أفضل نوع كامري تويوتا بالخليج؟

وعليكم السلام
الكامري في الفل كامل سوا السعودي والخليجي اللهم ان 
الخليجي احسن في اشياء بسيطة

دامك في الطايف لو تقدر تمر معارض الطايف تشوف لك كامري
امريكي مواصفاتها ابداع ونفس قطع السعودي

واذا صامل ع الكامري السعودي مر عبداللطيف جميل 
بتلقى عنده كامري GLX بريميوم  مواصفاتها ٦ ارباقات + بصمة
+ طبلون افالون + نفيقيشن  ومخمل ماهو زي جلد الكامري البريمي
الملفق ، وجلد بدون تبريد مقاعد ماينبغى

اول مره اسمع بها الإمريكي ، ممكن مواصفاتها او وش اللي يميزها عن السعودي ؟
وهل بيقبلها الوكيل المحلي ؟

صاحب الرد الأول

كم سعر الكامري GLX بريميوم؟؟

سعرها مبالغ فيه -- 101000 ريال

يزودها شوي وياخذ أفالون ستاندر أبرك له

ليش كل هالزحمه وتدور افضل وحده ترى راس مالها كامري 

واطنخ مواصفات فيها تلاقيها تماتيك وسقف واذا مره طنخت ركبوا لك دعاء سفر ههههههه

واذا اشتريتها تمشي بالشارع مسوي كاشخ واللي يشوفها يحسبها ٢٠٠٦ على شكلها القبيح

تشتريها ب ٩٠ الف واذا حشرك احد تقول شيك في الجيب وبعد سنتين وانت عارضها ب ٤٠ الف 

الناس تتطور وتشتري راحتها ومواصفات بسعر معقول 
وانتم ترمون فلوسكم بسيارات م فيها ولا ميزه 
قبيحه عزلها سيء من واقع تجربه ، بدي ضعيف الصدامات تنتفتح مع الهوا ، مثبت يعلق ، قطع غاليه

 واذا شاف سياره كوريه ٤ كاميرات وشاشات وبروجكتر ونقط عمياء وبانوراما اكلها بعينه
واذا ركبها مثل المفجوع منصدم من مواصفاتها ههههههههه 

ايه صح علشان م اظلم الكامري فل الفل فيها بروجكتر اخضر ينباع بحراج واحد اطنخ منه ب ٢٠٠ ريال 

طيب ياصاحب الموضوع راح اقترح عليك اقتراح ممتاز رغم كثرة الديسلايك اللي واح تجيني هههههه

تبي تشتري كامري جديد بمبلغ وقدره وتسأل عن الصيانة

اقتراحي يا إنك تشتري كامري جديد وتنسى شي اسمه صيانة لأنه جديد 

او تشتري كامري موديل 12 او 13 بثلث المبلغ وسو الصيانة اللي يحتاجها 

بالعقل والمنطق هذه المعادلة الصحيحة وأنت حر برأيك وأختيارك وقناعاتك

اجل الله يوفقك اسمع شور بعض الشباب اشتر لك موتر كله لمبات زنون

وتعال في المنتدى بعد شهرين تشكي من المكيف ولا البانوراما

ولا مكينة مخبطة لاسمح الله

الرحابة الداخليه صارت تعمي بعض الأشخاص 
تويوتا لو خربت في أي مكان تلقى قطعها وهذا اهم شي عندي
بالنسبة للأخ nader21 انا طلبت استشارة وانت كلامك مختلف وخارج الموضوع 

اخوي خلف اللي يسمعك يقول اننا ساكنين يصحراء
ترا الهولندي والكيان قطعهم منتشرة أكثر من تويوتا
إذا معاك هونداي وتبقى تشتري قطع استهلاكية مو لازم
تروح لمحلات هونداي روح لكيان واشتري عادي جدا
وإذا معاك كيا روح لهونداي عندك 3 وكلاء في احسن من كذا
وعلى فكرة ترا الكامري تأكل الأقمشة والجلوس لازم كل فترة ينشد
والمكينة فيها رجة وووووو....

خلف العزيزي
دور على الكامري الأمريكيه الي تجيك
Xse
الداخلية مختلفه تماما عن السعودي والخليجي
من طبلون وديكور
سقتها وركبتها
داخليته جميله فيها تطريز احمر وشغل حلو
ومريحة
ما اعرف عن عزلها ما جريتها لمسافات طويلة
عزمها مو قد كذا او ان الي ركبتها ماهي ممرنه
ابحث عنها في قوقل وخذ انطباع عنها
كان تبغا نصيحتي ابعد عن الglx والgl والفئات ذي
الداخلية نفس الشكل الي قبله ما في اي تحديث بس الشكل الخارجي الي متغير

هولنداي=هونداي ** 
لكيان=كيا**

أنصحك بكامري xse عن تجربة أفضل من glx حتى المساعدات أفضل ومريحه ولا تناقز مثل الglx تقول هايلكس 
لاكن xse مساعداته مختلفه 

كلنا نسب تويوتا واذا جت الصمله والشراء مالنا غير تويوتا
مواتر كد ومد صح انه مبالغ في سعرها وما فيه مواصفات لكن تبقى سيارات عمليه درجه اولى
والواحد اهم ما عنده العمليه والكد ما يبي يشتري سياره تشغله كل يوم بالصناعيه

طيب الإمريكي صيانته على عبداللطيف؟