أضف سؤال أو موضوع جديد          

الاستفسار عن جيب تويوتا ربع

up 3 down 3
النهراني 259
قبل أسبوع



السلام عليكم ورحمة الله وبركاته
يا اخوان أنا قررت اشتري ربع جديد موديل 2016 ، وأنا احب الاستفسار عن الجيب من المجربين وكيف استخدامه
ومميزاته وسلبياته واستهلاكه للبنزين والعزم والتسارع .. الخ وأي معلومات تفيدونا بها ، لأني أفكر بسيارة لي وللزمن كما يقال إذا حفظ الله ، شاكرين تفاعلكم
وشكراً .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
طلبت الشور
ماانصحك فيه 
غير مريح شفط بنزين سعره مبالغ فيه
والموتر يعتبر شبها عند الدوريات الاامنيه
سريع الاانقلاب اللي ماهو مارس سواقته وراعي سرعة
يفتقر لاانضمة الاامان 
الاايجابيات صبور باالكرف قطع غيار متوفره 
وسلامتك


up 3 down 0
باترول 2020 1860
قبل أسبوع



باترول افادك ولانزيد عليه بشي

احد الاصدقاء مان معه هايلكس
وباعها .واشترى ربع
وندم يقول
غير مريح
شفط بنزين
ولايشيل عائله ابدا
واذا كنت ابروح عزيمه اخذ اي سياره لانه يفشل وشبهه
واذا شافني احد عليه تفشلت
والادهى والامر يوم جلبه للمعارض ماجاب قيمه وخسره وهو دوبه ماشي
لان الطلب عليه قل بعد البنزين
......
المهم شوف لك برادو ابرك منه واطيب ودبل ويشيل عائله
وختى وانت لحالك يمشي معك
ويكد ومطلوب بالسوق


up 3 down 1
امير الاصيل 1446
قبل أسبوع



معلومتي الوحيده عن الربع ان شكله من اول موديل الي 2017 واحد ما تغير الا زر


up 4 down 2



سيارة قاسية جدا جدا ولايستاهل اكثر من 40 الف لموديل 2016

بنزين شريب مع انه قير عايدي

سواقته مجنونة مع انه غير مريح

المقاعد كنها صبة مع المطبات

سيارة استخدام يوم واحد بالاسبوع فقط 

انا من مستخدمين الجيب ولا افكر اخذه بعد كذا

اي جيب بدون دفلك ماهو جيب



طبعا هذا رأي فيه وكل شخص له نظرة خاصة

خياراتي بعد الربع برادو 6 سلندر - ربع باترول فتك اقل نوع تماتيك - هدد تماتيك 8 سلندر 


up 3 down 3



واضح إنك تستهبل ,,,,, مو معقولة مافيه أحد بالسعودية مايعرف عن سمعة هالموتر ووضعه . . . . .


الربع غير مريح وتكرهه بسرعه وذا مصمل خذ بترول ربع قمه فى الراحه والاداء


up 2 down 3
عميق الشمال 273
قبل أسبوع



يالنهراني اكيد ماسالت الا انك صامل وبتشتريه وانا اقولك اذا انك بتستخدمه بحكم انك في منطقه جبليه او رمليه فانصحك به وبيعجبك اما اذا كنت في مدينه ما انصحك ابداً والشي الثاني لازم تحط مبلغ من راتبك للبنزين وايضا مبلغ اخر لكفراته لانه يمسح بسرعه ودك تفحط ولا ماتفحط اما من ناحية انه يكد فانا اشهد بالله مامثله بالمكده وعزمه طرب 


up 1 down 0
المعاوي١٩٩١ 312
قبل أسبوع



الربع من اخطر السيارات اللي تمر عليك 
والصراحه ممتعه سواقته مع الملفات قلبك يدق 


up 0 down 0
سليم22 60
قبل أسبوع



موتر طيب حق بر فقط - اذا بتسخدم لازم عند موتر ثاني كامري او كورلا


up 0 down 0
صبـر 247
قبل أسبوع



الربع موسمه بالشتاء .... اما بالصيف ما ينفع بريال  لأنو مخصص للبر و الطرق الوعرة و لا ينفع داخل المدن


