أضف سؤال أو موضوع جديد          

امن الطرق حرر لي مخالفة بتاريخ 11-8-38 والى الان مانزلت ؟

up 1 down 1
AbuOsama36 289
قبل سنه



السلام عليكم ورحمة الله وبركاته
بتاريخ 11-8-1438 كنت راجع من الرياض للخبر وجيت مع خط الرياض السريع وتفاجات ان امن الطرق جالس يرصد سرعة وكفشني وانا ماشي 140 او اقل حتى
المهم اول ماوصلت نقطة التفتيش طلب مني الرخصة والاستمارة اعطيته ووقفت على جنب ونزلت الا هو سجل المخالفة علي انا واكثر من 5 اشخاص في نفس المكان.
المهم الى يومنا هذا مانزلت اي مخالفة علي !!
اتصلت على المرور بتاريخ 10/9/1438 وقلت له انه تحرر لي مخالفة مرورية بتاريخ 11/8/1438 ولانزل اي شيء ، قال لي : انتظر حتى تكمل 30 يوم وراح تنزلك!!
ايش الوضع الحين حتى رقم المخالفة لما ادخله في خانة البحث مايطلع لي شيء
جربت هالشرح الي على الرابط
http://bit.ly/2snrnuU
نفس الطريقة مافي شيء مع العلم انه وانا مسافر من الخبر للرياض رصدني ساهر ونزلت ثاني يوم ..
وش رايكم اسكت وانتظر يمكن ماتنزل والا استفسر عنها ؟
انا اتوقع رجل المرور ضيع الدفتر حقه او انه طلع اجازة وباقي ماسلم الدفتر

شوركم ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ماعليك تنزل بس اصبر عليها لحد ماتوصل للحاسب الالي انا نره اخذت 6 شهور بالتمام


up 0 down 0
قراندي 2000 248
قبل سنه



لا تخاف ولا تقلق راح تنزل اذا الله اراد .. شيء فيه فلوس والله العظيم ما ينسونه 
أنا حرروا لي مخالفة مثلك ولا نزلت الا بعد ثمانية شهور نعم ياسادة ( ٨ شهور )

ارتاح وريح نفسك هم في خدمتك في مثل هالامور على مثل الولد البار .. لا تقلق .


up 3 down 1
nasser1430 858
قبل سنه



مخالفة عدن ربط حزام نزلت بعد 4 شهور هههههه
ونزلت مدبلة


up 0 down 0
متسوق جدة 104
قبل سنه



يمكن ماسلم الدفتر ويمكن الخطأ بشي وقول ان شاء الله ماتنزل 


up 1 down 0



مخالفات ساهر تنزل خلال يومين لانها مربوطه بالسستم مباشره
لكن مخالفات المرور وامن الطرف دفاتر يعبيها لين تمتلئ ثم يسلمها القسم ويرفعونها علي السستم
عموما اول ماتنزل تجيك رساله جوال


up 0 down 0
bmw z4 1425
قبل سنه



نفس الكلام
مخالفة تظليل نزلت بعد 5 شهور و 500 ريال ؟؟؟؟؟ ليش ماادري.


up 0 down 0
fsam 212
قبل سنه



ان شاء الله ماتنزل ويمكن الدفتر ضاع ولا العسكري كتب رقم غلط ولا صار شي ماخلاها تنزل وغلطتك انك دقيت عليهم، زي الامور هذي المفروض تفرح وتدعي ربك انها ماتنزل والمفروض الخطوط السريعه يفتحون السرعه الى 140 وهذا الحاصل واتحدا تلقى واحد في الخط السريع يمشي اقل من 140 الا واحد توه شاري قهوه وجالس يشربها الين تغلق


up 1 down 1



انا نزلت لي مخالفة تظليل بعد 4 شهور 150 ريال


up 0 down 0



بتنزل لاتخاف بس اصبر يمكن ستتم متوقف وبيفتح يوم ١٥ او اذا رجعو موظفين الحكومه


up 0 down 0



اذا ماسلم البوك ماتجيك بس بعض الابواك تسقط سهو 
ويتذكرونها بعد فتره ويسجلونها 


up 0 down 0



هههههههه

حاس بشعورك...ومجربه
ودي اقول انهم نسوك..او سامحوك..او ضيعوها

لكن انسى..بتنزل ولو بعد 6 شهور
وسبق اخذت مخالفة نزلت بعد اكثر من شهرين


up 0 down 0
salih-m 369
قبل سنه



صورني يوم الخميس الي راح ساهر ع سرعه عاليه وشفت الفلاش

ولحد الان 9 ايام ومانزلت ان شاء الله ماتنزل


up 0 down 0
tttt35035 835
قبل سنه



لاتفرح انا اخذت مخالفة عام 1437 مانزلت الى قبل شهر

وبموقع ابشر لايطلع موقع الموخالفة ولا الوقت وش الفايدة طيب حاطلي تفاصيل المخالفه


up 0 down 0
abo3edh 312
قبل سنه



مخالفه امن الطرق جاتني بعد٧شهور


ع حسب العسكري  


up 0 down 0
كارنز2015 53
قبل سنه



مخالفة سرعة امن الطرق..جتني بعد اكثر من 6 شهور


لاتستعجل يارجال تبي تجيك
اذا نسيتها ودلهت عنها ماتدري الى الرساله تطب على جوالك
انا رصدني امن الطرق مسرع وحرر لي مخالفه 5 ايام جاتني
بس اتوقع انهم مايسلمون الى وجميع المخالفات تروح مع المندوب
للقياده يدخلونها السستم .


up 0 down 0
ftfr999 269
قبل سنه



المخالفه ووقعت ، انت وشفيك حريص تحرث على نفسك ،،
لاتسال ولاشي خلها على الله تصير توافيق .
ان جت سدد غير كذا انساها .


up 0 down 0
ابو لؤي2017 54
قبل سنه



لاحول ولا قوة الا بالله

الله يعين انا زيك خالفوني بشهر 7 وللحين مانزل شي الله يستر.


up 0 down 0
بوحمد4445 76
قبل سنه



دامها مانزلت خلك ساكت وفك نفسك

لاتدقدق ع احد ولو رحت للمرور ومعك المخالفه الصفراء تراهم بيسجلونه وانت عندهم ويقولك يلا رح سدد


up 0 down 0
fahadhm -3
قبل سنه