أضف سؤال أو موضوع جديد          

مابعد المشكله - ورشه خربت لي سيارتي

up 47 down 0
عمده33 1664
قبل 3 سنه و 9 شهر



يوم الخميس 5 شوال 1438 توجهت الي ورشه لاجراء بعض الصيانه في سيارتي ولكن الورشه خربت اشياء اخري في سيارتي وسأتحدث عنها بالتفصيل وكيفيه الحل :-

الفصل الاول :- الاتفاق مع الورشه

ذهبت الي ورشه هيدرولك لاصلاح كراسي الدوده وتركيب لي ضغط ، واشترطت عليهم ان في حاله حدوث اي مشاكل بالدريكسيون من ثقل وخلافه فانهم مسؤولين عنه واخذت ضمان علي الشغل لمده شهر

الفصل الثاني :- التصليح
بدأت الورشه الاصلاح وانا معهم اتابع مايحدث وتم الاصلاح ولكن بسبب عدم اهتمامهم بالدوده والدق عليها اكثر من مره ، فتم شرخ الدوده وتهريب الزيت ولم الاحظ هذا الشئ الا بعد استلام السياره واكتشاف تهريبات اسفل السياره ، كما تم اتلاف سن احد الليات مما ادي الي تهريب الزيت .
ثم اكتشفت ان الدريكسيون محجر وان الطرمبه خربت وذلك في اليوم الثاني من الاصلاح

الفصل الثالث :- التفاوض مع الورشه علي الاصلاح

ذهبت مره اخري يوم الثلاثاء للورشه لطلب تغير الدوده والطرمبه ، وبعد مهاوشه رفضوا الاصلاح وعرضوا علي ان اشتري القطع وهم يركبونها مجاناً
حاولت تهديهم بالشرطه ولكنهم لم يتراجعوا ،

الفصل الرابع :- الاتصال بالشرطه

اتصلت علي 999 وكان الرد ان مشاكل الورش تخضع لشيخ الورش بالصناعيه

الفصل الخامس :- التوجه الي شيخ الصناعيه

يوم الثلاثاء بعد العصر توجهت الي شيخ الصناعيه بالصناعيه القديمه (موجود ببرنامج جوجل ماب ) وشرحت له الوضع فقام بتحويلي الي ورشه اسمها العربه الحديثه وذلك لاجراء الكشف علي السياره (دوام شيخ المعارض بعد العصر )
ذهبت الي الورشه وطلب مني 200 ريال ثمن اجراء الكشف علي السياره ، واخذ صوره من فاتوره الشغل ، وكتب طلب استدعاء ممثل ورشه الهيدرولك وطلب مني تسليمه الي ممثل الورشه - الاستدعاء في نفس اليوم الساعه 5 مساءا
سلمت طلب الاستدعاء الي ممثل الورشه وانتظرت ميعاد الفحص

الفصل السادس :- فحص السياره

تم فحص السياره بعد حضور ممثل الورشه وانا لمكان الفحص وتبين وجود شرخ بالدوده وعطل بطرمبه الباور ، والزم الورشه بتغير الطرمبه والدوده علي حسابه وعدم تغريمي اي مصاريف اضافيه وضمان الاعمال لمده شهر ، وطلب مني العوده اليه مره اخري لفحص السياره وفحص الاصلاحات

الفصل السابع :- اصلاح السياره

ذهبت الي الورشه لاجراء الاصلاحات وتغيرت نبره صوت العمال بعد الصياح الي الهدوء والخوف واليوم ان شاء الله بستلم السياره



الخلاصه :-

لو بتصلح سيارتك خذ فاتوره واكتب فيها كل شروطك – حتي لو بتصلح كفر مبنشر
صور سيارتك قبل الشغل علشان لو خرب فيها شئ يكون معك دليل
لا تسكت علي حقك
ثمن الفحص 200 ريال مناصفه بين الطرفين
مده تقديم الشكوي والفحص لا تتجاوز الساعه والنصف
اللهم لك الحمد كما ينبغي لجلال وجهك وعظيم سلطانك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كفو والله
وانا دليتك سابقا للشرطة وكنت انا مخطى
ولكن الحمد لله اخذت حقك


