هل منظف البخاخات يخرب السياره؟

افضل منظفات هو مستوبيشي ومكتوب على العلبه  والموقع
الخاص بهم ... علبه وحده للي سعة التانكي عنده ٧٥ لتر
واللي اكبر يضيف علبه ثانيه ،،،  وتضيفه ثم تعبي فل وانتهى  
.
بعضهم يحط المنظف ويخليه الين ما التانكي يصفر !!!
والصحيح خل البنزين عندك دايم ماينزل عن الربع !!
.
للتوضيح في موقعهم ينصحون بشده استخدامه كل ٢٠ الف !!
لكن كل ٣٠ او ٤٠ الف مثالي وجيد.  
وايضا المنظف صنع للبخاخات فقط ، ويفضل تغير صفاية البنزين
قبل اضافة المنظف . 
والله يوفقك وارتاح من ناحية المنظف من يوم طلعت موتري وكاله  
وانا دايم احط المنظف كل ٤٠ الف واغير معها الصفايه
والحمدلله على كل حال الوضع ممتاز  

انا كانت عندي كامري 2002 وجربت منظف البخاخات والله انة خرب علي السيارة وزادت صرفيتها للبنزين بقوة ولم احل هذه المشكلة حتى غيرت البخاخات من المكاين المستوردة من اليابان ونصيحتي لك اذا عندك مشكلة خل اخر شي البخاخات

الجوابر
وش نوع المنظف الي استخدمته ؟ ممكن اسمه ؟

ما عمري استخدمته والسياره من يوم خذيتها كانت ماشيه 146 الف
والحين ماشيه يمكن 225 الف حولها
بس احس مرات بتفتفه وضعف العزم مو مثل اول
مع العلم محافظ على تغيير الزيت وتغيير البواحي والصفايه مغيرها بعد

ومرات احس ان السياره بتطفى علي وهي على D
وفعلا طفت علي وانا واقف فالاشاره قبل كم يوم

a.z.insaiw

نظف بوابة الهواء (الثروتل)

قصدك بوابة المكينه ؟

انا استخدمة منظف من ساكو سعره 170 ريال

لما حطيته على المكينه بعد 10 كيلو شميت ريحه من المكينه و هي ريحت السياره يوم تدعس فيها على اخر شي

مع العلم انه يطلع لي بالعداد الصرفيه 14.7 و لما حطيت البخاخ بعدها بأسبوع صار الصرفيه بالعداد 12.4 يعني فرق معي بـ 2 لتر

الي معي فورد 2011 فـ حسبتها كم تصرف لتر لكل 100 كيلو فـ اول كانت 14.7 و الان 12.4 لكل 100 كيلو اشوفه فرق معي

ايه بوابة المكينة الي بعد قربة فلتر الهواء لان اذا تجمع فيها الاوساخ اعراضها زي ماقلت تفتفة وضعف العزم وكأنها بتطفي

تنظيف البخاخات رح لمحل فيه جهاز تنظيف البخاخات يفكهن وينظفهن وغير الصفاية حقت البنزين مرة وحدة وخلاص هذا افضل تنظيف اما علب التنظيف مامنها فايدة

و عليكم السلام ورحمه الله و بركاته

نظف بوابه الهواء و فلتر الهواء لابد يكون أصلي لأن التجاري يسبب كتمه للسيارة

الشيء الأخر فيه حساس بين الفلتر و بوابه الهواء لازم تنظفه ترش عليه منظف الكترونيات ثواني فقط يكفي

و تروح التفتفه معك و الكتمه خاصه اول ما تشغلها

البوابه منظفه من 3 اشهر تقريبا وفعلا اذا نظفتها يختلف العزم والدعسه تصير خفيفه
لاكن هل كثر تنظيف البوابه يخرب المكينه ؟
انا اخذ منظف ابو 15 ريال اسمه اسدلكو اتوقع واوديه للورشه
وهو ينظفها

وبالنسبه للفلتر ان شاء الله بغيره اصلي واشوف الفرق

dark evil المنظف اخذتة من شركة العيسائي ميستوبيشي

دائما المهندسيين يغلطوا باستخدام الاسديلكو ما ينفع لتنظيف بوابة لانه ماده زيتيه
ما يجف بعد الاستخدام و يجمع الاوساخ
الافضل تاخذ منظف خاص يجي مكتوب على العبوة
Cleaner Throttle body , Air Intake
يباع في محلات العدد او ساكو سعره 30 ريال

اما منظف البخاخات ماينفع للسيارات اللي مشت
كثير 200 الف و فوق لان لازم تعمل تصفيه للسياره
من صفايه و فلاتر هواء و بواجي و تنظيف البوابة مع ثلاجة المكينه
و تنظيف بخاخات بالجهاز .