أضف سؤال أو موضوع جديد          

تعامل راقي مع سيارتي في احد فنادق ابو ظبي

up 14 down 19
ابو جهاد 9935 146
قبل 4 شهر و 3 أسبوع



السلام عليكم ورحمة الله وبركاته 
سالفه ومافيها سكنت في احد فنادق ابو ظبي 
وابغى أسوي تشك أوت الغرفة وعطيت العامل المفتاح
قلت شغل سياره وركب شناط الملابس بالشنطة المهم 
نزلت وإلا سياره امام الفندق وشغاله ومقفل عليها العامل بالغلط وهي شغاله وكان وقتها مامعي إسبير والعامل من الخرعة جايب سيم يبغى يفتح الباب من عند دريشه
المهم فعلته هذي سبب حكوك لي فوق القزاز وخرب لي بدّي سياره
المهم قلت له تسوي كذا ولاشاورتني وأكلم الاستقبال 
صراحه قلت الحين يجحدوني لكن تفهمو وضع صراحه 
ويحترمون نطام ويخافون من الشرطه اللي صار جابوا لي احد ميكانيكين 
وفتحها لي على حسابهم وقلت طيب ابغى تعويض اللي سببه العامل خرب سياره بالسيم
قالوا انت قائل للعامل قلت لا ماقلت له شي وانه تصرف من دون يرجع لي قالوا راح نرجع كاميرا ونتحقق من هالشي انه تصرف بدون وجودك وفعلن لما رجعوا كاميرا شافو العامل 
انه مخطي واتخذ قرار من نفسه فطلبت تعويض ٥٠٠ درهم 
وفعلا عطوني تعويض ٥٠٠ درهم واعتذروا لي وفعلا التعامل الراقي مطلوب ياليت لو نشوف زي هذا الامر في السعودية 
موقف وحصل لي وحبيت اشاركم فيه وأعطوني رأيكم بالموقف واللي عنده موقف يذكره 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود



الحمدالله جاك تعويض

بس من قالك ماهو موجود بالسعوديه هذا الشئ؟!

انت ماصار لك مثل هذا الشئ بالسعوديه عشان تحكم

اغلب الفاندق تخاف على سمعتها بالذات اذا حاجز من بوكنق

المشكله عندك بالشرطه ماهي بالفنادق لو تجيب لهم الشرطه

مايسون لهم شئ ويطفشونك ويتمادون الفنادق بالاغلط

اذا الشرطه لهم هيبه ويوقفون مع الفرد ضد الفندق/الشركه
كان تشوف الفنادق يخافون من الشرطه اكثر من سمعتهم

وبعدين الله يهديك متعيجز تشغل السياره بنفسك

والحمدالله حصل خير وسفره موفقه


up 7 down 10
d7ooom777 897
قبل 4 شهر و 3 أسبوع



حصل لي ان شخص من عيله تسبب مطعم فندق تسمم له وهو آدمي 
أغلى من سياره مادروا عنه وهذا احد الفنادق السعودية  ولا دوو عنه 
يوم قلت اشتكي عليكم قالوااشتك يديك ورجليك خلها ع الله نطام هنا لاحسيب ولا رقيب فوضى 


up 6 down 3
ابو جهاد 9935 146
قبل 4 شهر و 3 أسبوع



بالله شوفوا التعامل الراقي بفنادقنا ال 5 نجوم على الرابط المصيبه شف تعامل مدير الفندق البريطاني وش سوى مع العميل السعودي

http://saudishift.com/hotel-valet-crashes-mercedes-g63-amg/


up 1 down 0
fanar1 353
قبل 4 شهر و 3 أسبوع



مع خالص احترامي وتقديري لك ولطرحك للموضوع 

لكن أنا ضد ان اي شخص يعطي مفتاح سيارته لاي انسان كان ولأي سبب
الا للشديد القوي اللي لا مفر منه ويكون شخص ثقة .. ومسألة انه كان فيه
كاميرات مراقبة فهذا الشيء اللي خدمك والا كان بيروح حقك .
ومثل ما قلت خوف موظفي الفندق من الشرطة .


up 3 down 5
nasser1430 539
قبل 4 شهر و 3 أسبوع



التعويض من جيب العامل الله يعينه بينخصم مو من الفندق يكفي خرعته


up 10 down 0
camaro28 444
قبل 4 شهر و 3 أسبوع



ابو جهاد الي جاهم تسمم الله يشافيهم ويعافيهم
مثل ماقلتلك البلى من الشرطه ماهو من الفندق

ناصر1430
ماقصر برده هذا الي كنت اقصده بردي الاول
والشرطه لو يشدون حيلهم كان الكل يخاف


