أضف سؤال أو موضوع جديد          

الاستعجال شين

up 19 down 0
زيت زيتون 2015 1040
قبل 4 شهر و 2 أسبوع



السلام عليكم ورحمة الله وبركاته
اخواني الكرام قدر الله علي وانا راجع مع زوجتي للبيت في ملف يجيني واحد معه كامري يحنكي من الصدام الجهة اليسار
وقلت له انا ما غلطت انت لفيت علي وحكتني
وجلس يعابط ويقول انا تقدمت وحكيته
المهم انا والله شكيت بنفسي
قلت خذ رقمي والبيت قريب بودي زوجتي واجيك
ورفض
وقلت خلاص ننتظر نجم
يوم جاء نجم
وصور وعطاني ورقة اكتب وش الي صار وعطاة ورقة
شوي الانجم جاء يقول لي انت ماعليك شي والطرف الاخر الخطاء 100% لانه راح من أقصى اليسار وانا لي الأفضلية
وبعدها ادركت اني بالفعل على حق واني مع الارتباك وزحمة السيارات الواحد يحسب نفسة على غلط
وسلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمدالله على السلامه

انا ماادري ليه الي يصدم مايعترف انه غلطان ههههههه

تحصله يتهاوش مع الي اصدمه ويعابط ويجحد انه غلطان

ولازم يجي نجم يقرر بالاخير يحط نجم الغلط عليه هههههه


قبل فتره كنت اسولف مع واحد عن الحوادث ليه الواحد مايعترف

ودائما يجحد انه الغلطان رد علي رد والله ماانساه

قالي ليه اعترف ابجحد الين يجي نجم وابصمل على جحدتي

بعدها نجم الي يقرر الغلط على مين.........
.
الصراحه لاتعليق
ماقدرت ارد عليه دام هذا تفكيره


up 9 down 0
d7ooom777 897
قبل 4 شهر و 2 أسبوع



ليت الناس مثلك كان الدنيا بخير والله يوفقك ويعوضك باللي اطيب منها 


up 4 down 1
المعاوي١٩٩١ 425
قبل 4 شهر و 2 أسبوع





نفس سالفتك 
وانا اطوف في شارع عام 
محرد تعديت دينا يسوقها سوداني تابعة لاحدى الشركات
الا وأسمع صوت ضربه يمين 
في الباب الخلفي الين اخر السيارة ورى 

وقفنا 
قال لي السوداني انت الغلطان لفيت علي ( لزيتني ) 
جحد وانكر 
قلت يابن الحلال انت اللي لف تبغى المسار السريع وكان قدامك سيارة تبغى تطوفها
المهم قال كلمة رحمته
قال انا ما بيدي شيء الله ما بيرضى بالظلم 
قلت بنفسي يمكن اني غلطان اجل اوك باصلح سيارته جاته حكه بسيطة 
ولكن سيارتي محكوكة نصف جنب كااامل 

المهم قلت خلاص الحين يجي نجم ونشوف 

جاء نجم وقعد يناظر ويتأكد 
حصل لون اسود في طرف البدي عندي 
في الباب الخلفي يمين 
ثم راح يشوف الكفر حق السوداني اللي تحت السواق
حصل اثر الحكة 

قال خلاص انتهى - السوداني غلطان بنسبة ١٠٠٪‏ 

والله لو تسمع السوداني 
حط الغلط علي ١٠٠٪‏ لدرجة اني استسلمت من قوة الجحده



up 6 down 2
حرف الالف 875
قبل 4 شهر و 2 أسبوع



الحمد لله على السلامة الربشة تسوي الهوايل هههههه


up 3 down 0
نبيل110 342
قبل 4 شهر و 2 أسبوع



تصير يا اخوان

اذكر زمان وانا رايح للجوازات قلت خلني ادخل من داخل الحواري بجده وانا ماشي في امان الله الا يجي شايب ويصدمني
من جنب الشنطه طبعا سيارتي ما تاثرت وهوا سيارته قديمه ونيت تاثر الشبك وحكه بالصدام
جلس يزاعق ويهاوش علي وقتها كنت صغير بس نظامي من رخصه واستماره وكل شي

انا تركته يزاعق وجاء عسكري معاه دباب وكتب الكروكي وقال روحو المرور وما قلنا شي

الشايب اخذ اثباتي عشان لا اهرب وكان قوي عين شوي ويكفخني
اول ما وصلنا المرور دخلت انا الا اقابل جارنا بالحي عسكري برتبه وكيل رقيب وكان رايق عالاخر
وسلم علي بحراره والشايب يطالع مستغرب ؟؟
سئلني جارنا وش عندك سلامات قلت ابد الشايب ذا ماخذ اثباتي ويقول اني صدمته والعسكري سوا الكروكي ورسلنا هنا

جارنا قال للشايب ليه تاخذ اثباته انت تعرف انه ممنوع وقام قلب عليه
الشايب من الخرعه ورب الكعبه اعطاني الاثبات وحب راس العسكري وقال سامحني يا ولدي
انا مستعجل حروح اجيب عيالي من المدرسه يلا مع السلامه وحط رجله وانا وجاري نطالع فيه مستغربين وش فيه ذا ؟؟

ضحكت ورحت فطرت بالبوفيه الى عند المرور ورجعت البيت اضحك من هالموقف




up 2 down 1
فـــ9ـــد 351
قبل 4 شهر و 2 أسبوع



الواحد يكون واثق ويقول لو حصلي شي باكون واثق وياجبل مايهزك ريح ههههههههههه ويوم يصير الصدق يلتحس الواحد لكن الدنيا تجارب واللي مايجرب المرمطة فاعرف انه يااما محظوظ او ولد نعمة والدنيا تعلم الواحد 


up 1 down 0
ابو حسين.......... 369
قبل 4 شهر و 2 أسبوع



ههههههههههه الحمدلله على السلامه اخر الحوادث ان شاء الله 


up 1 down 0
نواف الحربي4 337
قبل 4 شهر و 2 أسبوع



سامحه واطلب العوض من الله دامها حكه 


up 0 down 0
نواف الحربي4 337
قبل 4 شهر و 2 أسبوع



صارتلي مرة في رمضان
وانا في دوار ومكمل وواحد عاوز يخرج من المخرج الاول بس هو في المسار الثالث وانا في المسار الرابع ومكمل للمخرج الثاني ويصدمني من الرفرف الخلفي يسار
طلعا نزلت وسلمت على الرجال
وكل اللي في ذهني اني انا الغلطان
وشايف سيارته بس حكة في البوية وانا الرفرف عندي مطعوج للداخل
وابغى اقوله كل واحد يصلح سيارته على اساس انا الغلطان
قالي كلم نجم كلمت نجم وجا عاين الحادث وبعدين رحت سالته النسبة خمسين خمسين ؟؟
قالي 100% عليه



up 3 down 1
mohammad 13 501
قبل 4 شهر و 2 أسبوع



اولاً الحمدلله على السلامة
اصلاً خلاص ماعاد ينفع تجادل ، اهم شي لين صار حادث اول شي توجه للطرف الاخر وقله الحمدلله على السلامة اهم شي انت سالم ، بعدين قيم الوضع ان كان هناك ضرر كبير قله خلاص بطلب نجم وحتى لو قال مايحتاج انا بصلحها لاتتحرك لانه مجرد تحريك السياره يضيع حقك وضروري يجي نجم والتصليح للسيارتين على التامين .


up 1 down 0
ابو لؤي2017 55
قبل 4 شهر و 2 أسبوع