أضف سؤال أو موضوع جديد          

نغير شوي وندش بالعقار امتلاك شقه او منزل

up 7 down 6
امير الاصيل 1582
قبل 2 شهر و 2 أسبوع



السلام عليكم ورحمة الله وبركاته
اخوتي بارك الله فيكم اسف للخروج عن السيارات
الكثير منا يتمنى ان يمتلك منزل العمر ولو شقه تغنيه عن الاجارات
قبل يومين كنت اسولف مع رفيقي مستأجر شقه ب18000 من 5 سنوات وداش ب 6
يعني 108000 الاف
و10 سنوات فيها 180000 الف
مبلغ جامد جدا بالهواء

ويقول لي انه عزم ان شاء الله بأخذ شقه
سعرها تقريبا250 ورفع قيمة الاجار من1500 الى 2500
و10 سنوات والشقه بأسمك
ويمتلك شقه بدل مايدفع بالهواء
وصراحه افضل اذا كانت الشقه مدخل خاص ومستقله بالماء والكهرب
ياسلام ايش ناقصه
طبعا المدينه اللي هو فيها في نظام شقتين تحت وشقتين فوق وفيه مجمع
ومثل المدخل المستقل ممممتاز
اعرف واحد اخذ شقه زمان ويوم ظبطت ظروفه طلع بفلا وأجر الشقه يعني ماخسر فيها
.................................... وايضا انا ابشوف وممممكن اخذ شقه .
كلمت الراجحي قال اذا سعرها 250 الف
القسط 2700 ومقدم 37 الف
اجمالي 324 الف الفائده حدود70 الف
و10 سنوات
قالي
5 سنوات الفائده 2.5
10 سنوات الفائده 3.25
15 سنه الفائده 3.5

تأمين عند الوفاه او العجز .

هل احد جرب شقة تمليك او يعرف احد

نصيحتكم ..... اتحفونا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحتي الانتظار سنه فقط
لكل شيٍ اذا ماتم نقصان
سوف ينهار العقار.  والشقه ام ٢٥٠.   ذي جحر ارنب. غرف صغار
فيه ادوار ب ٥٥٠ هذي خيار ممتاز.  والراجحي ياخذ ٣٠٠٠
مجلس ومقلط وصاله كبيره.   و٣ غرف متوسطات
وحوش تقدر تحط فيه ملحق ٤/٤  ملحق متوسط.  وباركنق للسياره داخل الحوش
ف هذي ع الاقل حلوه.    وتستاهل.      الصك مشاع.   


up 7 down 3
عبدالله الشفيعي 701
قبل 2 شهر و 2 أسبوع



ياحليلها ام 250 بجده شقه 5او6 غرف وصلت مليون و300 الف للشقه الواااااحده وطبعا التشطيب حدث ولا حرج


up 3 down 1
camaro28 387
قبل 2 شهر و 2 أسبوع



ههههه
جده هين غاليه الشقه بسعر فله فخمه ع 3 شوارع بالقصيم
بالرس الشقه ام دورين توصل 330
واذا صملت تحصلها بأقل بكل الاحوال
لان الشرايه قليله

مع ان اللي عندنا فتحو واتجهو لشقق بدل الاجارات


up 3 down 1
امير الاصيل 1582
قبل 2 شهر و 2 أسبوع



لاتستعجل قبل ١٠شهور الشقق وصلت حول ٣٨٠ الف كاش
وحاليا يبون يبيعون ب ٢٢٠ بس مافيه زبون صامل
اتكلم عن القصيم 
اللحين عماره دور وشقتين مساحه ٥٠٠ الى ٦٠٠ متر
قبل تباع بمليون وشوي وحالياً يالله يالله توصل ٨٠٠ الف
الاراضي الاماكن الزينه نزل فيها يمكن ٢٠ بالميه
يعني ومابي افتيك لاتاخذ من بنك وترا الشقه صغيره وغاليه
الا للمنحد
بعدين الشقه يجي مسطحها صغير ماترتاح فيها يمكن ١٨٠ المسطح
تستاجر ويطلع بالشهر عليك حول ١٢٠٠ ولا تدفع ٢٦٠٠
والافضل ٤ يقطون ويبنون شقق تطلع التكلفه رخيصه
يمكن كل شخص تكلفه ١٥٠ الف عظم مع الارض
والتشطيب للشقه يكلف من ٥٠ الى ٧٠ ع حسب ذوقك ونوع 
الديكورات وفخامتهم
حاليا البويات السمنت البلاط الحديد شغل اليدالعامله (المقاول)
ببلاش.


