ماهي الكفرات المناسبة وماهو رايكم بجنوط يارس

هانكوك. كوري. خذ ياباني افضل. يوكوهاما. او تويو

بما ان السياره يارس
وفر فلوسك وركب صيني وفيه منها انواع كثيره

حياك اخوي مقاس كم اللي فيها ؟؟؟؟

هانوكوك ممتااااازة ورخيصة
لها سنتين راكبة بالفورد بس عبي نتروجين
اما الجنوط نصيحة لوجه الله لا تركب صيني
اذا لا قدر الله ضرب عليك الكفر او دقيت رصيف تراه ينكسر
عكس الاصلي ينطعج
ولو انكسر مالك الا سطحة
وممكن توديك في داهية

مركب جنوط صينيه من سنه وشوي اكلت حفر جامده ومطبات والحمد الله ما صار فيها شي الكفرات مجرب الهانكونك تعبان سنه ويحبل توتو ياباني ممتااااااز من تجربه للنوعين

مشكله الكفرات كل واحد يعطيك تجربته ويعمم عليها سواء بالسلب او الايجاب

يعني مثلا ماتوفق مع الهانكوك خلاص يعمم ان الهانكوك كل ابوه فاشل مع انه يجي اكثر من 100 نوع ومقاس بل انه يجي احياننا 3 انواع أو 3 دعسات مختلفه لمقاس واحد

هانكوك مشكلته مع الكفرات اللي ارتفاعها 60 واقل .. طبعا ممكن تتلافى مشكله التحبيل المنتشره بالمقاسات ذي انك تاخذ كفر رمز تحمله عالي وراح تحصله عند وكيله ابن شيهون فقط لانه هو الوحيد اللي ينزل دعستين او ثلاث للمقاس اللي تبيه .. اما البناشر ماياخذون الا الارخص واخر همهم العميل

بعدين خذها قاعده تبي كفرات لاتركب الا من الوكيل نفسه .. خصوصا لو كنت بمدينه رئيسيه او شبه رئيسيه هنا مالك عذر تتجاوز الوكيل وتاخذ من البناشر الاغلى سعر والاقدم تاريخ وفوق ذا احتمال يكون كفر مغشوش (( معاد تصنيعه بدوله الامارات الشقيقة ))

تبي تفاصيل اكثر اضغط على اسمي وشوف اول موضوع وبإذن الله يفيدك ويفيد كل من يقرأ

انا مركب لسيارتي ماكسيس ماشاء الله جيدة وجودة عالية وماخذ مقاس عريض اعرض من النحيف

ترى حتى الكفرات الصينية انواع ودرجات 
مستغرب من اللي يحط دسلايك وبس

يكون بعلمك انا مستخدم نوع rapid استخدمتها سنه وثلاث شهور

ورحت فيها من الشرقية إلى الرياض كذا مرة والحمد لله ولا مرة انفجر في خط او في المدينة
ومع ذلك امشي احيانا 140 وحولها .. بس خذا نوع ممتاز يتحمل الحرارة وباقي المواصفات الطيبة

وهانكوك لاشك نوع جيد للي ما عنده قدرة على شراء انواع ممتازه مثل ميشلان و قوديير وغيرهم...

وبالنسبة للجنوط الصينية هذي ما انصح فيها اطلاقا وخلك على جنوطك ابرك لك.

والسلام.

كفرات هانكوك من الوكيل بن شيهون وركب نيتروجين وابعد عن الجنوط الصيني

الهانكوك ممتاز وانصح فيه على السيارات الصغيرة 

بس عيبة الصوت يعني له صوت عكس الدانلوب 

لا تاخذ من البناشر لانها مخزنة خذ من الوكيل مديل السنة او اخر دفعة وصلت

 انا عندي اكسنت ومن يوم شريتها من ٤ سنوات تقريباً
وانا اغيرلها كفرات اندلوسي والحمدلله تمشيني 
سنه ونص الى سنتين وبنفس السعر الي قلت عليه 

من تجربتي أنصحك بإطارات جينيو(صينية)
ركبتها وكانت أول تجربة لي مع الكفرات الصينية
جدا ممتازة وفاقت توقعي بصراحة
أذكر سعرها عند الوكيل بـ 190 ريال لمقاس 17 قبل سنة تقريبا

الكفرات مهمه بالسياره لا تستغليهن تراهن قد ينجن حياتك بعد الله سبحانه خذ الاصلي وتوكل على الله ،، والهنكوك ممتاز ولين عن تجربه حط الظغط على 32 وتصير الراحه تمام وبالنسبة للجنوط ابتعد عن الصيني وابتعد عن الجنط الكبير راح تتحسف اذا شريته لا راحه ولا ينفعن مع الحفر ازعاااج


بالتوفيق .. 

عندك نيكسون كوري ممتاز وهادي مع المطبات