لقد قام العضو بحذف الموضوع

شف وانا خوك اول شي المخزن ماياخذه الا اهل الصنف يعني الناس اللي تحب القديم وتعشقه ومايهمه قيمته سواء نزلت القيمه او لا وانا مع الجديد جديد مايحتاج حتى تسوي له صيانه خمس سنين قدام لكن ابجيك في موضوع الهلي القديم وانا استخدمت النوعين بحكم انها كانت مع خوي من ناحية الجوده والقوه ارشح اليابانيه يعني من شي جربته شخصيا وماتعرف الشي ذا الا اذا كرفتها الثنتين والهلي القديمه دعستها سلك عاديه لكن الجديده كهرب وفيه فروقات واضحه وايضاً الجديد له محاسنه وان جيت للجيب انا معي 2007 فكسار ومستحيل افرط فيه لو يعرض علي فكسار2012 راس براس رفضت صح انه اثقل من الجديد لكن ومايقارن بالجديد من ناحية السرعه لكنه ارسى من الجديد واجود منه من ناحية الكرف في البر والطعوس والقطعه تركبها وتنسى منها والجديد تحسه خفيف وان كرفته يتهربد ع طول مايتحمل بحكم ديكوراته الخفيفه وايضاً له محاسن كثيره وانا مع ضد ارتفاع اسعار السيارات القديمه لكن وش نسوي بالشريطيه يعني تلقى هايلوكس 2005 بقيمة هايلوكس 2017 اصفار وهذا شي غير مرضي وشكراً ع طرح الموضوع واتمنى من المشاركه وطرح الاراء

انعرض عليك في اكس ار جديد ورفضت كثر لنا منها

انا من عشاق السيارات القديمه ودائما افر باليوتيوب
واشوف السيارات القديمه اعشقهم بجنون
ودي اشتري سياره اليوم قبل بكره ودائما اتخيل
شكلي وانا اسوق جمس وﻻبيوك
او تسعاوي ربع سروال هههههه
محد يفهمها ذي الكلمه الا الي عاصر ذاك الجيل
وانطرب على اشكال السيارات المخزنه الامريكيه

بس بالاخير كلها احلام يقضه ههههه

اذا جينا للصدق والله مااشتريها شفني حلفت
اذا كان سعرها رخيص يمكن اشتريها حتى ماهو اكيد

باختصار الناس بتهايط وانا اولهم بالسيارات القديمه
نمدحها ونثني عليها وعلى قوتها الى بكره

بس اذا جاء وقت الجد وقلت يلا اشتروحها
هذا وجهي اذا حصلت احد بيدفع ويشتري

باقي معنا 200ال ثمانين تبع الوالد الصراحة تتعب في قطع الغيار وان حصلت تلقى السعر خرافي
يعني الاصطبات الخلفية يمين ويسار بقيمة 2500﷼؛!??? قيمة مكينة مستعملة لليارس

فرق بين القديم تراثي مثل كابرس 90مخزن
تراث وله قيمته المعنويه والماديه
وكامري 2006 مخزنه وتقول هل تفرق عن2017
نعم تفرق 2017 انا ركبتها تناقز تقول سبرنق لاكن 2006 و2004 و5
رساوه وثقل مع الخط ومرتفعه وتحفه
..........
لاكن كابرس 2004 مخزن مايسوى لان اصلا بزمناته ماحقق مش ولابد
جمس 2007 مخزن
هنا اقولك المديل الحديث افضل منه

بختصار فيه مديلات تحفه لن تتكرر
وافضل من 2017
كامري 2002 وشاكلتها
كامري2006 وشاكلتها عن تجربه
فورد فكتوريا 2012 وشاكلته كد ورخص قطع
دددسن 2009 الى 2006 وقبلها ايضا يباني قوي وهذي هي معنا
اخوي حصل ددسن2015 وكاله ب60 وجنبها 2007 جي ال جنوط ابيض ب70
الهايلكس بالعكس المديل الحديث اوسع وافضل
الشبح 98 وقبل اذا كان مخزن افضل من الفياقرا واقل اعطال
كلام اللي جربو واهل الخبره مع ان 560 اسطوره
اكسنت من 2006 الى 2011الشكل السابق
رخص قطع وكد بشي مايتصور
وغيرها من السيارات التي افضل من اخر مديل وبالسوق تفرق

