالها خبره بمكان الدق بالشاكوش
والله يهدينا ويهدي جميع المسلمين

يعطيكم العافيه على الردود وباخذ مقترحاتكم 

شكرا 

الزراديه ماتصلح بينعفط طرف الباب انا اقول افتح الباب ثم جب اي شي وارفد به الباب خل الشي على عفطه الباب مع مكان العفط بالضبط ثم اضغطه بيدك لين يتعدل واذا ماقويته فأستعن برجلك وخل واحد يرفدك وارفسه وبيتعدل

اذا بتعدلها بنفسك ما انصحك واذا مصر جب مويه مغليه يعني تفوح حاره جدا وصبها على مكان الطعج بعدها حاول تحركها برجلك اضغط شوي شوي وزد الضغط وان شالله بيرجع مكانه بس مو 100% انا بس رجعه وبعدها رح لمحلات التعديل مو السمكريه في محلات متخصصه فالتعديل وانا اشوف انك ماتعدلها بنفسك تروح لهم وسلامتك

أنا أرى أن تبحث عن ورشة معروفة وشغلهم احترافي ولهم خبرة في التعديل بدون الرش والسمكرة ، بحيث تظهر لك النتيجة
كأنه لم يحدث لها شيء .

لا السياره ماتستاهل ادفع فيها واجد موديلها ٢٠٠٨