صيانة كورولا 2015 وتغيير زيت القير
7
3
إضغط هنا للإخفاء
السلام عليكم
الموضوع هذا للافائدة
تغيير زيت القير والبواجي والاقمشة
طبعا السيارة موديل 2015
حجم المحرك 2.0 cc
ممشى السيارة 146 الف
الاقمشة الامامية اصلي 170 ريال
الاقمشة الاخلفية اصلي 130 اصلي
التركيب بدون خرط 50 ريال
لان مافيها رجه
طبعا السيارة مشيت عليها في سنتين 146 الف
ولا غيرت الا الاقمشة الامامية فقط قبل سنة
وقلت خلني اعاير
زيت القير والكورولا فيها معيار من فوق والقى الزيت
اسود وكانت تبديلات القير ممتازة وهنا جت الوسوسة
اغيرها او لا وقلنا بسم الله خلنا نغيره
ونجرب السيارة بعد التغيير وانا المهندس وكل شيء
زي الحلاوة
وحاسبته ومشيت ع البيت
الصدمة وانا في الحارة كانت ع النمره الاولى واشد
ع السيارة حاجة بسيطة ويقوم القير يلعب تحس صار
لخبطه في التعشيق واهدي واحط القير ع النمره الثالثه
واسمع طقه وارجعها ع D ومشيت ع خفيف والقير يلخبط
مره ثانيه
هنا انا قفلت معاي وقلت ياليتني ماغير زيت القير
وطفيت السيارة وشغلتها واعشق القير ع الجميع النمر
وامشي شوي ورجع كل طبيعي
ومسكت خط ولا فيها اي شيء
والحين تقريبا لي اسبوع القير زي الحلاوة
صراحة ماعندي نيه اغير زيت القير مره ثانية
واذا غيرته راح اغيره ع 60 الف
والحمد لله ع كل حال
البواجي 150 ريال ارديوم صراحة صدمني السعر
زيت قير 110 ريال العلبه الفضية
الفلتر اصلي 90 ريال
الوجه اصلي 30 ريال
شغل اليد 150 ريال
صراحة الكورلا سيارة عملية لابعد شيء
والموضوع الجاي راح اتكلم عن تجربتي في الكورولا
إبلاغ
الردود
على طاري البواجي وش الي خلاك تغيرها على ذا الممشى
هل حسيت السياره فيها مشكله وغيرتها ولا من كيفك غيرتها
لان احس بدري عليها العاده الروديوم تمشيك الى 2000000الف
1
1
يمكن قصدك 200 الف
بالعكس ممشى 146 الف كفت ووفت هاذا حدها
عندي روديوم وانعدمت ماوصلت 130 الف
1
1
اقصد 200الف
البواجي الي تشتريها من السوق او الوكاله
جودتها ماهي مثل الي تجي على السياره من مصنعها
عشان كذا مستغرب غيرها على ذا الممشى
العاده الي تجي من بلدها تعمر الى 200الف بالكثير
الا اذا كان بواجي تويوتا مختلفه هذا شئ ثاني
لان عندي فورد ماغيرت بواجيه الا فوق ال200الف
ومركب بواجي من السوق ولا اتوقع بتمشيني مثل حقت بلدها
حتى لو اركب وكاله
2
0
بعد ماغيرتها مشت 130 الف وانتهت
1
0
بالبدايه قلت يمكن انا لحالي الي مشتني كثير
وبعد ماقريت مواضيع كثيره
استكشفت الي يغير من الوكاله او السوق ماتمشيه
مثل بواجي بلدها
اتوقع سياسة الشركات تحطلك قطعه عمرها اطول
من الي يوردونها للسوق عشان ماتشغلهم خلال فترت الضمان
0
0
اتوقع في البدايه الزيت الجديد ماتخالط مع الزيت اللي في الطنجره
مع الوقت يظبط. وحاول تجرب على خط طويل وانشالله مافيها الا عافيه
لكن حاول ماتجور عليها. حاليا. حبه حبه
0
0
لو شفتها على ٨٠ بتلقاها مسوده
غير ذلك بتشوف تحسن بصرفية البنزين ٨٠ كيلو في التعبئه الوحده
1
1
ابشر بالعوض
1
0
1
0
0
0
بخصوص البواجي لما اتجاوز في خط سفر واشدعليها
احس بتقطيع خفيف واصلا البواجي لقيتها منتهيه
عبدالله الشفيعي
بعد ماغيرت الزيت رجعت للكتالوج
مالقيت حاجة تقول غير الزيت ع ٦٠ او ٨٠ الف
لقيت عباره وحده وهي اذا لزم تغيير الزيت راجع الوكيل
1
0
لو احد عنده موديل ٢٠٠٧ بيلقاه ممكن الموديلات او سياستهم تغيرت
والجموس صيانة الجميح على ٦٠٠٠٠ مع ان من ٢٠٠٩. طوروهن القيور للجموس
0
0
ولا هنت على المعلومات
وقطعها معقولة لاباس بها
قبل 6 سنه و 10 شهر