الشاص مثلا 2006 وماقبل يجي راس وقوي
ويجمل بالطعوس
عكس المديلات الاعلى منه
يجي راسي وعزمه ظعيف وسبق اني شفت 2006 غالي جدا جدا وسألت قالو هذا ابو راس واحد
وصدامه حديد

مثلا عندك الافلوووون 2011 و2012
تحفه فنيه كانك على فياقرا جفالي الداخليه اعني
غير كبر الحجم والراحه
لاكن 2013 وفوق تقول كورلا سبورت
وشوف قيمتها مدحدره
ايضا الهايلكس 2015 وقبل عملي اكثر من 2016
مع العلم ان معي 2016
لاكن القوه ل15 خاصه الدبل خفه والدبل قير عكس16 الدبل زرار وثقيله لكبر الحجم
لاكن 16 اريح واجمل ديكورات
لاكن كد 15 وماقبل
وقبل 3 شهور حصلتها بدون دبل ب100 الف جمرك هلي و16 جنبها ب77
ههههه

ياصالح انت لو تركز شوي وانت تقرأ بتلاحظ كلمة لو عرض علي وانا ماقلت عرض علي وانا صادق والله لو يعرض علي اللي قلت ما اوافق والحمدلله اللي معي محافظ عليه ونظيف وكل مشكله تجي فيه اصلحه ع طول وان ماجربت الموديل هذا اسمح لي اقولك ماتعرف شي 

من ناحية الموصفات اكيد الجديد افضل بكثير من القديم مافيه مقارنه بينهم ب وسائل السلامة واستهلاك الوقود ونشاط السيارة وتكون مريحة عكس تماما القديم اللي يكون متعب ولا يوجد فيه وسائل سلامة حتى ان بعض الموديلات انقطعت قطع غيارة لكن في شي اسمه عشق هو اللي يخلي الانسان يتمسك في سيارة قديمة ويهتم فيها ويحافظ عليه اكثر من السيارة الجديدة عشان كذا التحجير اللي انت تقولة ماله علاقة في الموضوع,,,,

السيارات القديمة ما ياخدها الا هاوي ويحب يرجع للماضي

ولا يفكر في مسألة البيع اطلاقاً

انا عن نفسي ودي امتلك سكايلان 1988 فل كامل خليجي

او سوبرا 1996 فل كامل امريكي

لكن صعب تحصها وان لقيت يا مهربد يحتاج صيانة او نظيف لكن السعر حريقة

للتنبيه

"اكل وشرب عليه الزمان"

الزمان هو الدهر والدهر هو الله

الزمان لا يأكل ولا يشرب وهذه العبارة لا تجوز شرعاً

جزاك الله خير يا ابو عباده .
عشق السيارات المخزنه هوايه و بكتب بعض السيارات اللي تستحق الاقتناء. 
مرسيدس 90
كابرس 90
كامري لومير 93
لكزس 400 ال اس   موديل 2000  هذي لوحدها تغطي على الجديد و القديم  فعلا سياره تستحق الاقتناء  

ياخي بالعقل

انت تبي تشتري سيارة تريحك عشر سنوات قدام ماتطلب شي وهذي تلقاها وكاله

او تبي تشتري سياره على قولتهم مخزنه ومديلها قديم وتقعد ترمم فيها الزمن كله

اضافه إلى ان كل واحد منا يهوى السيارات الجديدة تقنية جديدة شكل رساوه مكينه وقيراقتصاد بنزين .. الخ

