أضف سؤال أو موضوع جديد          

ظاهرة الرش التجميلي للسيارات

up 7 down 3
الملك المجهول 170
قبل 4 سنه و 5 شهر



السلام عليكم

يا شباب بما اني ادور على سياره هالفتره لفت انتباهي شي

الا وهو " قولة ""رش تجميلي """

حوالي 15 سنه  استخدمت فيها سيارات كثيره
وماعمري رشيت بويه من دون سبب


ممكن افهم واحد راش الوجهيه تجميلي بسبب ترميل
ممكن افهم واحد راش بويه كامله بسبب تبهت البويه اذا كانت السياره قديمه

اما يجيني واحد يقول راش الرفرف الامامي الايمن تجميلي
والا راش الباب الخلفي تجميلي

سلامات ياشيخ
اتقو الله في المسلمين
اذا فيه مخش بسيط ممكن تغطي مكانه بويه فقط دون الحاجه  لرش الرفرف كامل


اللي ابي اوصله ان مستحيل يرش رفرف تجميل الا اذا كان حادث وتسمكر او تغير كامل

سمكرت علم المسلمين
غيرت وكاله قل غيرت وكاله

اما سالفة الرش التجميلي فهذي فقعت مرارتي صراحه

هذي نقطه حبيت اذكرها لاني لاحظتها بزياده







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


رش تجميلي تهون عند المكيف مايبي الا فريون ..


up 10 down 1
شرقااااااوي 653
قبل 4 سنه و 5 شهر



ههههههههههههه
والله صادق نص السياره مرشوش والمشكله المعجون واضح 
ويقول لك تجميلي ..
ولا يقولك راش تجميلي عشان يطابق اللون مع الصدامات
ولا موديل ٢٠١٥ ومجدد اللون ..
الواحد اللحين يحسب لاغش اخوه المسلم ذي شطاره ولا فطانه
مايدري ان الزمن يدور بيجي يوم وينغش 


up 3 down 0
سلطان_28 269
قبل 4 سنه و 5 شهر



أنا رشيت الكبوت والرفرفين الأمامية والسقف تجميلي

السيارة يوكن 2004 واللون كحلي ورشيتها لأن البوية بهتت وكنت أبغى أفحص السيارة

المشكلة في السيارات موديل 2016 ويقول رش تجميلي فهذا ابعد عنه أحسن لك لأنه كذاب والصدمة واصلة المكينة


up 2 down 0
أبو عبادة 4852
قبل 4 سنه و 5 شهر



وفيه حركه ثانيه 
تجي مثلا تعلن مثلا عن جوال ايفون للبيع 
يجيك واحد في الردود ويكتب بعد اذن المعلن عندي ايفون للبيع 
تطفل غريب طيب سوي لك اعلان 


up 6 down 0
عادل الانصار 107
قبل 4 سنه و 5 شهر





كلمة رش تجميلي 
هي كلمة جديدة في عالم بيع السيارات 

راح افسر لك باختصار 
انت لو قلت المقدمة مرشوشة راح ينزل من سعر السيارة كم ألف
لانه يفكر انه حادث 

ولو سكت وكتمت 
راح يفحصها ويكتشفها 

طيب كيف تعلمه وبنفس الوقت ما يطيح شي من السعر الا قليل
قله ( رش تجميلي ) وبس


هذي يستخدمها الكثير خدعة ( ماهو كذب لكن اسميها خدعة )
وليس الكل 


up 1 down 11
الصقر2022 1025
قبل 4 سنه و 5 شهر



حرف الألف
يوم تقول (ماهو كذب لكن اسميها خدعة)
يعني شايفها شطارة منهم وعيب نقول انهم كذابين؟


up 4 down 1
فهد المحمدي 1410 168
قبل 4 سنه و 5 شهر



كله كوم وكلمة مخزن كوم

اي شخص يبغى يرفع قيمة موتره فقط ضع الرشة السحرية وهي كلمة مخزن 

على باله الناس مدمغة وتنساق ورا المصطلحات الي لاتبت للواقع صلة

عداد المسافة 200 الف مخزن مامشت !! احلف بالله انها مامشت 

وكلنا عارفين ان 200 الف هذي نص عمر المكينة بغض النظر عن موديل السيارة


up 3 down 0
عربة للسيارات 1665
قبل 4 سنه و 5 شهر



عن نفسي تقولي رش تجميلي تقول رش كبر الكف هذا الكلام مايمشي معي

فحص الكمبيوتر من إلي هاذي تطلع فضايحكم هاذاك كان زمان تغشون الناس

الأن فيه مراكز متخصصه للفحص تبين عيوب الموتر من بدي ومكينه وقير وشاصي الخ

الله يعز مركز الفحص الي طلعنا على حقيقتكم ياشريطيه وغشكم الي مانخلص منه ..


