استفسار توضيب

كلاكك صحيح 100 %
_____________. واسمح لي ان اضيف عليه . أن الغرض او الهدف الفعلي من السؤال. هو
الوصول الى اقرب الاجابات الشافية والوافية وسماع اكثر المعلومات والاراء قرباً من المشكلة. والادق من ذلك
ان تكون من خلال تجربة مر بها احد المشاركين.
______________________________________
وليس الغرض من السؤال ايجاد حلول او البحث عن فحص كمبيوتر.
______________________________________
بارك الله فيك . ورمضان كريم..

بيني وبينك كثير من المواضيع مايعرف يوصف المشكله من الاساس

يعني مثلا يقول عندي صوت بالموتر وبس (( بالله فهمت شي من استفساره )) !!

فيه 2000 صوت يطلع بالموتر حدد اكثر وانا اخوك قل مثلا صوت طقطقه صرصرة تكتكه .... الخ بعدين حدد مكانه ومتى طلعت لك المشكله وباقي التفاصيل علشان تحصل اجابه كااافيه ووافيه

وتذكر بالنهايه شي واحد (( فهم السؤال نصف الاجابه ))

لن بالعقل محد يقدر يعرف المشكله من الصوت
حتى لو كان مخترع السياره نفسه
يعني اجي اسالك في صوت بالمكينه طق طق طق وبعدين يختفي ويزيد مع دعسة البنزين
ممكن يكون مر عليك الصوت من مشكله معينه او مكان معين
والشخص الثاني مختلفه مشكلته بس نفس الصوت

بقولك على موقف صار لي ومحد قدر يجيب الحل
وقفت عند مطعم وقفلت السياره رجعت اشغل ما تشتغل
قلت قبل لا اروح عند كهربائي اكلم الشباب واللى يقولي اشتراك
واللى يقولي افصل اصبع البطاريه واللى يقولي حساس البنزين
فـ رحت للكهربائي شيك على كل اللى قالوه الشباب + انحرق السلف من كثرة التشغيل
في النهايه المشكله طلعت من الطبلون يعطي قراءة غلط لتانكي البنزين في الطبلون البنزين على النص
والسياره مافيها بنزين فـ عبية البنزين وغيرت السلف والحمد لله
فـ بختصار عط الخباز خبزه لو اكل نصه

غالبا الحلول تكون مبنيه على تجارب سابقة لنفس المشكله لذلك يعطيك التوقع الي صار معاه قبل ويمكن ماينفع لان المشكله ممكن تتكرر فاكثر من سياره بس سببها وحلها يختلف

قد نزلت موضوع عن ارتفاع حرارة السياره عندي وقلت بطلع الورش افحص وامشي على الحلول الي ذكروها الشباب
واخرتها طلع كيس ناشب فاالاديتر !!!
وانت عارف مشاكل الحراره لها اسباب كثيره
ومحد يقدر يوصل لها الا بعد مايفحص ويجرب السيارة

الردود والحلو التوقعيه مبنيه على تجارب سابقه
فالشخص يروح يستخدم جميع الحلول الي ذكروها الشباب له مبدئيا
واذا ماطلع بنتيجة ماعنده الا يفحص كمبيوتر ويجرب الموتر عند الفحص

فحص الكمبيوتر لما هو مرتبط بالكهرباء فقط...
بعض الأمور تحتاج واحد مجرب او متخصص بالميكانيكا مثلا..
اذا كانت المشكلة ليست كهربائية
وشكرا للجميع.

بس بعض المواضيع تفقع المرارة 

مثل حطيت بنزين 91 او 95 بالغلط وش اسوي

او الكفرات فيها تحبيل ورجة اغيرها او لا 

وغيرها من المواضيع البديهية 

المفروض الواحد يرد بأمانه وعن خبره او تجربه
ولا يكون الرد لمجرد الرد فقط
لان بعض الردود تودي لستين داهيه

انا اتفق مع شرقااااااوي

يعني يجيك واحد يقول محتار بين جنسس وازير بالله وش تبغى تسوي فيه اكيد وبلا مقارنة جنسس

من غير الي يسأل اشياء تافهة اذكر مرة واحد سأل يقول هل يركب اسطب افالون 2013 على 2016 علشان 16 غامق
طيب ما يحتاج تسأل الشكل واحد اكيد بيركب

هي الفكره  الي بغيت  اوضحها  انو  فيه  ناس  ميعرف  يغير  الكفر   لو  بنشر  يعني  لا  تستغرب   لو  قلت  صوت  غريب  ومدري  ايش  لنو  ميدري  حتي مصدر  الصوت  من  فين