up 2 down 0
زيت زيتون 2015 1046
قبل 3 سنه و 9 شهر



الله يجزاك خير على الموضوع الطيب من واحد اطيب
ماشفنا منك الا كل خير الله يوفقك
فعلا ماينفع مع الورش الا كذا



up 1 down 1
d7ooom777 389
قبل 3 سنه و 9 شهر



بس مافهمت عليك اخر شئ
دفعت200ريال للورشه الي دلك عليها شيخ المعارض
وفحصولك السياره وكتبو تقرير
وانت وديت التقرير للورشه الي مخربين الدودوه
والتصليح عند الورشه الي خربت الدوده
هذا الي فهمته مدري صح علي وﻻﻻ


up 2 down 1
d7ooom777 389
قبل 3 سنه و 9 شهر



الحمد لله وماضاع حق وراه مطالب والله يعوضك خير


up 1 down 1
midnight_963 653
قبل 3 سنه و 9 شهر



كفو يالعمده واشكرك على كتابة الموضوع اللي فادني كثير


up 1 down 0
x-bariq 181
قبل 3 سنه و 9 شهر



امير ياعمده بيض وجهك عرفتلهم ماراح حقك



up 2 down 0
الرفاعي33 13911
قبل 3 سنه و 9 شهر



الله لايوفقه من عمده

ليش ياخذون منك 200 ريال

مهو ياخذ راتب من الدولة ووظيفته خدمة الناس


up 1 down 2
سند10 1161
قبل 3 سنه و 9 شهر



وجهة نظر // دام الشرطه ماتتدخل بمواضيع زي كذا ويتم التحويل لشيخ الصناعية المفروض ماندفع شي ال 200 هذي ع اي اساس لو
فحصت السياره كاملة احسن وانا اكيد باجيب له السياره وعارف وش المشكله وعارف ابيه يكشف عليه المفروض يكون مبلغ رمزي جدا
اذا فيها فلوس واذا اني غلطان اعذروني هي وجهة نظر وحبيت اشاركم فيها


up 2 down 0
abdulmalik14 89
قبل 3 سنه و 9 شهر



وعارف وش ابيه يكشف عليه *******


up 2 down 0
abdulmalik14 89
قبل 3 سنه و 9 شهر



اخذت حقك واتبعت الاجراءات وعرفت الناس كيف تاخذ حقها
بارك الله فيك
بس ملاحظه من الاملاء الي تكتب الى
وشكرا


up 3 down 0
ابو عبدالله احمد 3508
قبل 3 سنه و 9 شهر



كفو والله وكل الشكر لك على افادة اخوانك اللي البعض مايعرف كيف يتصرف اذا صاده نفس هالموقف. اذا كل واحد فينا ماسكت عن حقه راح نشوف الشغل بالورش نظيف بإذن الله


up 1 down 0
mohd.2 33
قبل 3 سنه و 9 شهر



مشكور
وموضوع مهم وفعلا دايم الفواتير تضبط كل شي
واللي اوله شرط اخره نور
وجزاك الله خير ع التوضيح


up 1 down 0
باترول 2020 2624
قبل 3 سنه و 9 شهر



للاسف العمال عندنا
سياراتنا مخلينها فيران تجارب
وقد صارت مشكلة زي مشكلتك

رحت عند ابو يمن اغير دزق وكلتش وصحن
المهم خرب لي الكبيوتر والدقمه مدري كيف
خربهم هههههه وقال بصلح لك الدقمه
ووفقت المهم ماعرف واكسر لي ام الديكور الداخليه
هههههههههههه هنا عاد انفجرت قهر وواحد من اقاربي
شرطي اتصلت عليه وخليته يجي صناعية ام حمام
واول ماشافو قريبي قرر يوديني ورشه ويصلحونه
على حسابهم وطلع عليهم الكبيوتر وكاله ب 3000 ريال
و الدقمه شريته من التشليح قرابت ال400 ريال .
ودفعوه لي كامله


up 2 down 1
بايع الدنيا 66 1472
قبل 3 سنه و 9 شهر



كفو والله، يبرد قلبك اذا المظلوم اخذ حقه، سهلت علينا الكثير بطرح تجربتك بتسلسل سهل وواضح والله يجزاك خير واجر انك علمتنا شلون نتصرف بمثل هالحالات.

