أضف سؤال أو موضوع جديد          

هل صرفية اللاندكروزر v6 نفس ال v8

up 2 down 1
شقردي السعودية 22
قبل أسبوع و 6 يوم



السلام عليكم شباب

احد جرب صرف السيارتين؟  داخل المدينة وعلى الخط؟


ناس تقول كما وناس تقول كذا

أبغى رأي الناس اللي جربت السيارتين ، بغض النظر عن العزم



مثلكم خابرالبنزين راح يرتفع، وودكم ان الواحد يحسب حسابه من بدري، ولو كان الفرق بين الستة والثمانية مايسوى أكيد بيكون الثمانية الخيار الأفضل ، مع ان فكرة جيب الديزل مهيب شينه

 

واللي عنده رأي ولا اقتراح ياهلا ومرحبًا به

شاكر لكم مروركم وتفاعلكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا بتشتري 6 سلندر تماتيك انسى العزم تراه حمار فيه ناس يشتكون من ال ٨ سلندر في العزم فما بالك في ٦ سلندر 
وصرفية البنزين المكينة بيكون ضغطها عالي يعني توقع صرفيه مقاربه للثمانية سلندر


up 5 down 5
mohammed shareef 707
قبل أسبوع و 6 يوم



اللي اعرف السوق مايرغبه
شوف الفورتشنر 4 سرندل ثقيل وحنه وهو قير عادي
عاد التماتيك علتين وبالطلعات تقول قلابي
عكس الاوتو سته سرندل خفيف وعزم وصرفيته افضل لانه مريح


up 1 down 2
امير الاصيل 1446
قبل أسبوع و 6 يوم



قبل ايام احد الاخوان اشترى لاند ديزل نوعه vx اصفار ب١٨٧ الف يعبيه فل ب٥٥ ريال ويمشي التانكي حوالي ١٠٠٠ كيلو . وعلى فكره اغلب دول العالم تستخدم الديزل حتى في السيارات الفخمه لانه يجي تيربو واصبح عزمه ممتاز وريحه الديزل اقل بكثير وياليت تعجبك الفكره وتصرف النظر عن البنزين .

اللند الديزل يجي توين تيربو في الخط يمشي ١٨٠ بالراحه وصرفيته روعه من الرياض الي الدمام اخذ ثلث التانكي فقط 


up 8 down 1
abofarah 818
قبل أسبوع و 6 يوم



الديزل ليس كل محطه فيها ديزل
وبالخطوط الطويله تجد اما طرمبة الديزل سلسلة تريلات وباصات ودنات

والتريله مبرد يغسل الرديتر بالماء

والديزل مشكلته عزمه واذا وصلت 200 الف يدخن اللي اعرف


up 4 down 5
امير الاصيل 1446
قبل أسبوع و 6 يوم



حياك
عندي جي اكس ار 2011
من ناحية الصرف داخل البلد الله يعينك 
ام مع الخطوط طبعا مع مثبت السرعة 120 يوصلك 800 كيلو
صراحة سيارة يبي معه سيارة ثانيه من فئة الااكسنت والصني الخ
موتر ثقيل باالبلد الموتر طبعا ثمان سلندر 
اما الست سلندر فيه ان شاالله من يفيدك من الشباب
وباالتوفيق


up 5 down 0
باترول 2020 1860
قبل أسبوع و 6 يوم



السته سلندر وسط الديره مايصرف وبالعكس طرب لاكن فالخط مع السرعه يحن وله صوت مايصلح يعني 


up 0 down 2
راكان443 26
قبل أسبوع و 6 يوم



شوف ي غالي مع اني ضد التويوتا وافضل عليها الكوري بمواتر السيدان الا اني بقول كلمه حق

تايوتا ابدعت بمكائن الديزل الجديده سواء على الهايلوكس تيربو 2.4 او على الجيب لاندكروزر توين تيربو (( 2 تيربو

شوف هالاعلان بحراج https://haraj.com.sa/1116768844/معلومات_عن_الاندكروزر_الديزل_/

