ظاهرة الرش التجميلي للسيارات

رش تجميلي تهون عند المكيف مايبي الا فريون ..

ههههههههههههه
والله صادق نص السياره مرشوش والمشكله المعجون واضح 
ويقول لك تجميلي ..
ولا يقولك راش تجميلي عشان يطابق اللون مع الصدامات
ولا موديل ٢٠١٥ ومجدد اللون ..
الواحد اللحين يحسب لاغش اخوه المسلم ذي شطاره ولا فطانه
مايدري ان الزمن يدور بيجي يوم وينغش 

أنا رشيت الكبوت والرفرفين الأمامية والسقف تجميلي

السيارة يوكن 2004 واللون كحلي ورشيتها لأن البوية بهتت وكنت أبغى أفحص السيارة

المشكلة في السيارات موديل 2016 ويقول رش تجميلي فهذا ابعد عنه أحسن لك لأنه كذاب والصدمة واصلة المكينة

وفيه حركه ثانيه 
تجي مثلا تعلن مثلا عن جوال ايفون للبيع 
يجيك واحد في الردود ويكتب بعد اذن المعلن عندي ايفون للبيع 
تطفل غريب طيب سوي لك اعلان 

كلمة رش تجميلي 
هي كلمة جديدة في عالم بيع السيارات 

راح افسر لك باختصار 
انت لو قلت المقدمة مرشوشة راح ينزل من سعر السيارة كم ألف
لانه يفكر انه حادث 

ولو سكت وكتمت 
راح يفحصها ويكتشفها 

طيب كيف تعلمه وبنفس الوقت ما يطيح شي من السعر الا قليل
قله ( رش تجميلي ) وبس


هذي يستخدمها الكثير خدعة ( ماهو كذب لكن اسميها خدعة )
وليس الكل 

حرف الألف
يوم تقول (ماهو كذب لكن اسميها خدعة)
يعني شايفها شطارة منهم وعيب نقول انهم كذابين؟

كله كوم وكلمة مخزن كوم

اي شخص يبغى يرفع قيمة موتره فقط ضع الرشة السحرية وهي كلمة مخزن 

على باله الناس مدمغة وتنساق ورا المصطلحات الي لاتبت للواقع صلة

عداد المسافة 200 الف مخزن مامشت !! احلف بالله انها مامشت 

وكلنا عارفين ان 200 الف هذي نص عمر المكينة بغض النظر عن موديل السيارة

عن نفسي تقولي رش تجميلي تقول رش كبر الكف هذا الكلام مايمشي معي

فحص الكمبيوتر من إلي هاذي تطلع فضايحكم هاذاك كان زمان تغشون الناس

الأن فيه مراكز متخصصه للفحص تبين عيوب الموتر من بدي ومكينه وقير وشاصي الخ

الله يعز مركز الفحص الي طلعنا على حقيقتكم ياشريطيه وغشكم الي مانخلص منه ..

اهم شي اللي يقولك البودي وكالة والشاهد الله ما غير رفرف يسار وباب المعاون الأمامي والخلفي والشنطة مغيره واحد ريح علي بسيارته في المواقف وطرف الكبوت من حجر طاح من تريلا وانا مسرع ههههه كل ده ووكاله

شوفو ردي بالأعلى هذا واحد شريطي ماأعجبه كلامي حطلي دس لايك هههههههه

أبيكم تثبتون له العكس وتعطوني لايك

أنا أبي أعرف كيف يسمح لنفسه يأكل حرام ..؟ مايأنبه ضميره ..!

السلام عليكم

ياشباب لا تشترو على كلام المعلن روحو افحصو في أكثر من ورشة وياليت كمبيوتر لأن الشريطيه محترفي يقول لك تعال هنا محل فحص رخيص قول له لا يروح مركز ثاني انا الي بختاره ورحمة افحص

اخوي شايف كادينزا بالحراج نص فل 2017 ب 62 الف قال سعرها مناسب والرجال قال نظيف مافيها ولا حكه طبعا من موقع حراج هو وتواصل معاه وراح جربها وفحصها وحصل الارباقات طالعه + الصدمة قوية لدرجة وصلت المكينة والشاصي فيه ضربه والكمر الخلفي فيه ضربه و رش كبوت ورفارف وصدامات أمامي وخلفي ورفارف خلفيه مقصوصه مادري وش علم السيارة مقلوبه ولا مصدومه
ولا الرجال يقول والله أخذتها مادري عنها ولا فحصتها اخوي سحب عليه وقال له ادفع قيمه الفحص والحين الرجال يحاول فيه اتصالات يقول هذه ب 45 الف هههههههههه


وفيه ناس يغيرون كبوت ورفرف انتبهو يغيرونها تشليح ولازم تشوف السيارة مسمار مسمار ولازم تحذر مركز الفحص اذا طلعت فيها شي وماتكلمو أو متفقين مع صاحب السيارة يبلغ

الزبده لازم افحص في أكثر من مركز للحرص ونشوف بطن الموتر والله يرزقك الجميع مرسيدس يخت 2018

كل يهون. الا قص السيارة. وضربة الشاص الغش فيها حرام

فيه حركه ثانيه يسوونها الي مايخافون الله
يشري الموتر عداده ماشي واجد يروح يلعب بالعداد
يخليه ممشى معقول فيهم ناس محترفه
كيف تكشف هذا التلاعب اول شي شف ممشاء السيارة
الي مسجل بورقة الفحص الدوري ثم شف ممشاء السيارة العداد
اذا مان الفرق كبير جدا مثال الفحص مسجل 230 الف والعداد 130 الف
تتضح معاك انهم لاعبين بالعداد البعض منهم يبيعك السيارة بدون فحص ويقول الفحص عليك
هو اصلا رايح وفاحص السيارة قبل لاينزلها المعارض ثم يطلع عنده تبهيت بويه
لازم يرش الموتر يقول خلني ابيعها بدون فحص يجيه واحد عليمي ويشتريها
ثم يقول له مندوب المعرض الفحص يقول لازم رش بويه
ويالله خذ من الخساير بنسبه لي مستحيل اشتري سياره ماعليها فحص دوري واستماره جديده
واجربها بنفسي ثم لاقتنعت منها وديتها فحص كمبيوتر اذا طلع فيها اعطال ماذكرها لي احمله قيمة الفحص