افيدوني عن كفرات الصينيه للجيب

ان شاء الله تكد وعن تجربة ولكن سيارة سيدان عيبها الاكبر قساوتها يارجل اذا اكلت مطب تحس انك داخل حرب تجيك اصوات ماتدري من فين

داخل المدينه ممتازة خاصه نوع أسمه رينواي

و لكن بالسفر بعد سرعة 120 او 130 تحس فيه ضجيج

ماهو رجه ولكن ضجيج أنت صاحب السيارة تلاحظه

لأنك تعرف سيارتك لكن غيرك ممكن ما يلاحظه

داخل البلد ممتازة. لكن زي ماقال ابوعبدالله فوق 120صجيج يفجر راسك .وتسبب رجة خفيفة انا ركبتها على ددسن عليها صمان سنةفما انصحك فيها. لان الجيب سيارة ثقيلة ماتحملة.

هي هي نفسهالكن بدل مايمشي معك الاصلي سنه ويمكن اكثر الصيني مايمشيك غير شهور معدوده وينمسح

جيده لا بأس بها 
لكن فالوقت الحالي ما انصحك فيها
لان الكفرات الجيده والاصليه كما يقال رخيصه
يعني مثلا دانلوب مقاس الجيوب قبل كم سنه كان الكفر الواحد ب 700 الى 800 ريال يعني الطقم حول ال3000 ريال
اما الان الكفر الواحد ب 350 الى 400 ريال يعني الطقم حول ال1500 ريال
والكفر ما ودك الواحد يتهيون فيه خص اذا كان راعي سرعه
فإذا عندك مقدره ماليه فخذ النوع الجيد وخل الصيني والانواع اللي ماهي جيده

مشكلة الي يتهيون فيه

دام الكفرات رخصت لاتركب صيني
انا قبل سنه وشوي مركب لموتري كامري كفرات يوكوهاما ب٣٧٠
وقبل سبوعين ركبتها ب ٢٦٥
نازل فيها ٩٥ ريال للحبه
وترا حنا حاليا بنص ٢٠١٧
يعني تشتري اخر ٢٠١٦ اصلي
ولا صيني بدايه ٢٠١٧

الماكسس كمان جيد

شباب أنا مركب طقم كفرات دنلوب ياباني للأكسنت فيها تقريباً نصف عمر

ضربت رصيف قبل فتره وركبت كفر واحد أمامي صيني أنا سرعتي 160 على حسب تأخري على الدوام

هل يضر الكفر الصيني السرعه بالديره أنا منب راعي سفر ..؟

الصيني بيخدم معك لكن يبنشر كثير 

شفلك كوري وارتاح من البناشر ووقفات الرصيف

يارجل وش لك بالصيني؟هذا مافيه اسلاك من جوى ما اسرع مايحبل عليك خذ اندونيسي-كوري وبتكرف معك سنة هذا اذا ماانت اخذ كفرات نوعية ممتازة

انا ماركب الا صيني اسعاره حدود 130 ولا شفت علييها اي ملاحظات تقريبا الان استخدمتها سنه

فيه صيني عن صيني وفيه كوري عن كوري وانتم تتكلمون عن صناعة مب عن نوعية كفرات !!

كفرات sailun artezzo elite هذي افضل كفرات شفتها وتكد وتمد ولا شفت منها اي مشاكل غير اكلت حفره عميققه مره ومن بكره انشق الكفر من جهه الكتابه وغيرت الكفر نفسه وللحين ماشي عليه تقريباه 100 الف