القديم لو بلاش ما اخذه

كان عندي كابريس 92 صابونه كرهني عيشتي وفورد 88 كل يوم وانا بورشه هههههههههه

يا زين الجديد بس

لو خيروني هايلوكس 2005 أصفار وتاريخ صنعها 2017 و هايلوكس 2017 أصفار حتماً لن أختار إلا 2017 ، يكفيك مواصفاتها

تغطي على مواصفات 2005 ، 3 ايرباقات وواسعة غمارة أو صندوق ، بالنسبة للكد لا تقل الهايلوكسات الجديدة عن القديمة في

الكد والتحمل لأنها صنعت من أجل ذلك ، والمحافظة لها دور في إطالة عمر السيارة .

السيارات الجديدة دائما افضل
اولا بسبب الأمان بعد الله
ثانيا التقنيات الموجودة في الجديد افضل
زمان كانت بعض السيارات القديمة مايجي فيها مكيف وقزاز هندل
ولااريرباق وااسيارات الجديدة تفادت اغلاط السيارات القديمة

كل واحد وهوايته وقدرته المالية .. فيه ناس تدفع في السيارة القديمة النظيفة اللي تعتبر تراث مبلغ وقدره 
ولا يفكر في البيع ابداً لو يحطها زينه في الحوش او قدام البيت ( يكحل عيونه كل صبح ومساء ) .

مثلاً انا لو لي قدره كان خذيت بنز موديل 1986 او اقل موديل كسيارة ألمانية كلاسيكية عريقة ومتينة
و زد اكس 300 تون تيربو 1993 .. لان سبق كانت معي مدة بسيطة لكن ذكراها ما مسحتها حلاوة
السيارات الجديدة ابداً .

المسألة هواية وقدره مالية وعدم التفكير في البيع او الخساره .. لان الخساره خساره الدين والنفس .

بالنسبه لي أؤيد المخزن بشرط اني املك فلووس زايده ومخلص اولولاياتي بالحياه وعندي مشروع ناجح وبعد كده اشتري السيارات المخزنه فقط كاسترجاع ذكريات جميله وليس لانه افضل من الاحدث اما تقلي اشتري كابرس صابونه ب 130 الف كما هو في جده مع نفسسسهم اشتري فيري ابرك وارخص :)

اللي يقول كل ما كان الموديل اجدد كانت مواصفاته احسن
عندك هونداي الخايسة حطت كمبرسور بلف كهرباء ونكبت الناس

والله انا مع صاحب الموضوع  بس اختلف معاه في نقطة واحدة اللي هي الجوده الموديلات القديمه افضل من الجديد وثاني شي اكثر الموديلات الجديدة فيها يعيوب مصنعيه وخطيره 
انا اتفق مع الاخ المعاوية حكايته اجمل من روووعه جايه صح نصيحه  يامعاويه ((خلك عليه لا يجيك اقدر منه ))اخوي كان معاه فورد ماركيز موديل قديم والله يعرفها كرف ما اشتكى منها غير جلد بلوف فقط كل شي وكاله الهم اشترى فورد فكتوريا 2011 كانت نظيفة ماشيه 35 بس والله ياشباب  لما وصلت 97 حولها خرب القير وظبه كامل مانفع غير القير وظبطت يعني الجديد حديد لاتدور ومعروف الموديلات القديمه الهواء مايلعب فيها مثل الجديده والله ماهو تعصب ولاناي من عشاق القديم ولا الجديد انا من عشاق الجوده يعني اهم شي عندي جوده السيارة تعرفون الحين الحوادث كثرت ماني مكثر الكلام علشان ما اجيب العيد هههههههههه وسلامتكم 

والله يا صاحبي اختلف معك كثير اولا تطيح قيمته بعد سنه الا يعشق هذي الموديلات ماهو شاريه عشان يفكر يبيع شاريه تحفه و استخدام قليل

و بعضهم يمدح هلي 2005 تحصله اسم جامع لموديلات 2002-2005