up 6 down 2
سلطان_28 256
قبل 2 شهر و 2 أسبوع



صدقت اخوي سلطان

ايضا بالقرب منا الرس كان غالي الان الدبلكسات على 600 و700
ولايحصلون من يشتري كان فوق مليووووووون




up 0 down 0
امير الاصيل 1582
قبل 2 شهر و 2 أسبوع



نقول ان شاء ينزل العقار، المشكلة أعرف ناس كثير كان بمقدورهم يمتلكوا فلل على ايام العقار رخيص، ولما ارتفع العقار حتى شقة صار مايستطيع يتملكها الا بمد رقبته للبنوك وفعلا ياكثر اللي رهن حياته بالبنوك وعند اعلى سقف ارتفاع للعقار. الله يعين.

في انخفاض ممكن بنسبة 20% ولكن لازالت الاسعار مرتفعة وكل الأخبار تقول انه بيحصل انهيار للعقار وهذا حنا ننتظر وان شاء الله خير.


up 1 down 0
ikutie 79
قبل 2 شهر و 2 أسبوع



الله يرزقنا ولو غرفة ملك ملينا من حق الناس

عقول المثل حق الناس وجع راس الله كريم


up 0 down 0
ryyan555 530
قبل 2 شهر و 2 أسبوع



سالفة ان العقار يبي يطيح شلها من راسك 
وتفكيرك سليم استخير وتوكل


up 1 down 13
hart90 116
قبل 2 شهر و 2 أسبوع



اقصد بشقة تمليك وبعد 10 سنوات امتلكها افضل بكثير من ان استأجر 10 سنوات واطلع بدون سكن وكلها نفس التكلفة تقريبا 


up 2 down 0
يارب توفيقك 2014 1362
قبل 2 شهر و 2 أسبوع



اخويikut فعلا فيه ركود والصندوق موقف والنظام تحويلهم بنوك ينزلهم ع وحدات سكنيه
وهذا اللي نزل العقار وان شاء الله يخفس

اخوي ريان آمين يارب العالمين
.....
اخوي hart
هو نزل العقار وفيه فقط ركود ولو يرجع الصندوق مثل اول شعللل ولاقدرناه
انا شاري ارض بديرتنا لاكن الصندوق تحول بنوك ولايعطي سيوله ينزل ع سكن جاهز والراتب لازم يصفى
وافكر اطلع لأقرب مدينه فيها خدمات وادبس شقه مثل غيري
... اخوي يارب توفيقك
هذا الكلام ... .. بدل ما يدفع اجار سنواات ع الاقل نملك سكن ولو بعد 10 سنوات




up 1 down 0
امير الاصيل 1582
قبل 2 شهر و 2 أسبوع



بجدة الاسعار نار ارخص مكان للشقق مخطط بجنوب شرق جده
اكثر من 7 سنوات نبغى بيت بسعر معقول الى الان لم نحصل عليه
الواحد صار حلمه يحصل بيت ملك ويفتك من الايجار
العقار راح ينخفض لكن بتباطؤ وكل المؤشرات تدل على ذلك
ليته ينقص 70 % مثل ماارتفع 300% او اكثر خلال فترة قصيرة
قبل عشرين سنه وحولها كانت الفله 500 الف جديدة وبناءها ماعليه خوف
وبعدها ارتفع سعرها وهي نفسها اللي ب500 الف تباع الان باكثر من مليون و 500
لكن وش نقول الله المستعان وان يسكن كل من يرغب بيت ملك يحصل عليه ان شاء الله
الصبر جميل كثير من خبراء العقار قالوا منتصف العام 1439 راح يتملك المواطنين بيوتهم الخاصه ويسهل شراءها
ان شاءالله بسبب رخص الاسعار