ماشاء الله وصل حوالي 500 رد .. اذا عندك اي استفسارات تواصل معه اتوقع هو اكثر انسان راح يفيدك


up 2 down 0
ابو هيثم 7 1552
قبل أسبوع و 6 يوم



والله وانا اخوك اشتر السيارة اللي تعجبك لاتشيل هم البنزين وانا اخوك ماتدري عن السنين الجاية يمكن يزين وضعنا 
والله اللي اعرفه 8 سلندر مايعرف البنزين في الخطوط لان المكينة مرتاحه يعني سرعه 140 ماتضره ظغط المكينة منخفض وعمرها اطول لان ماعليها ظغط ومالها صوت عكس 4 سلندر داخل البلد مايصرف 


up 1 down 0
نواف الحربي4 296
قبل أسبوع و 6 يوم



بالنسبة لي الفرق بين 6 و8 
6 ظعط المكينة اعلى من 8 ف الخطوط وصرف الوقود داخل البلد اقل من 8  


up 0 down 0
نواف الحربي4 296
قبل أسبوع و 6 يوم



وعليكم السلام

ماعندي علم عن الصرفيه لكن اذا انت تهتم للعزم اقولك انححححش عن ال6سلندر
إذا الـ8سلندر بقره مع منافسيه كيف الـ6سلندر


up 1 down 0
المنطق يقول 678
قبل أسبوع و 6 يوم



شف ال8 سلندر سلحفاة وكنت بالفورد اخليه يقدم علي بفرق ويكون ماشي 120 واقصه سلام سلام فكيف عاد ال6 سلندر عالعموم انا معي كابرس 8 سلندر وبالخط ماشاء الله معروف ال8 سلندر بالخطوط مرتاحه لكن بالمدينة اكيد تصرف لكن الواحد ياخذ السيارة اللي يبي ولا يفكر في زيادة 20 ولا 30 ريال جق بانزين


up 0 down 1
فيصل طلال... 108
قبل أسبوع و 5 يوم



ان كانك بتاخذ سيارة ديزل موديل جديد بغض النظر عن نوعها فخذها وماراح تجد فرق كبير بالعزم ، بالعكس الان تطورت مكاين الديزل خاصة مع التيربة وفلتر الشكمان ، اما البنزين الان ماهو زي اول مفعوله ضعيف ومادته الي كانت مركزه اصبحت مخففه كنه ديزل .
الفرق الوحيد فقط هو صوت طرمبه الديزل ملحوظ ويفشل لان الناس مابعد تعودو عليها مثل بقية الدول ، ليتهم يلقون حل يخمدونها .


up 0 down 0
ابو لؤي2017 52
قبل أسبوع و 4 يوم



انا سقت جيب 2011 سته سلندر

عزمه كويس

موترعايلي ممتاز وصرفيته كويسه وجيت عليه من الشرقيه

اذا انت راعي سرعه ودعس وتطعيس وتبي عزم اكيد 8 سلندر

مع العلم ان الجيوب ال8 سلندر من فوق 2013 كلها حجم المكينة صارت 5.7 فالفرق في الصرفيه راح يكون واضح بينه وبين

ال 6 سلندر

لكن اذا بتقارن بين 6 سلندر وجيب 8 سلندر من 2012 وتحت والي تجي مكينة 4.800 فتلاقي الفرق اقل

وفي ناس يجهل هذا الموضوع تلاقيه معاه 2013-2014 8 سلندر ويقول يصرف وهو مايعرف انه 5.7 المكينه

وفي ناس تلاقيه يرد عليك وهو معاه 2010 8 سلندر ويقولك صرفيته معقوله لانه 4.8 لتر

فياريت الي يحكي تجربته عن الصرفيه يذكر موديل الجيب وكم سلندر والكل بعدها يحكم


up 0 down 1
العداد الرقمي 26
قبل أسبوع و 4 يوم



حسب علمي ان ال6 صرفيها اعلى او مثل ال8!!
لان مكينة ال6 تبذل مجهود اعلى بسبب وزن السيارة وبالتالي استهلاك للبنزين اعلى
والعكس صحيح


up 0 down 0
salih-m 291
قبل أسبوع و 4 يوم