كم اسعار البرادو من 2012 الى 2013 نص الفل

اضغط على يسار الشاشه (حراج) مكتوبه باللون الازرق

اختر الشركه (تويوتا)
اختر نوع السياره (برادو)
اختر الموديل (2013)

وبتظهر لك موديلات 2013 وبتقدر تتعرف على متوسط اسعارهم في السوق من خلال مشاهدتك لاكثر من اعلان للسياره

اذا 6 سلندر من 75 الى 90 حسب الموديل والنظافة

ياجماعة الخير اللي خلاني اسال ان فيه بعضهم يعرض سسارته ويطلب فيها مبلغ كبير يوصل الى ٩٥ او ٩٠ فيه اسعار فلكية

هذا وكثير مثله..يقول وش ضرني احطها بالسعر الفلاني جابتها
ولا الدعوى كلها ضغطت زر

انزل الحرااج...وشوف اسعار اصحاب السيارات الي يكونون فيها ماهي الي موقفه بمعرض

ولف ع اكثر من اعلان بالموقع...وتعرف الاسعار تقريبا

والافضل تنتظر اذا يمديك..لان مع زيادة البنزين بيزيد كميات تصريف الجيوب والجموس
والله اعلم

95 لاتحطها غير ب2014 او 15 يكون ممشاه اقل من 80 الف كيلو

اليوم رايح معارض الشفا برياض شايف لاند 2009 فل كامل 8 سلندر وممشاه 170 تقريبا مبيوع 60 يعني اسعار الموقع جدا غاليه