استفسار للناس اللي تمسك خطوط

جرب فصفص مالح في الخط و شغل لك مقطع صوت تستمتع معه قران اغاني رسايل اناشيد و اذا كان ممكن شيل واحد من ربعك يتكلم معك طول الدرب و سلامتك

وقف عند النقل وخذ لك راكب او راكبين وقطع الخط علوم وسواليف
عندك الفصفص او الحب يطير النوم

ثقف نفسك 

فيه محاضرات قصص وعبر ونظريات ونصايح 

طيران وريح راسك

انت لا تقرأ اللوحات لأن اذا قرأتها بتشوف المدينة اللي تبغا توصلها يبغالها مسافة طويلة فهمتك رح تبرد ونفسك تصير كسولة

حاول تسلي نفسك بأي شي اكل شرب اسمع شي يفيدك يومها بتشوف الطريق هين

اما انا من ناحيتي خص اذا بمسك خط طويل
اول شيء اكون ماخذ حقي من النوم ماهو يكون فيني النوم وامسك خط
ثاني شيء ما اكثر اكل يعني اغلب ممشاي الصبح اتقهوى وامشي ما افطر لان اذا عبيت بطنك جاك النوم والارهاق واذا بغيت افطر اذا وصلت الديره اللي ابيها افطرت فيها
ثالث شيء الخطوط الطويله صعب تمشي 120 انا اذا مشيت 120 جاني النوم ممشاي 150-160 وعليها لان السرعه الخفيفه تخليك تركز وما يجيك النوم
رابع شيء الدعوه على التعود يعني اول مره بتكون متعبه عليك الخطوط والمره الثانيه والثالثه وبعدين عادي تتعود عليها حتى اعرف بعض الناس ادمن مسك الخطوط
خامس شيء اطلق ونيس في الخط شريط قرآن كامل من ناحيتي احب القارى محمد ايوب رحمه الله سماع القران اجر وراحه ويعينك على حفظ القران من تجربه شخصيه

حي الله الكل وجزاكم خير 
معاويه 4594 / م عندي احد يسافر ل جده ، وجربت اغاني وشيلات وكلش ، بس يجيك طفشش والله بعدين وفصفص صراحهه رهييب ساعدني كثييير الله يسعدكك 
xpoldx/ جربتهاا ، حلوهه بس ترا ينامووون ويسحبون عليييك.  انا عندي جيب لاند 2016  يشيل واجد ، وجزاك الله خير
شرقااوي / بجربها ذي ، اذا جيت خط الملل جده..  وبيض الله وجهك
Asalami / الاهل ضد فكره طيران  .. عندي موتر ف انزل عليه دايم 
Ahmed / ههه ي الغلا اللوحات تكسسر قوتك اتفق معك ، بحاول..  ويعطيك الف عافيه 
ابو ناصر / انا امشي 140.150 بس خط جده والمدينه صعبهه لازم 120 او انتظر متهور يدعسس 
وادعس وراهه ، ي الغالي القران راحه ماشاء الله..  بس انا افتحه الصبح لدوام ، اذا مسكت خط 
وشغلت قران ارتااح وبالي يروووح بعييد وافكرررر ب مشاكل ودنيا  .. وجزاك الله خير

سج الموتر وبتقطع نص المسافه وانت ماتدري! والخط لاصار طويل تمل حتى لو معك ناس 

اول شي توكل على الله و الخط ماله حل غير انك تكون مريح قبلها يعني ماخذ كفايتك من النوم
بعدها خذ لك قهوه رايقه اسبريسو لاتيه...الخ ويازينها بدون سكر حاول تشغل دروس تعليمية من اليوتيوب
تحملها او اذا الشبكة زينه تشغلها مباشر اي تخصص انقلش فلك عجائب الكون المهم شي يهذري عندك والله ييسر دربك

زي ماقال اخوي ابو محمد 1 خذلك اسبريسو

لكن جرب طعمه اول قبل ماتحرك من الكوفي لانك اول مره ماراح تقدر تشربه هههههههههههه

طبعا يخفف بالحليب والسكر على راحتك

لازم يكون معك خوي كفو وماهو اي واحد عشان مايغثك بالخط وخذلك اسبريسو دبل مع سنيكرس واذا انك لحالك فعل خدمة مكالمة بلا حدود وكلم اللي يعز عليك ولاتخلي حد الا تكلمه وتسولف معه واهم شي السرعه ابعد عنها مامنها خير 

