أضف سؤال أو موضوع جديد          

لمبة الديزل تغيير فلتر الديزل

up 9 down 1
musab12345 29
قبل 4 شهر و 2 أسبوع



السلام عليكم 
موضوعي بسيط للإفادة فقط لاصحاب الهايلكس الديزل
في لمبه تولع بالطبولون علامة صفرا وتحتها نقط 
اذا ولعت عندك معناتها لازم تغيير فلتر الديزل 
تغييرها بسيط الفلتر سعره تقريبا ٦٠ ريال في محلات اخرى وصل ل ١٠٠ يعني لف على كم محل لين تحصل الأرخص 
الجماع موجود عاليسار عند علبة الفيوزات
تشيل الافياش اللي عليه
تلف القطعه آللي عليه وترخيها لين تنزل تحت كذا يكون راس الجماع انفك
كل اللي عليك تسحبه لفوق وبينفك معك لا مسامير لا مفكات مسقط في حديده وفكته سهله جدا بس بيكون مليان ديزل حاول ما ينكب عليك
شيل الفلتر والربله ونظف الجماع بفرشه مع ديزل او باي طريقه بس بدون ماء
سقط الربله والفلتر الجديد
ركبه في مكانه باحكام عكس طريقة الفك
اضغط عالجماع بالضغاط لين يثقل معك 
شغل الموتر بتلاحظ للحين موجودة علامة الديزل 
شيلتها سهله طفي الموتر وارجع افصل الفيش آللي براس الجماع اللي فوق فقط 
ارجع شغل الموتر وهو مفصول بعدين ركبه بتلاحظ بعد ثانيتين تقريبا تطفى اللمبه
أتمنى أكون افدتكم
والسلام عليكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شكرا على هذي الافادة الجميلة 

الا اخوي ودي اسألك عن الهايلكس الديزل 

هل صحيح ان عزمها اقوى من البنزين .


up 0 down 0
abomesal 999
قبل 4 شهر و 2 أسبوع



الله يعافيك 
صحيح العزم قوي في التحميل والسحب يتفوق على البنزين أتكلم عن مكينه التيربو الدبل 



up 1 down 0
musab12345 29
قبل 4 شهر و 2 أسبوع



سؤال اخوي

وش افضل زيت تغيره الديزل 

وفلتر الهواء بكم تاخذه

شاكر لك


up 0 down 0
أبو ناهض 6
قبل 2 شهر و 3 أسبوع