up 3 down 6
.. بـدر الـحـمـد .. 249
قبل 4 سنه و 5 شهر



اهم شي اللي يقولك البودي وكالة والشاهد الله ما غير رفرف يسار وباب المعاون الأمامي والخلفي والشنطة مغيره واحد ريح علي بسيارته في المواقف وطرف الكبوت من حجر طاح من تريلا وانا مسرع ههههه كل ده ووكاله


up 5 down 0
mr.teto 594
قبل 4 سنه و 5 شهر



شوفو ردي بالأعلى هذا واحد شريطي ماأعجبه كلامي حطلي دس لايك هههههههه

أبيكم تثبتون له العكس وتعطوني لايك

أنا أبي أعرف كيف يسمح لنفسه يأكل حرام ..؟ مايأنبه ضميره ..!


up 6 down 4
.. بـدر الـحـمـد .. 249
قبل 4 سنه و 5 شهر



السلام عليكم

ياشباب لا تشترو على كلام المعلن روحو افحصو في أكثر من ورشة وياليت كمبيوتر لأن الشريطيه محترفي يقول لك تعال هنا محل فحص رخيص قول له لا يروح مركز ثاني انا الي بختاره ورحمة افحص

اخوي شايف كادينزا بالحراج نص فل 2017 ب 62 الف قال سعرها مناسب والرجال قال نظيف مافيها ولا حكه طبعا من موقع حراج هو وتواصل معاه وراح جربها وفحصها وحصل الارباقات طالعه + الصدمة قوية لدرجة وصلت المكينة والشاصي فيه ضربه والكمر الخلفي فيه ضربه و رش كبوت ورفارف وصدامات أمامي وخلفي ورفارف خلفيه مقصوصه مادري وش علم السيارة مقلوبه ولا مصدومه
ولا الرجال يقول والله أخذتها مادري عنها ولا فحصتها اخوي سحب عليه وقال له ادفع قيمه الفحص والحين الرجال يحاول فيه اتصالات يقول هذه ب 45 الف هههههههههه


وفيه ناس يغيرون كبوت ورفرف انتبهو يغيرونها تشليح ولازم تشوف السيارة مسمار مسمار ولازم تحذر مركز الفحص اذا طلعت فيها شي وماتكلمو أو متفقين مع صاحب السيارة يبلغ

الزبده لازم افحص في أكثر من مركز للحرص ونشوف بطن الموتر والله يرزقك الجميع مرسيدس يخت 2018


up 1 down 1
hossam 6724 401
قبل 4 سنه و 5 شهر



كل يهون. الا قص السيارة. وضربة الشاص الغش فيها حرام


up 0 down 0
ابومعتز2019 390
قبل 4 سنه و 5 شهر



فيه حركه ثانيه يسوونها الي مايخافون الله
يشري الموتر عداده ماشي واجد يروح يلعب بالعداد
يخليه ممشى معقول فيهم ناس محترفه
كيف تكشف هذا التلاعب اول شي شف ممشاء السيارة
الي مسجل بورقة الفحص الدوري ثم شف ممشاء السيارة العداد
اذا مان الفرق كبير جدا مثال الفحص مسجل 230 الف والعداد 130 الف
تتضح معاك انهم لاعبين بالعداد البعض منهم يبيعك السيارة بدون فحص ويقول الفحص عليك
هو اصلا رايح وفاحص السيارة قبل لاينزلها المعارض ثم يطلع عنده تبهيت بويه
لازم يرش الموتر يقول خلني ابيعها بدون فحص يجيه واحد عليمي ويشتريها
ثم يقول له مندوب المعرض الفحص يقول لازم رش بويه
ويالله خذ من الخساير بنسبه لي مستحيل اشتري سياره ماعليها فحص دوري واستماره جديده
واجربها بنفسي ثم لاقتنعت منها وديتها فحص كمبيوتر اذا طلع فيها اعطال ماذكرها لي احمله قيمة الفحص


up 0 down 0
ftfr999 271
قبل 4 سنه و 5 شهر