أضف سؤال أو موضوع جديد          

الكامري البريمي

up 1 down 0
سلطان_28 269
قبل 3 سنه و 9 شهر



السلام عليكم
مساء الخير الجميع
ي أخوان اللي معه كامري وارد البريمي
هل تدخل ضمان عبداللطيف جميل
واللي دخلها الضمان كيف الطريقة 
وش الشروط اللي طلبو منه
لاني ناوي اشتري وارد بريمي وطلبت البطاقه
الجمركيه ودفتر الضمان قالو مايجي معها
لا بطاقه جمركيه ولا دفتر ضمان وفريت جميع المعارض
كلهم نفس الكلام ..
الخليجي وارد البريمي ب ٧٠ الف
والسعودي ستاندر ب ٦٨
انا كنت باخذ سعودي من عماد الدين ب ٦٦
لان سعره مغري مافيه متوفر عنده الا رصاصي وفضي
فقط..
قلت باخذ خليجي ويوم قالو ماعليها ضمان هونت

اللي يعرف طريقه ولا دخلها الضمان
يعلمني وش الشروط اللي طلبو منه ..
وفقكم الله لما يحب ويرضى









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا مثلك والله الضمان ضروري صراحه باخذ سعودي عشان الضمان
والمشكله البريمي ماعندهم الا ابيض ونى ابي لون ذهبي ماحصلت الا السعودي 
ان شاءالله خلال اليومين هذي بنزل اشتري والله يكتب مافيه الخير 
حصلت السعودي ب68 ونقول ان شاءالله ترخص اكثر


up 2 down 3
mt3b bn man8or 437
قبل 3 سنه و 9 شهر



اللي معه سعودي وضمان ينشفون ريقه اذا حصل عنده مشكله
فما بالك خليجي وبدون كرت الضمان


up 1 down 0
ابوليان1431 399
قبل 3 سنه و 9 شهر



متعب مر عماد الدين عنده ب ٦٦ 
انا كنت باخذ منه ويوم اخذت القرض ورحت له قال  الابيض
بيعت 
فيه فضي ورصاصي( رمادي غامق) اذا لك شف بهالالوان
لاكن لو عنده ابيض اليوم مخلص معه 
والبريمي انا بس عشان المسجل والتكايه ورا اجمل من السعودي
دام م فيه ضمان باخذ السعودي وامري لله


up 2 down 1
سلطان_28 269
قبل 3 سنه و 9 شهر



اي والله يابو ليان صدقت بكلامك



up 1 down 1
سلطان_28 269
قبل 3 سنه و 9 شهر



سمعت والله العالم
انك تاخذ بطاقتها الجمروكية ولازم تكون اصفار ما مشت ولا كيلو
وتروح لعبداللطيف جميل ويدخلها
لك بالضمان
لكن الافضل خذ رقم الهيكل وروح لعبداللطيف
واستفسر


up 0 down 0
every
قبل 3 سنه و 9 شهر



مشكلتنا لا يوجد حماية للمستهلك و الشعب عندنا تنقصه ثقافه الاستهلاك
ولا يعرف ماله او عليه و بالنسبه للضمان فهيا تدخل ضمن الضمان لدى
عبداللطيف جميل على حسب كلام وزارة التجارة

والافضل ان تتاكد و تخاطب وزارة التجارة
وهناك اشياء اخرى من حقوق العميل مثلا لو وجد خلل بسيارتك
وهي تحت الضمان و في صيانه عبداللطيف او غيره يجب على الوكيل
ان يأمن سياره بديله للعميل .

لكن حسبنا الله و نعم الوكيل


up 1 down 0
alhkami 436
قبل 3 سنه و 9 شهر



الي عند عماد الدين يا سلطان طيس ولا جنوط؟


up 0 down 0
mt3b bn man8or 437
قبل 3 سنه و 9 شهر



ستاندر طيس
والجنوط جي ال مطور ب ٦٩


up 0 down 0
سلطان_28 269
قبل 3 سنه و 9 شهر



صراحة اشوف الضمان كذبه
الكامري سيارة منتشرة وشكلها قديم ولا تغير ولا شفت احد اشتكى منها ليش تفكر بضمانها
فيه ناس تشتري سيارات مستعملة وماهي مضمونه ولافكر
و من فلوس الصيانة تقدر تشتكي مكينة ثانية
اصلا الوكلاء كذابين من يخرب شيء يقولك مثلا لو سويت صيانة بمركز غير الوكالة يقولك مايشكون على اشياء معينة بس يغيرون زيت وضمانك ملغي
او هذا سوء استخدام !
وغير كذا المراكز المعتمدة سيئة زي بترومين يركبون فلاتر تجارية


up 0 down 0
splinter cell 215
قبل 3 سنه و 9 شهر



سعود لا تعطي الناس معلومات غلط عيب عليك ، اخوي انا معي ٢٠١٥ بريمي من المعرض واول ما وصلت ٥ الاف كم رحت الوكاله ودخلوها الضمان عادي جداً بس سأل وارد ايش وقلت بريمي وهذي هي بالضمان الله يشهد علي وبدون تعقيدات


up 1 down 0
car.10 268
قبل 3 سنه و 9 شهر



يارجال انا معي بريمي 
ورحت الوكاله وعند مهندس سعودي 
قال السياره مضمونه سواء جيت ولا لا 
لكن ضمان قير ومحرك 
وهذي ماتخرب الا بمشئة الله الا في حاله كرفتها كرف الجنان
وانا والله لاغيرت زيت عندهم 
ولا دورت في الضمان الكامري ماشاءالله ينتهي الظمان وانت ماحتجته في شي 
الا طيرت فلوسك ع الوكاله بالزيوت والتشييك 
والبطاقه الجمركيه يعطونك انا معي 

بس ترا سعر الصيانه والزيت غالي عشانا خليجي 
ب 470 تغيير الزيت وانا سألتهم بنفسي 



up 0 down 0
علاوي555 542
قبل 3 سنه و 9 شهر



البريمي افضل من عبداللطيف الاستاندر
تتوفر بمثبت سرعه و تحكم طاره و مسجل 6 سيديهات


up 0 down 0
alhkami 436
قبل 3 سنه و 9 شهر



أنا معي كامري وارد الساير كويتي ٢٠١٥ فاكها جديدة من عماد الدين 
ومدخلها للضمان عبداللطيف جميل فرع البديعة والحمد لله . أخذوا علي 
قيمة فتح الملف ١٠٠ ريال فقط.وجميع الصيانات عندهم.
يقول المهندس نضمن لك القير والمكينة والاكسسوارات مايشملها الضمان.
هذه تجربتي مع السيارات الخليجية بس علشان ترتاح رح للوكالة وتاكد.


up 0 down 0
badr9898 126
قبل 3 سنه و 9 شهر



الحمدلله شريت كامري gl مطور سعودي من معارض النسيم
انصحك بمعرض خطوط الحياه اقل سعر بالسوق


up 1 down 0
mt3b bn man8or 437
قبل 3 سنه و 9 شهر



ما شاء الله 
ربي يعطيك خيرها ويكفيك شرها



up 0 down 0
سلطان_28 269
قبل 3 سنه و 8 شهر