ما اهو افضل حل لهاذي الحيره

سجل بكريم و اوبر خاصه انك عزوبي

شرط راتبك ما راح تلمسه

ومضمون أكثر من التجارة لأن رأس المال بسيط

بالنسبه لتجاره وانا اخوك
50 الف ماتفتح مشروع ممكن تروح اجار
وبعدين تخاف من الخساره
لان التجاره والمشاريع لازم تكون قوي علشان تدعم وتغطي
ابو عبدالله نصحك بكريم اذا كنت بمدينه كبيره فيه خير
والله يكتب لنا ولكم وللجميع الخير

انا اخوي فتح مطعم شورما برستد فطاير
صراحه تمنى انه مافتح ابدا
اول شي قلق مع العمال
اذا جاب معلم عربي طمع فيك ويبي يكوش على المطعم ويعطيك قرش بسيط
اي خطا تندبس بغرامه
اذا حسبت التكلفه واللي تشتري
مواد ... غاليه
عندك ايضا السوق نايم
يعني شغلك بالشركه واذا فضيت اشتغل في كريم افضل لك
صدقني 50 الف ماتفتح لك حلاق خاصه اذا انت بمدينه كبيره واحسب الاجار فقط
عاد شف كم يدخل لك
انا ماقول لاتشتغل مشاريع بالعكس اطلب الرزق
ولاكن امسك وظيفتك اللي تمشي لك راتب شهري على الاقل يمشي القسط اللي بظهرك
و50 الف استثمر فيها لامانع
مع كريم ايضا حلوه

والله يرزقك ويوفقك

عليكم السلام
الوظيفة في اوطاننا أمان بعد اللة عز وجل .. لكنها للأسف طول العمر في مكانك
الجاي كثر الرايح !
اما التجارة تحتاج مغامره وطولت بال وهي توافيق من الله .. واغلب الناس يفتح تجاره ويشد حيله شهر او سنه وبعدها يمل ويترك الدنيا للعمال
وبالتالي يفشل ..

اتكل على الله وجرب حضك وحاول تدخل بشغل مضمون والله يوفقك

وين الامان في اوطاننا الوظيفه

الحكومي فقط أمان

مهما تهمك بعملك و تتأخر ما يفصلونك ولا يعاقبونك

أما القطاع الخاص أي وقت يقولون أمسك الباب

حتى لو بدون سبب فيه البند 77 بنظام العمل

يقولك صاحب العمل يمسكك الباب أي وقت بدون سبب

مقابل يعطيك راتب مقدم فقط و لا تقدر تشتكي ولا شيء

خذ نصيحة مني

انا كنت مثلك وسجلت في كريم واوبر وايزي تاكسي

والحمدلله الراتب ماعرفه الا اسدد به كهرباء البيت وفواتير الجوال وبيانات انترنت بس

coco13 / والله انا ودي اسجل في كريم بس ما باليد حيلة موتري موديله اقل من 2010 :(

اتمنى لو يسمحون بالموديلات الي تحت 2010

وقالها اخونا كوكو سجل بكريم وخبرك ان مشروع طيب
وانت قلت ان موترك 2010
وعندك راس مال
واعتبر هذا مشروع بتفتحه
بعه موترك وزود عليه قرشين
وخذ موديل احدث مستخدم طايح فيها قرشين
بتحصل كورلا 15 دوبها ماشيه

وليش ماتشوف لك شغل ثاني مع الوظيفة تحسن وضعك لين لله يفرجها عليك وتحصل الاحسن؟

والله جالس ابحث عن عمل الان أفضل بحيث يكون الدوام فقط في فترة الصباح حتى لو افتح مشروع ولا شي اقدر اشتغل فيه المساء بدون ترك الوظيفه

فعلا دام معك 50 ألف بع موترك وخذ موتر موديل حديث و اشتغل بأوبر و كريم بأوقات فراغك بدون ماتخسر و ظيفتك
عند الصني 2017 ب 29 ألف أصفار 

الصني ما يقبلها كريم