up 2 down 0
salaam
قبل أسبوع



وعليكم السلام ورحمة الله وبركاته

الربع معروف حمار مكده ماله اي اجابيات الا انه حمار يكد
سلبيات وواااجد

المهم ان كانت ناويه لاتشاور خذه ولاتسأل كان تبي بدائل فيه اف جي فورتنشر فتتك طير اكستيرا كل هالمواتر
تقوم مقام الربع وتزود واريح وافضل شكل ولاهي شبهه وتقدر تستخدمها طريق وبر صحيح بدي الربع وديكوراته قوووية
واقوى من كل هالجيوب اللي ذكرتها لك لكن ميزه مقابل سلبيات كثيره ومافيه شيء كامل


up 0 down 1
المنطق يقول 678
قبل 6 يوم و 20 ساعه



شكراً يا اخوان لمن أدلى برأيه في هذا الموضوع ، وأنا ناوي إنشاء الله أخذه جنوط رفرف يمكن يكون أرسى من السلق وأريح .


up 0 down 1
النهراني 259
قبل 6 يوم و 18 ساعه



لاوالله خذ سلق أطلق من أبو رفارف


up 1 down 1
دت نت 324
قبل 6 يوم و 17 ساعه



دت نت

ممكن تشرح لنا اطلق من اي ناحيه هل فيه اختلافات مكانيكية !؟؟
او هذا ذوقك إذا فيه اختلاف نورنا وإذا ذوقك لاتحلف وتقول والله المسأله راجعه لذوق الشخص



up 0 down 1
المنطق يقول 678
قبل 6 يوم و 16 ساعه



وش تبي فيه سيارة بر وتحتاج حرص وقت القيادة وغير مريح اطلاقا ومشبوه


up 0 down 0
يوسف 7001 7
قبل 6 يوم و 11 ساعه



فى البيع السلق مطلوب عكس الفيابر
الفيبر كفراته عراض غير راسى فى البر
وأنزل السوق وشوف قيمت الاثنين مستعملات تحصل السلق اغلا


up 0 down 0
دت نت 324
قبل 6 يوم و 10 ساعه



كيف كفراته عراض ووغير راسي بالبر!؟!؟!
يعني السلق ارسى !!

اما السعر اي شيء مرغوب اكثر سعره اعلى لكن هذا مو اختلاف جذري او شيء يسوى
وترى كثير رفرف مقلوب سلق ولاتقدر تدري عنهن والعكس مسألة ذوق راجعه للشخص يعني ماهي ميزه


up 1 down 0
المنطق يقول 678
قبل 6 يوم و ساعه



وعليكم السلام ورحمه الله وبركاته 


اول شي الرد للي يقول موتر شبهه وما شبهه يا حبيبي انت وإياه الواحد يمثل موتره مهو العكس اذا انت تقيم الشخص على موتره فأنت متخلف عقليا .... وبعدين وش اللي تخاف يشوفونك الناس فيه ليش انت شاك بنفسك وان جينا للشبهه اكثر المواتر شبهه الأوبامية والكابرس والسوناتا والكروز وطقتها 

ثاني شي .. الموتر مهو مريح ولو انت عاشق للموتر صدقني بتتعود ويصير عادي عندك وصرفيته للبنزين داخل المدينه ٤٩٠ كيلو والزيت خمس علب ونص والفل ب٦٤ ريال اخضر اما في الخدمة ما يحتاج لو ما تخدم ما تلقاها مع الدولة .. عيوبه يقلب بسرعه وغير مريح اذا احد ركب معك اما شبهه وما شبهه لو تسمع كلام الناس ما بترتاح 

وقبل تشريه جربه وشوف 


up 1 down 0
مازن خويتم 6
قبل 5 يوم و 9 ساعه



الرجاء الضفط ع اسمي والرد ع موضوعي عن الربع لاصحاب الخبرة فقط


up 0 down 0
ماجــد غير 23
قبل 3 يوم و 3 ساعه