كم يسوى اوريون 2009 نظيف قراندي

وعليكم السلام ورحمه الله وبركاته 

والله بالنسبه لسعرها مااقدر افتيك فيه بالظبط 

لان بعض المدن اسعار السيارات فيها اغلى من المدن الثانيه 

مثل الجنوب. ابها وخميس مشيط. اسعار السيارات فيها 

اغلى من الرياض. احياناً يكلموني اخوياي اشري لهم 

سيارات من الرياض. فرق بالسعر اكثرمن خمسه الاف 

مستخدم او جديد. كلها فيها فرق بالسعر. 

لاكن. بالنسبه للاوريون. انا بقولها لك بكل صراحه 

انا مااستخدمتها ولا جربتها لاكن. فيه واحد معنا بالمنتدى 

قبل فتره. نزل موضوع مثلك يسئل عن سعر الاوريون 

وبعض الردود وانا منهم. قلت له. انا سمعت ان فيها 

عيب مصنعي بالقير. اغلب الاوريون. قيرها يخرب 

والرجال اشتراها ٢٠٠٩ وبعد اسبوع نزل موضوع يقول 

القير خبط. وغيره بواحد مستورد. وماكمل شهرين وخبط 

وباعها بالاخير بخساره. وغيرها كثير اشتكو منها. 

اقرا عنها بقوقل. وتحصل مواضيع كثيره تتكلم عنها 

لاكن. اذا تبي رايي اتركها انا معك السياره كشكل حلو 

وعزم حلو. فيها اشياء كثيره حلوه. لاكن. مشكلتها القير 

مثل ماقلت لك وانا اخاف انك تاخذها وبعد فتره يطلع لك 

بالقير مشكله. انا مابي اخوفك منها لاكن يعلم الله. اني 

مابيك تخسر فيها. وانت ادخل بقوقل. واكتب عنها. وبتحصل 

مواضيع. تتكلم عنها. لاكن. اذا تبي. سياره. عزم. ومقاربه 

للاوريون. دورك افلون. ٢٠٠٨ الى ٢٠١٢ خويي معه افلون

٢٠١٢ ماشاءالله تبارك الرحمن. اشتراها ماشيه ٨٥ الف 

واخر مره ركبت معه كانت ماشيه ٣٨٨الف وكسور. قير 

مكينه عضلات كلها شدبلد.  انا لو مكانك اخذ لي افلون. 

اذا فلوسك محدوده. دورلك ٢٠٠٧ الى ٢٠١٠ والراي الاول 

والاخير لك.  ولاتستعجل. على الاوريون. ابحث عنها بمتصفح 

قوقل  وبتحصل. مواضيع كثيره عنها. والله ييسرلك الي فيه الخير

اتمنى اني افدتك لو بالشي القليل. وبالتوفيق لك. 

وان شاء الله الاخوان. يفيدونك اكثر 

طيب وش فرق الاوريون عن الافالون نفس القير والمكينه

ثنين من اقاربي استخدموها واحد اضن 2008 وللثاني 2009 او 2010
المهم كلهم ضرب عليهم القير على ان سواقتهم راكده ورجال كبار بالعمر

حتى es نفس المكينة والقير بس تفرق في التجميع والجودة

يعطيكم العافيه وادري ان قيرها يضرب بس بغض النضر كم يسوى تقريبا حدود كم 
وبيض الله وجيهكم