لمبة الديزل تغيير فلتر الديزل
9
1
إضغط هنا للإخفاء
السلام عليكم
موضوعي بسيط للإفادة فقط لاصحاب الهايلكس الديزل
في لمبه تولع بالطبولون علامة صفرا وتحتها نقط
اذا ولعت عندك معناتها لازم تغيير فلتر الديزل
تغييرها بسيط الفلتر سعره تقريبا ٦٠ ريال في محلات اخرى وصل ل ١٠٠ يعني لف على كم محل لين تحصل الأرخص
الجماع موجود عاليسار عند علبة الفيوزات
تشيل الافياش اللي عليه
تلف القطعه آللي عليه وترخيها لين تنزل تحت كذا يكون راس الجماع انفك
كل اللي عليك تسحبه لفوق وبينفك معك لا مسامير لا مفكات مسقط في حديده وفكته سهله جدا بس بيكون مليان ديزل حاول ما ينكب عليك
شيل الفلتر والربله ونظف الجماع بفرشه مع ديزل او باي طريقه بس بدون ماء
سقط الربله والفلتر الجديد
ركبه في مكانه باحكام عكس طريقة الفك
اضغط عالجماع بالضغاط لين يثقل معك
شغل الموتر بتلاحظ للحين موجودة علامة الديزل
شيلتها سهله طفي الموتر وارجع افصل الفيش آللي براس الجماع اللي فوق فقط
ارجع شغل الموتر وهو مفصول بعدين ركبه بتلاحظ بعد ثانيتين تقريبا تطفى اللمبه
أتمنى أكون افدتكم
والسلام عليكم
إبلاغ
الردود
صحيح العزم قوي في التحميل والسحب يتفوق على البنزين أتكلم عن مكينه التيربو الدبل
1
0
وش افضل زيت تغيره الديزل
وفلتر الهواء بكم تاخذه
شاكر لك
0
0
0
0
الا اخوي ودي اسألك عن الهايلكس الديزل
هل صحيح ان عزمها اقوى من البنزين .
قبل 7 سنه و 4 شهر