أضف سؤال أو موضوع جديد          

العيد و الاهتمام بالسياره

up 2 down 1



السلام عليكم و رحمة الله و بركاته 
عيد سعيد و كل عام و انتم بخير  اخواني أعضاء منتدى حراج 
حبيت اكتب موضوع عن الاهتمام بالسياره في  العيد و ارتفاع أسعار محلات الزينه و مغاسل السيارات 
مثل ما نعرف في العيد كل شخص يهتم بسيارته و نلاحظ هذا في محلات زينة السيارات لدرجة تغيير شكل السياره و لكن يزيد استغلال أصحاب المحلات برفع الأسعار  واترك الموضوع لكم ليكتب كل شخص موقفه مع أصحاب المحلات و ارتفاع الأسعار 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حتى الحلاقين يرفعوا اسعارهم فى العيد هههههه


up 4 down 0
power ved 149
قبل سنه



يابن الحلال غباء الشعب عندك
يعني نتكلم عن غسيل السيارة
ما يغسلون السياره الا قبل العيد بيوم او يومين فأكيد بتكون زحمه على مغاسل السيارات ليه ما تغسلها قبل ب4 او 5 ايام وش المشكله ؟
وبعدين واذا كانت السياره وصخه وش المشكله انت اللي بتتعيد ولا السياره !؟

فأكيد لأجتمعوا الناس على شي معين بيكون عليه زحمه وراعي المحل بيستغل لان عليه زحمه وضغط تبي كذا ولا عادي خفف علينا يعني

بعدين زينة السيارات وش يسون عندها ؟
يعني تضليل وكذا ؟ ولا وش
اذا كان تضليل ولا غيره عادي زينه قبل العيد بأسبوع او اكثر وش المشكله

اساس المشكله هي التسويف
كل شي يخلونه لين اخر لحظه
لا مقاضي العيد ولا غيرها من الامور
وش المشكله اذا شريت اغراض العيد قبل رمضان ؟ بتخرب مثلا ؟ اشترها وحطها في الدولاب الى العيد



up 5 down 2



كلن عقله في راسه ماني مجبور اغسل السياره ٣٠ ريال امسك سرى بساعات الحلاق اروح قبل بكم يوم سبحان الله الاودام يحبون الزحمه


اغسل سيارتي بنفسي عند البيت وازيدك من الشعر بيت شريت من هذيك الطرمبة اللي تضخ موية على غسيل السيارة المنتج جيد وخدوم لان تكلفة غسيل السيارة في المغسلة اربع مرات يساوي قيمة طرمبة غسيل السيارة فا اشريت وحدة وريحت راسي


up 4 down 0
ryyan555 645
قبل سنه





انا قد غسلت سيارتي من يومين 
وذالحين ما شاء الله مرررتاح 
وقد رحت الحلاق وخلصت 


.



up 3 down 0



ريان بكم الطرمبه
وبعض الناس يكبر الموضوع تغسيل سياره ولايغسل الا ليلة العيد وحجز ب100 ريال حلاق.
ومشاكل بالاسواق ومممكن يوصل لشي اكبر



up 0 down 0



امير الأصيل
والله في انواع والأسعار مختلفة في 120 واط وفي 80 واط وفي 60 واط
الي عندي 60واط ودفع الموية جيدة كلفتني سعرها 126﷼ من موقع علي إكسبريس لكن اخذ شهر عبال يوصل لان الشحن مجاني


up 0 down 0
ryyan555 645
قبل سنه



خلص امورك قبل العيد والزحمات اما الحلاقه صح مشكله لازم تحلق ليله العيد والله يعين ع الزحمات لكن الحمدلله خصلت من بدري


up 0 down 0
كارينو 539
قبل سنه



صدقت توي شفت زحمه عند مغسله وقلت في نفسي 
الواحد لو يغسل السياره قبل العيد بيومين ماكان صارت
هالزحام. قبل يومين الواحد يغسل ب١٥ ريال 
والحين استغلال ب٣٠ريال. والسيارات الكبيره دبل 

بالنسبه لي السياره غسلتها قبل اسبوع. 
واشوفها ماتحتاج غسيل. 
بالعيد اهم شي الثوب نظيف والباقي عوافي. 


الحلاقة في البيت وغسيل السيارة في البيت
منها تفتك من الزحمات والأسعار المبالغ فيها ومنها تتونس


up 1 down 0
skakawi 36
قبل سنه



عليك السلام علينا وعليك يتبارك وعلى الجميع والله بالنسبة لي ماعرف شي اسمه مغسلة سيارات الا في وقت الأمطار اروح لها الحمدلله اغسلها دايم عند البيت عندنا خزان بالحوش موصل منه لي الى الشارع والحلاقه امس خلصت ومتقضي قبل اسبوع 


up 0 down 0