حياك
صراحة ماله حل الا الخوي هات سواليف وهو سواليف 
وكان الله بعونك

كلم البلديه يشيلون اللوحه وانتهى الامر
--------------
الله يوفقك والامور سهالات بإذن الله توكل على الله وان شاء الله يطيب خاطرك

صراحة الله يعينك على المشوار
انا من الدمام للاحساء ويجيني النوم هههههههههههه

سم بالرحمن وتوكل على الله


خلك سفرك بالليل لان الليل ينطوي الطريق بسرعه بعكس النهار

دبل اسبرسو

ان حصل خوي معك كفو خذه ويفضل تسافر ومعك ناس لوحدك بتمل طبيعي

شكل مابين قصايد وقصص وقران اما الاغاني فلاتغضب ربك وانت في طريق سفر ماتدري وش يصادفك خلك في السليم وانصح بشريط قصص للشيخ نبيل العوضي والله رهيييب من واقع تجربة لان القصص حقته في اسلوب جذب وتخليك مركز ومصحصح

ايضا اذا موترك في بلوتوث كلم واحد من اخوياك والا من اهلك ودردش واضحك وخلهم يفكون مواضيع تقطع معك الخط شوي


في اسوأ الحالات كلها مانفعت وقف وخذلك ساعة ريح فيها وصدقني بتجيك طاقه تحس انك نايم 8 ساعات خاصة اول الليل ودربك خضر ان شاء الله

راكان / اي والله ، تسلم ي عيني .
ابو محمد / هبششر ، اقدر ذا اشغل ذا كله موتري جيب موديل 16 ..بيض الله وجهك .
سعود / لا ي سيدي مو مواصل تو الحين صاحي من النوم ، ويعطيك الف عافيه .
ابو هيثم / جربته اول مرره صراحه رهييب وطعمه مييت ب الحيل لكن بجربه اقيين ، وتسلم ي صاحبي .المعاوي / ي بعدي مفعل كلشش ، وبجربهآ اقرقر وي الناس والربع والعيله ، والسرعهه م اسرعهآ الا وقت ل وقت . باترول / م عندي آحد يخاوي متوكل ع الله وعليكم <3. بسام / تخيل ادق ع البلديه ، لاهنتو لوحتكم تجيب لي ملل ههههههههه ان شاء الله سهلات ي عيني .
محمد / آنشهد مششوار ولحالكك ملل يلدد ، عاد الشكوى لله .



هاوي/ انا دايم سفري ب الليل ، وانا مشكل بين ااني وشيلات ب صراحهه ، بس بجرب طريقتكك ولي ولك الاجر ياارب جزاك الله خير

عن نفسي اشربي يا قهوة اسبرسو او الحل الاخير بالنسبة ليا وما احب اسويه لكن امري لله وهو اشرب مشروبات الطاقه
بس انتبه تدمنها

ارقد بدري لمدة 8 أو 9 ساعات ، المهم تصحى من النوم قبل صلاة الفجر بساعة امسك الخط ، الصحة والنشاط مع الفجر
افضل للسفر ( قبل السفر : خذ لك دش ، فطور )

خذ نصيحتي هذي جديده يمكن عالاخوان

نزل تطبيق بالجوال عن تعليم اللغه الانجليزيه وشبك جوالك ببلوتوث السياره
وخل التطبيق يقرقر عليك ويعلمك مفردات اللغه الانجليزي
منها تحفظ كم كلمه لك ومنها تستفيد من هالوقت وكانك جالس بمعهد انجليزي

اذا ما تبي الحل الاول خذ الحل الثاني
محاضرات للشيوخ الوسيعين الصدر وكثير هم منها تسمع شي يفيدك وتستانس بكلامهم
في اشرطه كنت احب اسمعها لمحاضرات عن توبه راعين المخدرات وقصصهم زي يوسف الصالح الله يرحمه
امسك خط الساعه 4 الفجر احلا وقت
تروش وافطر وصلي وتوكل على الله