ماهو افضل حل لضعف نور الهايلوكس

ركب شمعات ديبو تايواني افضل من حق الوكالة مايصفر ابدا لكن لاتترجى نور فارش للخط بدون زنون وعدسات هذا من الاخير اقول لك

تركيب عدسات كيو 5
0571053098

يا خوي مجرد رائي
لمع الشمعات
وفي لمات تجي هيلا زينون لكن بدون محولات تركب على الفيش بدون توليف بدون محول
يجيك ميه ميه ويفرش لك الخط
انا مجربه في السيكويا مركبه في العالي
والله ميه ميه
هذا ما لدي وبالتوفيق

عليك السلام غريبة والله معروووف نور الهايلوكس قوي مثل الكوبس ومعروف الزينون عليه مخالفه واحتمال تنشب بواحد يوديها الحجز والزينون ماتشوف الخط اسود ماهو مثل النور الأحمر حلات الزينون بوقت المطر تشوف افضل من الاحمر شوف الشمعات اذا باهته البلا منها وشوف المبات اذا فيها سواد محروقه غيره وتظبط هذا اللي حبيت اشارك فيه 

 ياشباب الرجال يقول لكم (((((((( افضل حل غير الزينون لاني ابي النور نفس لون نور الوكاله))))) 

خذ لك شمعات تجاري وخذ لك عدسات وخذ لك زينون ولمبات 4300 كلفن لون اصفر على ابيض

حسام افادك بافضل حل

وعندي لك واحد بجدة شغله ممتاز اسمه تقنية الاضواء

روح له ممتاز يركب لك عدسات تفرش الخط 

الله لايهينكم يالربع الشمعات يبي لها تلميع لكن قالو لي الناس اذا لمعتها تخرب والنور انا شاريهن وكاله لكن مدري ليش ضعيف ممكن يبي للشمعه تلميع

بعدين يالربع الزينون عليه مخالفه وشكله غير مقبول على الهيلوكس انا ابي حل يصير النور نفس لون الوكاله وقوي 

وعليكم السلام 
افضل حل اخوي وراح تدعيلي هو تركب عدسات هيلا
مع محولات زينون f5 ولمبات ياكي و بالنسبه للزينون فيه الوان
عندك ٤٣٠٠k يجيك اللون اصفر مايل للابيض و ٥٥٠٠k يجيك ابيض صافي
واذا تبي اصفر مثل الوكاله تاخذ لون ٣٢٠٠k وبالنسبه للمرور العدسات ماتعمي يجيك النور نازل
وكل الناس الحين صارت تركب عدسات واللون اذا تبي اصفر تاخذ لمبات ٣٢٠٠k يجيك اصفر
وزي موترك الان يجي عاكس والعاكس هو الي يعمي واذا ركبت زينون على عاكس راح تعمي خلق الله ويلتفت لك المرور على طول  
رح لليوتيوب واكتب تركيب عدسات هيلا على هايلوكس وشف الاضاءه
اتمنى اني افدتك يالغالي تحياتي

اها انت عندك الشمعات باهته بس هذي هي اللي ماتخليك تشوف زين كل ماصفت الشمعه يوضح النور غير الشمعات افضل لك من التلميع مايجيب نتيجه ممتازه وشوف بمبات الشمعه اذا فيها سواد ضعيفه لازم تغيرها ياليت تنزل صورتها 

انا كان الوالد عنده الشمعات مصفره من الشمس غيرتها والله ياعليها نور ماشاء الله تبارك الرحمن مره روووعه نزل صورت الشمعات 

وبعدين الهايالهايلوكس والله نورها قوي تعال شوف نور الفورد بتقول بالله كيف تشوف الخط يارجل جوالي ابو كشاف اقوى منها حتى الان اللي يعميني بدال ما اعطيه العالي اطفي النور علشان بوكيه مأمن نور 

الله لايهينكم جميعا

مثل ماقالوا الشباب، غير الشمعات بشمعات جديدة نظيفة واللمبات خذ لك فيلبس الماني وان شاء الله امورك تزين، واذا تبي شيء اقوى ركب عدسات ومحولات زنون وخذ لمبات درجة 3800 كالفن وراح يعطيك مثل لون الهالوجين.

وانت ياراعي الفورد نفس الكلام ركب عدسات وريح نفسك يفرش لك الشارع.

لمع الشمعات بصاروخ وتلميع يكون قوي شوي وحط عازل على الشمعات وكل ٤ شهور غير العازل ،،،،والشمعات عليها طبقة امكن تروح اذا لمعتها بملمع قوي عشان كذا ركب العازل ،،، واتأكد من النور ضعيف او مشعتر يعني وحدة فوق وشاتلة يمين والثانية زيها وهنا لازم تتأكد ان الكلبسات اللي ماسكة الصدام والشمعة اذا مكسورة بتلاحظ النور نازل ،،، وبخصوص الوزن في سيارات يجي لها مسمار لوزن ارتفاع وانخفاض النور ومسمار لوزن ميلان النور يمين او يسار ،،،، وهذي حلول وماتكلف كثير جرب واتأكد قبل ماتخسر 

ركب شمعات نفس حقت الوكاله لكن 100 واط وركب معها كتاوت اللي يجي لونها اصفر تايواني ولمع الشمعات وركب عليها جلاد للحمايه وغيرها كل 6 شهور ع حسب النوعيه وبتشوف الفرق وبتنبسط من النور