أضف سؤال أو موضوع جديد          

أفضل كفرات للبرادو

up 4 down 0
مشعل النصيري 27
قبل 11 شهر



السلام عليكم ورحمة الله وبركاته

حبيت استفسر عن الكفرات المناسبه والليّنه للبرادو علما أن مقاس الكفر 265/65/17

وإختياري بين الشركات الاتيه:

هانكوك - ماكسس - دنلوب

لاصحاب التجربة فقط اللي يجاوبوني وشكرا










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الدنلوب احسن شي عن تجربة

وعندنا البرادو القديم اللي قبل هذا 2003 و نفس مقاس الكفرات ترا.


انا غيرت كفرات نفس المقاس 265/65/17 
نوع هنكوك الواحد ب350 ريال من الوكيل  
في رمضان بس تاريخ الكفرات نصف 2016 
2017 مانزلت في السوق 

سعره طيب ولينة وفيها كل المواصفات 



up 3 down 0
t-m-d 431
قبل 11 شهر



افضل شي عن تجربة 
الميشلان نقشتين التاير الواحد ( بولندي ) 
البريجستون ( الياباني ) 
اليوكوهاما 
شرط اذا الانتاج حق السنه اللي انت فيها 
اسوء تواير بالنسبة لي 
التويو يابس جدا يطلع اصوات الديكورات 
البريجستون ( الاندونيسي )



up 2 down 2
hemi_392 332
قبل 11 شهر



اخوي مدرس في الشرقيه.  له سنتين.  وعياله في الرياض كل خميس وجمعه يروح ويرجع
دنلوب  مايركب غيرها
وعندك يوكوهاما.     الافضل 


عليك السلام ورحمة الله وبركاته 
شوف يامشعل انا معي فورد مركب كفرات هانكوك لينه بشكل ماتتصور وهادية ماتحس ب الزفت اللي على الاسفلت بس حدها سنتين مجربه ع الفورد والهايلوكس بالنسبة ماكسس اكثر كلام عنها ماهي ممتازة وشفت كذا واحد بالمنتدى يسب فيها انا مدري عنها مررره مره ولا قد ركبتها كنت بركبها بس نصحوني ابعد عنها اضغط ع اسمي تعرف السالفه  للفائدة فقط فقط مقاس 65 ممتازه جدا ع جنط 17 ماتحس بمشيه طبعا انا ماجبت الكلام من الناس ولا شي انا مجربها بنفسي والله يختار لك اللي فيه خير لك 


up 2 down 0
نواف الحربي4 340
قبل 11 شهر



ياليت لو  كل واحد يعطي صاحب الموضوع عن الكفرات اللي(( ذكرها فقط)) علشان مايتشتت فكره جميع انواع الكفرات كلها انذكرت هنا  واعذروني كلكم علي عيني وراسي 


up 1 down 0
نواف الحربي4 340
قبل 11 شهر



لازم ي مشعل تعرف مواصفات الكفرات  بغض النظر عن الشركات لو تعرفها صدقني غير تعرف الكفر  هل هو قاسي او لين من مواصفاته .


up 2 down 1
نواف الحربي4 340
قبل 11 شهر



اذكر قبل فتره واحد بيغير للجيب
نوع دنلوب قاله البنشري اصبر يومين اطلب لك نوع كويس نفسها دنلوب

الزبده رحت شفت الي يبيعها جديده ومكتوب نفس كل شي وتاريخ جديد

السالفه ومافيها انو في مغشوشه بالسوق ( البنشري خويه)
بعد ماركبها سئلته ايش السالفه يطلب لك وعنده نفسها
قال تجي نوعين في درجه ثانيه تمسح سريع خلال سنه او سنتين
وفي تجلس فتره طويله الي تجي من الوكاله وكلها ضمانها واحد


up 1 down 2
tttt35035 834
قبل 11 شهر



تجنبا للغش والابتعاد عن ضعاف النفوس اخذ الكفرات من الوكيل الرئيسي للاطارات مثل بن زقر وكيل دنلوب والطلائع وكيل برجستون وبن شهيون وكيل هانكوك


up 2 down 0
كارينو 539
قبل 11 شهر



ماكسس تجربة ٣ سنوات 


up 0 down 1
صــرح 57
قبل 11 شهر



كلكم على العين والراس وردودكم فخر وتاج ع الراس وبالذات الاخ نواف الحربي كلامك عين العقل وصدقت بكل حرف فيه وصراحه ابي اعطيك لايك وماقدرت
يقول لازم يكون عندك 30 لايك ولكن لك ولجميع من ردوا دعوة بظهر الغيب ان الله ييسر لكم كل عسير ويوفقكم ويبارك لكم فيما رزقكم ياحي ياقيوم


up 2 down 1
مشعل النصيري 27
قبل 11 شهر



بعد راسي والله مايحتاج لايك يكفيني هادعوه الحلوه الله يسرها لك وتشتري افضل وارخص كفر ان شاء الله والله يعطيك خيرها وخير هالموتر ويكفيك شره يا رب العالمين اهم شي وانا اخوك ابعد عن السرعه اللي ماورها الا الخساير مجرد نصيحه ياخوي  


up 0 down 2
نواف الحربي4 340
قبل 11 شهر



يسلم راسك .... والله يجزاك خير على النصحية الأخويه والله لايوريك مكروه أنت وجميع من تحب والسامعين


up 2 down 0
مشعل النصيري 27
قبل 11 شهر