فعلا الفاتورة والشروط تضمن حقك وضروري الشروط تكتب كإتفاق لتفادي جحد الطرف المخل بالاتفاق.


up 2 down 0
ikutie 80
قبل 3 سنه و 9 شهر



والله اني قبل ما ارش الفورد قلتله ابغى ضمان وشرط عليه وبعد مارشيت وانتهت قلت الضمان قال خلاص انا ضمنتها لك قلت الفاتورة قال لا
المهم كان في رجال وشهد عليهم الرجال وقلت لا صار تقشر هو مسؤول اول واخير طبعا المشكلة اني كنت مستعجل لان ابوي كان رافع ظغطي بشكل مو طبيعي يتخاصم معاه علشان 20 وكان ما يبغى يرش الفورد بس ظغط عليه وبعد معاناه تمت الرشة
وحتى الورشة قال غير الرفرف والكبوت وكم قطعة افضل لك من السمكرة ولو تجاري ابوي غلب قال ولا ريال
المهم الي خلاني اتراجع اني اغلب الورش ما تعطي ضمان وكمان نفس الورشة شغلهم لا يعلى عليهم كانو اتراك
الورش الي تعطي ضمان كانت كبيرة والي عادة يكون سعرهم اقل شي 7000 انا رشيته 3500 وطلع اصفار


up 1 down 1
mercy_sa 1075
قبل 3 سنه و 9 شهر



صحيح بعض الورش لادمه ولا ضمير لدلك لازم توقف على راسه وتتابع حلالك بنفسك لانك انت اللي بتخسر عليه والشي الافضل انك تتعلم وتصلحها بيدك بشغلك وبضميرك مرتاح


up 1 down 0
عاش بو علي 500
قبل 3 سنه و 8 شهر



قسم بالله انك كفو ورجال ما تشكت عن حقك وانا بكرا بروح لشيخ الصناعية مخرج٢٨ وبشري زي ما سويت


منتظر تكتب موضوع عن اللي صار معك


up 0 down 0
عمده33 1664
قبل سنه و 9 شهر



انا ي شباب سيارتي كليسلر ٢٠٠٥ طالع انا والأهل وفجاه ضرب الكفر في رصيف على سرعه ٢٠ 
وبعدها ب ٣ كيلو تقريباً طفت السياره ورحت الورشه وقالو لي كمبيوتر وطلعت من الورشه ورحت ورشه ثانيه اسمها البيان بمخرج ٢٨ بالرياض 
قال لي كمبيوتر عطيته ٧٠٠ ريال حق التشييك وتركيب الكمبيوتر و ١٠٠٠ ريال حق الكمبيوتر 
المهم جلست السياره من شهر ٩ إلى شهر ١١ والعذر ما حصل كمبيوتر في التشليح 
بعد كم يوم من دخول شهر ١١ اتصل علي وقال لقيت كمبيوتر وركبته بس المشكله الحين بالقير و المكيف ما يبرد وفيه التماس بالسياره لازم توضب القير وتصلح الظفيرة 
طبعاً انا كنت أكلمه ب أسلوب حلو من يوم اخذ السياره علشان يتوصى فيني ويخلصها بسرعه بس طول الموضوع ويوم قالي المشاكل الجديده الي طاعت علينا فجاه انفجرت عليه وتغير الأسلوب وصرت أكلمه ب اوصخ الكلام 
جاني مدير الورشه وقالي روح وتعال بكرا نشوف لك حل قلت له لو ما صلحت السياره ورجعت زي ماكان بسوي لكم مصيبه المهم جيت اليوم الثاني  القير شغال و المكيف بارد ومافيه التماس اثر الرجال مفصل فيوزات بالسياره ويبغا يحلبني ب الفلوس 
يوم أخذت السياره اجربها الا الرجال مغير مقصات ومغير العكوس السياره مو سيارتي الطبيعية في الأخير السوري بكل بساطه انا ما سويت شي انا وانا ارتبك السوري مره قلت بكرا ان شاء الله وعدك عند شيخ الورش اوريك انا كلهم يقولون لا يا عمي ان شاء الله بكرا تجي تحصل سيارتك كويسه طلعت وخليتهم وبكرا بكمل لكم باقي إلحلقه عند شيخ المعارض