أضف سؤال أو موضوع جديد          

انسرقت موتر وبلغنا عليها

up 1 down 0
محمدالغامدي 1990 561
قبل 4 شهر و 3 أسبوع



السلام عليكم ورحمة الله وبركاته كيف الحال ياشباب عساكم بافضل حال

باخش في الموضوع واعطيكم الزبدة ياطوال الأعمار

سيارة صاحبي كامري 95 انسرقت ثاني يوم العيد

وحصلها امس في صناعية السيارات عندنا في مكة

واتصلنا على الدوريات صوروا ويوم قلنا لهم ياخذون اثر البصمة

يقلك غبار وماتبان شيء وبعد كذا حولونا للقسم للتنازل عن البلاغ

واعطونا ورقة للتقدير علما ان السيارة خبطوا المكينة وصدموا السيارة

واليوم الصباح رحنا شيخ المعارض وقدروا المكينة ب 6000

والصدمات 1700 تقريبا وقدمنها للقسم وماقالوا شيء

والحين لسة ما مسكوا الحرامي

والحين محنا عارفين وش الخطوات الثانية

والرجال على قد حاله والله يعوضه خير

ونتتظر احد يفيدنا والله يعطيكم العافيه ما قصرتم بيض الله وجيهكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لاحول ولا قوة الا بالله ... الله يعين صاحبك ..والله يعين المجتمع على هذولا الحثاله كلاب ضضاله 


up 1 down 0
يالغالي على هونك 241
قبل 4 شهر و 3 أسبوع



كان الله في عونه.. وعند الله حقه مايضيع..
وحاولوا تساعدونه وتجمعون له مبلغ .. تبتغون ماعند الله وتعطونه يصلحها


up 6 down 0
ابوخالد 4924 42
قبل 4 شهر و 3 أسبوع



حسنا الله عليه اللي سرقها وش ذنبه المسكين والله انقهرت عشانه 

واللي سرقها ودك تمسكه وتدخله عزبه افغان يفسخون عقله 


up 3 down 2
abo- hassan 122
قبل 4 شهر و 3 أسبوع



ولا يحتاج عزبة افغان ولا شي قص يده وتحدى اذا واحد فكر يسرق بعدها


up 4 down 1
abo3edh 198
قبل 4 شهر و 3 أسبوع



لاحول ولاقوة الا بالله
الله يعوضكم خير ان شاء الله
الاجراءات وناخوك اوراق التقدير خلها معاك واحتفظ فيها
اذا مسكو الحرامي واعترف بسرقه سيارتكم تقدم الاوراق
للمحكمه وتاخذ حقك كامل مكمل والكمال لله سبحانه
سيارتك الان تقدر تصلحها تبيعها انت حر ولاهو شرط
انك تخليها على وضعها الين يمسكون الحرامي
المهم صورها من جميع الاتجاهات وهي بوضعها
الحالي مصدومه واحفظها عندك مع الاوراق التقدير
وفالك التوفيق وان شاء يمسكون الحرامي بأقرب وقت
وينال جزاءه ويكون عبره لغيره .


up 1 down 0
ftfr999 267
قبل 4 شهر و 3 أسبوع



تأكد تماما الحق عند رب العالمين مايضيع.

ادعي عليهم عيال هالحرام, يسرقون سيارات الأوادم لأعمالهم الخسيسة مثلهم (التفحيط و غيرها).

لا بارك الله فيهم جعلهم الشلل ان شاء الله.

الله يعينه و يعوضه خير ويرزقه بأحسن منها ان شاء الله.


up 2 down 0
بدر الباثفايندري 806
قبل 4 شهر و 3 أسبوع



الله يعينه و يعوضه خير 

الأن خويك بين انه يصلحها و يستخدمها او يبيعها و يزود و يشتري غيرها 
اذا قيمة التصليح 7 الاف ما انصحه يصلحها كثير على السيارة يبيعها و يزود على السبعة و يشتري غيرها 
ولا ممكن انه يحاول يصلحها بسعر ارخص ترى التقديرات يبالغون فيها خله يروح التشاليح و يشوف المكاين 
و يسعر التصليح عند اكثر من ورشة سمكرة بيلقى ورش سعرها معقول و اتوقع يقدر يصلحها بأقل من 7 الاف 
و بعد كذا ينتظر الين يلقون الحرامي ذا و بيدفعوه التسعيرة كاملة 7200 ريال 
والله يسهلها 


up 0 down 0
shadowz33 1085
قبل 4 شهر و 3 أسبوع



الشرطة والمرور ماهم مسوين له شي
ورقه بيحطونها بين الاوراق ولا احد مكلمه لاينتظر منهم ريال
سيارتي كسروها وانسرق منها اغراض رحت ابلغ قال لي واحد منهم على جنب يارجال لاتبلغ ولا شي محد نافعك تعال اوريك ووراني ملفات كبار كلها بلاغات ولاسوو لها شي
استعوض ربك ومش امورك بالموجود والحمد لله لقيتها العوض ولا القطيعة والله يعوضك


up 2 down 2
سند10 1081
قبل 4 شهر و 3 أسبوع



ممكن انه مايسوون شيء بس الأفضل انه يبلغ عشان اذا بكرى صار شيء إلا انت مبلغ ولا تتورط ويبتلى عليك بمشاكل انت مالك علاقة فيها.


up 1 down 0
ikutie 79
قبل 4 شهر و 3 أسبوع