مشكلة الشرطه كل شئ عندهم عادي
تقولهم مخربين سيارتي بيقولك يارجال
ماجاها شئ شئ خفيف مايحتاج تشتكي
وهذا مسكين يترزق الله ومن هالكلام
بالاخير تضطر تتنازل
ويتمادون الفنادق بالغلط
وغيرهم من الشركات


up 1 down 3
d7ooom777 897
قبل 4 شهر و 3 أسبوع



نص راتب العامل راح على مخشه جت في سيارتك تروح بالتلميع لو افضلك لو صارلك شي في بعد هذا السالفه شي في السياره وخسرت فيها خساير كبيره فعلم انها بسبب فعلتك مع عامل الفندق


up 10 down 9
Pro rare 398
قبل 4 شهر و 3 أسبوع



انا اشوف لو تكتب اسم الفندق كسمعة جميلة عنه وعن هذا الشي اللي تصرفوا فيه معاك مع العلم ان المبلغ اللي أخذته من الفندق راح يخصم من نفس العامل هذي نظام الشركات لكن هذا حقك في الاخير تقبل تحياتي،،،


up 6 down 1
ابو سعدان 11
قبل 4 شهر و 3 أسبوع



اخوان العامل ماينخصم منه اي شي 
لان الفندق  يضعون ميزانيه لحالات مثل ذي ويتحملها الفندق على كلام مدير الفندق
حتى في الكومبيوتر ورآني كل سنه يضعون ميزانيه لحالات مثل ذي 
وعلى فكره الفندق لو تكسر شي من عندهم حاجه او اي شي حاسبوك على كبيره وصغيره





up 4 down 3
ابو جهاد 9935 146
قبل 4 شهر و 3 أسبوع



بعيد عن الموضوع
من العيد تتكلم عن السياحة واخرها تروح ابوظبي ؟


up 1 down 4
فهد المحمدي 1410 128
قبل 4 شهر و 3 أسبوع



كيف الفندق فتح لك السيارة و دفعو لك تعويض وهم اصلا ماطلبو منك مفتاح السيارة وكان اجتهاد شخصي منك تعطي العامل المفتاح؟؟

في شي غريب في الموضوع!


up 1 down 3
chevrolet zr1 526
قبل 4 شهر و 3 أسبوع



pro rare 

 ما ضيعنا الا تفكير امثالك ليش هو سرق العامل ولا تبلى عليه عشان تقول الكلام ذا 
العامل مهمل اول شي قفل الباب على المفتاح ثاني شي قام يتصرف من راسه من غير ما يرجع لصاحب السيارة 
ثالث شي وقت ما بدأ يحاول كان المفروض يوقف من اول مخش بسيط و يستوعب ان اللي يسويه غلط
اما اروح فندق و ادفع فلوس عشان الخدمة و اخرتها اطلع متضرر هذا شي غير مقبول 
الغرامة ولو كانت كثيرة على العامل بس بعدها بيتعلم ماعاد يتصرف من راسه ولا يخرب اغراض الناس 
انت فكرت في ال 500 درهم اللي تساوي 510 ريال تقريبا و ما فكرت كم بيخسر الرجال من رش و تعديل و قيمة السيارة وقت البيع 
كل ذا بسبب اهمال العامل 


up 4 down 4
shadowz33 1085
قبل 4 شهر و 3 أسبوع



مايحتاج لها مبالغه رش وتعديل الرجال والله العليم في سياحه ومقتدر على مبلغ تافه مايكلف شي والعوض مو زين ويبهدل العامل ويسوي شوشره شوي صدقني يتعلم العامل وهو مسكين سوا خير علشان بخشيش بسيط بالاخر انسلخ 500 درهم .. الرفق بالضعاف .. الحق حق لكن في طرق كثير يتعلم فيها الادمي غير ضياع نص راتبه ..


up 5 down 4
camaro28 444
قبل 4 شهر و 3 أسبوع



^ ما فيها مبالغة ولا شي و مو كل من سافر يعني مقتدر ولا تفرق معاه و الرجال راح ابو ظبي ماراح لندن 
و العامل ما بيسوي خير ولا شي هاذي خدمة تقدمها الفنادق تجيك السيارة لين الباب و مدفوع قيمتها مع باقي خدمات الفندق 
اما نظام لا خلوه مسكين شف كيف العمالة عندنا صارت تتعلم على حساب ممتلكات المواطنين سواء سيارات او غيرها 
و العذر اذا جاب العيد انا مسكين و ما اقدر ادفع قيمة غلطي 
الغلط وارد و كلنا نغلط لكن بلمعقول مثل ما قلت في ردي الأول كان ممكن يتوقف من اول مخش صغير 
لكن اللي حصل اشوفه من وجهه نظري استهتار من الموظف و عدم مبالاة 



up 1 down 7
shadowz33 1085
قبل 4 شهر و 3 أسبوع



Pro rare
الحين الي ما يسكت عن حقه ظالم ويتحرى العقوبة ههههههههههه
اتق الله يا رجل


up 0 down 1
maktoob110 359
قبل 4 شهر و 3 أسبوع



قالوها من زمان المسامح كريم لكن خوينا هذا تعامله مادي بحت مخش بسيط مايسوى الشوشره كلها
فعلا المواقف تبين الرجال لو انك مكان هالعامل بترضى


up 1 down 5
مالك رجا 594
قبل 4 شهر و 3 أسبوع