أضف سؤال أو موضوع جديد          

هل الكويلات لها ترتيب

up 3 down 0
ryyan555 530
قبل 3 شهر



السلام عليكم ورحمة الله وبركاته
يارس 2009
اخواني مثل ماهو واضح من العنوان الكويلات لها ترتيب ام ان عادي كل يركب مكان الثاني
لان اليوم صلحت سيارتي بنفسي ^^غيرت وجه المكينة عند ورشة صاحبي واشتغلت لحالي
وكل شي تمام بس غلب علي خطأ ان الكويلات يوم فكيتها ما حسبت ترتيبها
وهالحين السيارة تتفتف وتقطع حتى مع الدعس أثناء القيادة احسها مكتومة
غلب على ظني البوابة ونظفتها لكن بدون فايدة وتوني افتكر ان الكويلات ركبتها عشوائي
لو كان لها ترتيب كيف اعرف والسموحة منكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اللي اعرفه الكويلات مالها ترتيب
أسلاك البواجي هي اللي لها ترتيب
لاكن تأكد أن ماعليها زيت


up 2 down 0
ابوسما9999 133
قبل 3 شهر



الكويلات مالها ترتيب
تقدر تركب الثالث مكان الرابع او الاول مكان الثاني
كلها نفس بعض


up 3 down 0
الرفاعي33 13013
قبل 3 شهر



شوف الكويلات مالها ترتيب التفتفه القويه البواجي اكثر شي بس شوف الكويلات او البواجي 


up 1 down 0



الكويلات لها ترتيب. لكن بعد فصل البطارية تحتاج برمجة. اذا ماتبرمجت لحالها


up 1 down 0
ابومزعل 164
قبل 3 شهر



الكويلات مالها ترتيب بس لها سوسته أحيانا تطيح وتسبب تتفهم
تأكد أن السوست حق الكويلات موجوده


up 4 down 0
عمده33 1241
قبل 3 شهر



الحمد لله تم حل المشكلة
المشكلة وما فيها ان انا اللي اشتغلت على السيارة بنفسي في تغيير وجه المكينة والحمدلله انا لست بعالم ولا خبير لكن نتعلم ولابد من ان ارتكب خطأ لان الخطأ هو اللي يعلمك :)
رجعت لورشة صاحبي ومن صوت المكينة قالي مشكلتك في الكويلات واحد منهم مو شغال فكيت الكويلات كلها لقيت اثنين منهم الجلدة مقطوعة غيرت الجلدة من عند صاحبي في الورشة عنده لان قطع غيار مافي الا كويل كامل مع الجلدة المهم غيرت الجلدة وركبناه باقي التفتفة موجودة والدعسة ثقيلة، فحصنا البخاخات سليمة فحصنا البواجي سليمة، فحصنا الكويلات والسيارة شغالة اثنين منهم مو شغال الاول والثاني!!!!
وجا صاحبي قالي يكلفك 450﷼قيمك الإصلاح لان انت خربته والله وقتها ضاق صدري وزعلت وجلس يضحك يقول الله يهديك انت عكست اسلاك الكويل هههههه يوم كنت اطبق الكويلات عكست سلك الكويل ركبت سلك الكويل الاول في الثاني وسلك الكويل الثاني في الاول <<<السموحة م عندي خبرة^^
ويوم رجع الاسلاك مكانها والسيارة شغالة صوت المكينة صارت كدة عننننننننننننن ارتاحت كانت مكتومة لان كويلين شغالة بس
والحمدلله هالحين السيارة من أفضل ما يكون ولله الحمد
هذا ما حبيت اشاركم فيه، يمكن المشكلة للبعض عادية وللبعض الاخر مهمة وكان ودي اصور من يوم بديت في تغيير وجه المكينة لكن مقدر اشتغل واصور لان يدي تكون معدومة واعدم الجوال وغير كدة مقدر اطول في الورشة لان الورشة مو لي لصاحبي اصلح سيارتي عنده بنفسي منها اتعلم ومنها يراعيني في السعر ، والشغل اللي سويته ما رضي ياخذ ريال واحد مع اني حاولت معاه اعطيه 100 او 50 ما رضي ياخد الله يفتح عليه ويوسع في رزقه

واسال الله ان يتقبل صيامنا وقيامنا وصالح الأعمال ويرزق كل عازب بالزوجة والذرية الصالحة



up 4 down 0
ryyan555 530
قبل 3 شهر