أضف سؤال أو موضوع جديد          

ارتفاع حراره - تخبيط مكينه

up 2 down 0
ابو نورره 98
قبل 4 شهر و 3 أسبوع



السلام عليكم عندنا كامري ٢٠٠٩ حصل ان الحرارةة ارتفعت مع الوالد المهم وشيك ع الرديتر ولقاه فاضي وعباها ومشت 
جاء بالليل واخوي اخذ السياره ومشى فيها وفجاءه طفت عليه مع ظهور لمبة المكينه والحرارة كويسه وشيكنا ع الرديتر فاضي ، المهم 
عبينا الرديتر الين امتلىء شغلنا السياره كن السلف خربان ومافي صوت ف المكينه ( طبيعيه) وظهر لنا زيت من فوق القزوز تهريب 
عند راس المكينه 
وبعدها نتعناها واشتغلت ومشينا فيها بدون صوت ف المكينه والسياره ماتعدي ء١٠٠  ووقفناها .. هل هناك دلالات تبين ان المكينه او الراس جاها شيء 
او بس رديتر وخلاص 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فك غطا المكينه او عيار الزيت ان لقيت لون االزيت فاتح او قريب من الحليب الشاهي معناتها الراااس راح وخلطت عليك

وبرضو عندك غطا الرديتر فكه وشوف المويه فيها زيت او لا


الله يعينك


up 2 down 0
تعبت ادور راحتى 155
قبل 4 شهر و 3 أسبوع



اعتقد والعلم عند الله أن المشكلة كلها بالراس 

واذا كانت المشكلة بالراس انصحك توضب توضيب كامل للمكينة وتريح مخك مستقبلا ً بشرط كل شيء اصلي

إنتبه من التجاري لاتركبه على سيارتك مهما صار 


up 1 down 0
ميكانيكي سعودي 142
قبل 4 شهر و 3 أسبوع



شف هل خلط الماء مع الزيت
اسحب العيار اذا لقيت مع الزيت مويه يعني ان طبه من طبات المكينة انفقعت لاتمشي عليها ودخلها ورشة
اذا ماخلطت امورك في السليم المهم لاتمشي عليها ورديترها ناقص كل شوي زده مويه لين توصل حق الرديترات يشوف وش المشكلة يمكن الرديتر مخروق او واحد من الليات والخراطيش يهرب
راعي الرديترات يعلمك وين التهريب
وبالمره شيك على تماتيك المروحة وشف هي شغالة ولا لا - يمكن انها ماتشتغل


up 0 down 0
سند10 1081
قبل 4 شهر و 3 أسبوع



شوف راس المكينة تخلط الماء مع الزيت وكل مادعست تزيد الحراره الين توصل الاتش وتطفي ،،،اذا الزيت كويس صلح الاديتر هذا اول شي ثاني شي اذا صلحت الاديتر  وارتفعت الحرارة وتظغط هواء الرأس منعدم
طبعن الحرارة تعدم المكينة كلها 


up 0 down 0
نواف الحربي4 337
قبل 4 شهر و 3 أسبوع



اول شي عب الاديتر مويه فل وشوف الزيت اذا كويس امسك خط طوووووويل شوف الحراره اذا ممتازه تصلح الاديتر وانتهت المشكلة 


up 0 down 0
نواف الحربي4 337
قبل 4 شهر و 3 أسبوع



السلام عليكم شكرا لك من شاركك العلم سلمكم الله شغلت السياره وعبيت الرديتر مويه وقام يطلع فقاعات وزي الرغوه وتاكدت انه الراس بس باقي بنعرضها ع ورشه ونشوف وش يقول ونصايحكم  لو كانت راس او توضيب


up 2 down 0
ابو نورره 98
قبل 4 شهر و 3 أسبوع



بالنسبه للنصائح

اول شي يكون المهندس ثقه لانه هو بيحدد الضرر الي وين وصل

احتمال انه مسح للراس وتغيير الوجه فقط واحيان البستم ينشحر من الحراره غير كمان بعض الاعطال الي تسببت بها

لاكن انت توكل على الله باذن الله تجي معاك سهاله

والله يكون في عونك


up 1 down 0
تعبت ادور راحتى 155
قبل 4 شهر و 3 أسبوع



اكبر غلط اذا سخنت السيارة تعبيها مويا وهي طافية دايركت يشطب الراس لكن شغل السيارة وعبها مويا وامورك طيبه بإذن الله


up 0 down 0
yahya alajlani 374
قبل 4 شهر و 2 أسبوع



اهم شي مفرود تغير بلف الحراره



up 0 down 0
.mjarbu
قبل 4 شهر و 2 أسبوع



ابدعتم بالنصائح . الله يوفقكم ويصلحكم حاليا موقفينها .. الين نفضى لها وان شاء الله اتابع معاكم وش يصير يعطيكم العافيه جميعا


up 0 down 0
ابو نورره 98
قبل 4 شهر و 2 أسبوع