up 1 down 0
ابو عبدالله احمد 3258
قبل 2 شهر و 2 أسبوع



ونسيت اذكر ان المخطط المذكور بالاساس وادي وليست ارض
منبسطة وهذا ماخلاها ارخص مكان للسكن بجدة عكس المخططات الجديده
مثلها
مخطط الحرمين كله صبخه واخس منه الاملاح تاكل البنيان هناك ومع ذلك
سعر الوحدة السكنيه مضاعفه
ونصيحة من


up 1 down 0
ابو عبدالله احمد 3258
قبل 2 شهر و 2 أسبوع



أكيد شقة تمليك أفضل من الايجار، ولكن مازالت شقق التمليك فيها مشاكل ماتنتهي. مثل البناء التجاري، وصيانة ونظافة المبنى، وإذا في خزان مشترك أو فاتورة كهرباء هذه مشكلة، هي حل لأزمة السكن ولكن على المدى البعيد وعند نهاية عمر البناء الافتراضي ما تعرف تجدد أو تهد العمارة. 
و٢٥٠ سعر ممتاز في المدن الكبيرة شقق صغيرة وفوق النص مليون. 


up 1 down 0
dell2012 502
قبل 2 شهر و 2 أسبوع



فكرنك طيبه 
بس نصيحة خذا شقة ارضيه معها مدخل سيارة
لاتتورط بالشقة العلويه 
تقل طالع نازل مع لك جبل 
وباالتوفيق


up 0 down 0
باترول 2020 2010
قبل 2 شهر و 2 أسبوع



اخوي اذا انت جازم خذ وارتاح لك وللزمن انا اخذت بيت دور واحد من بنك الرياض رغم معارضه المثير من زملائي واهلي لكن طنشت واخذته بعد مشاوره مع زوجتي واولادي 

البيت قيمته ٣٥٠ الف ريال 
القسط ٢٩٠٠
المده ١٥ سنه

الان ولله الحمد باقي لي ٤ سنين وامتلك البيت رسمي 

وزملائي اللى يقولون انتظر البنك العقاري للان ساكنين شقق 

انت شاور اللى بيسكن معك فقط واحسب ميزانيتك وراتبك زين زين


up 5 down 2
torkymohhmd 9
قبل 2 شهر و 2 أسبوع



أنا من 2012 كل ما بغيت اشتري قالوا انتظر انتظر وهذه النتيجة طارت الفلوس ولاشريت حتى صندقة فنصيحة اللي مع فلوس يشتري شقة وبيرتاح


up 3 down 1
aliyy-2010 206
قبل 2 شهر و 2 أسبوع



طيب انت بعدين تبي تتوسع لان الغرف قليله وصغار

ورب بيرزقك ابناء وبنات

الشقة ماتقدر تتصرف فيها

وش الفايدة ؟؟؟


up 0 down 1
coco13 672
قبل 2 شهر و 2 أسبوع



الفايده ياهوي coco
بدل ماتجحلط بالشقق وتدفع سنوات طويله وتطلع فالصو

تملك شقه والدعوه كلها غرفتين اطفال صاله غرفة نوم
مجلس رجال وخلصنا
وعلى ماتكبر العايله يفرجها الله
هل فيه حل غير ذالك



up 2 down 0
امير الاصيل 1582
قبل 2 شهر و 2 أسبوع



الي معاه فلوس يشتري شقق

بس انصح تبعدون عن العمائر الى اذا اضطريت ا

الحين في عمارات جديده تلقى فيها حول 10 شقق كل شقه لها خزان ماء علوي وسفلي مستقل وعداد كهرب مستقل واذا لقيت دور ارضي
او ثاني بالكثير عشان موضوع المصعد خرب او ماخرب بسلامته

بس الحين في فلل جديده تلقاها 3 ادواركل دور لها صك افضل من انك تاخذ في عمارات

العقار اكيد راح يكون في نزول في الفتره القادمه لانه وصل القمه الي لايمكن يتجاوزها

بينزل لكن كم مده النزول الله اعلم


up 2 down 0
العداد الرقمي 35
قبل 2 شهر و 2 أسبوع



انتظر لين يطبقون الرسوم الجديدة ع العمال
بالمليون ماتحصل شقة مسطحها 180 صدقوني بتدبل
3 مرات انا عندي فلة عارضها قبل للبيع ولان وقفت الفكرة



up 0 down 0
محمد 1384 aa
قبل 2 شهر و 2 أسبوع